記得早前post桂花糕上來時
提及過一班愛煮愛吃的朋友仔
相約來一個整嘢食+打麻雀+bbq的聚會
今次一行十七人
來到這家沒人住的別墅
要玩的玩, 煮的煮, 燒的燒
各有各精彩
打麻雀的當然不想上鏡啦
唯有來看看廚房攪什麼鬼先
一進來已經見到朋友仔快手快腳的炒熟兩隻雞
待雞半熟後
加入清水煮滾
隨著雞湯慢慢滾起
再加入自家釀製之杞子酒
一窩美味保身既黃油雞杞子酒煲好喇
這雞酒極受歡迎架
另外, 因為唔係個個識打麻雀
唔識打既當然要諗的細藝比佢地搞下啦
就係包餃子喇
我都係第一次包乍
經熟手技工教識我後
幾十隻自家整既餃子出爐喇
搞完一樣又一樣
再接再厲既係一款甜品黎既
軟滑滑糯米糍喇
有兩款口味揀架
上面黃色果款係南瓜蓉
右下面紫色既係番薯蓉黎架
南瓜味比較香
紫番薯就較甜
各有各喜好者架
除左一大班人齊齊整既食物外
還有整嘢食最叻既一位朋友仔帶來的蒜泥白肉
豬肉食落口
比起出面店子食到的爽口好多
原來朋友仔已花上兩日時間醃整架
唔掛得知咁入味啦
