午餐: 馳名咖哩牛腩飯@生龍清湯腩

聽說位於深水埗的總店很有名
今次特來試試持名的咖哩牛腩飯$50
落單時會問你要大中小辣
因第一次嘗試
當然點個少辣試下先
嘩!少辣都咁辣, 唔知佢係落錯單定小辣真的咁辣?
同場還點了一個中辣的薄餅作比較
食落口中辣和小辣沒大分別
咖哩牛腩飯食得出是用了很多辣椒油製的
本來以為這應出名的咖哩
應該是自己炒出來
食第一啖就開始辣到想停
不是很滋味真那款
還有一提的
就是這裡出單比較慢
眼見枱枱客都話要等上半個多小時以上才送來飲品
還有熱飲的白色杯非常的不潔
不知口應放在那裡去飲
唉! 算了, 應該不會再食這咖哩飯的




地址: 藍田啓田商226-227號

佳佳甜品@佐敦

經過佐敦油麻地一帶, 記憶中永安後面有檔糖水d人話幾好食既, 但搵來搵去都搵唔到, 行到攰攰地, 是旦搵個地方坐下先, 咁啱行到佳佳門口, 入去試下就有外意發現.

合桃糊
食到一粒粒磨碎左既合桃, 好明顯唔係粉沖既, 唔太甜, 啱我.

白果腐竹意米糖水

雖然比較普通, 無咩特別, 只係覺得d白果唔苦, 好大粒, 都算ok啦.

地址: 油麻地白加士街121-123號

廣島沾麵本舖爆彈屋@銅鑼灣

自從一蘭開店之後
好多人都來到銅鑼灣搵食
一蘭的口碑其實不算太好
因要花太多時間等候
只是為了嘗一嘗新的自助搵位機及獨立坐位
食碗拉麵啫
可雖花自己太多時間呢
當一蘭未開店前已經覺得這間拉麵店唔錯
又唔使花太多時間等候
想起食拉麵都回再來這間小店
這裡坐位不算多
每次來到都坐滿晒人
點麵紙上沒有太多選擇
唯的是精簡好味
但辣度就可隨意加減
最窩心的就是點麵後
侍應會遞來一條用完即棄的紙圍巾
圍巾長度足以遮掩放在腳上的手袋
免得湯汁彈出弄髒衣物
還有一樣值得一提的
愛放芝麻入湯麵食的朋友注意喇
 店舖的枱上放著一大盤的芝麻
是任客人隨意加上的

辛辣味噌拉麵

廣島拉麵

地址: 銅鑼灣駱克道453號地下

京菜美利堅有限公司@灣仔

上次去喜萬年食, 覺得無出面d人講得咁好食, d餸又細碟, 招呼又唔好, 朋友話去喜萬年食不如試下附近果間美利堅啦, 即刻book位先.


片皮鴨
肉質唔錯, 咁好大碟, 我地七個人都食唔晒.

.
鐵板牛肉
老伙記介紹既, 都唔錯, 我連d京蔥都食埋.

咕嚕肉
個咕嚕做得唔錯, 但各人都話這碟麻麻地, 原因係我地叫既係咕嚕肉, 唔明點解食落口會有食魚既感覺, d肉太冧, 冧到唔似豬肉, 個個都唔食.

鍋貼
明明睇落去係餃子, 點解話係鍋貼呢?? 鍋貼邊有咁厚皮呀, 睇見都唔想食, 我又無咁浪費既, 趁熱咪攞上手試下喎, 點知真係估唔到, 除左係個皮厚d之外, 味道都唔差, 你當佢係菜肉包咁食會覺得幾好味架.

 

地址: 灣仔駱克道20號

小南洋@油塘大本型

剛從新加坡回來, 有點掛住那裡的咖央多, 朋友說新加坡坤記的咖央醬很出名, 買了兩樽回來, 今次來到這間說是新加坡地度開的小南洋試下, 看看他們的咖央有何不同.

牛油咖央多+熱奶茶 $23

牛油白糖咖央多+熱奶茶 $21

新加坡的是厚多士, 這裡的太薄了, 好像沒食過一樣, 咖央真的沒新加坡坤記咁香, 這裡的只是甜甜的醬便算.

地址: 油塘高超道38號大本型3樓大食代

.

喜記避風塘炒辣蟹@銅鑼灣

避風塘炒辣蟹
這裡的蟹唔多大隻, 初時個伙記拿過來的不到兩斤, 叫佢選隻大d, 都係得這隻兩斤多, 炒埋一碟後, 無咩肉食.
個蒜粒太油, 唔夠味, 無橋底辣蟹炒得咁好食.

椒鹽九肚魚

薑蔥生蠔煲
唔知係咪睇人頭比呢? 只得5隻.

鹹肉九菜花
鹹肉幾好食, 不過太少了, 每人都食唔到兩片.

鹹菜豬肚
點菜時無諗過咁多水, 覺得似鹹菜豬肚湯多d.

瑤柱蛋白炒飯
炒得好乾身, 係太過乾身, d飯好硬.

地址: 銅鑼灣謝斐道379-389號地下

海鹽雲尼拿@桃哈多

桃哈多真的經常會出限定版,
今次又黎真口味,
同之前食過普通雲尼拿味差不多,
甜中帶點海鹽味,
好有新鮮感.

白熊咖哩@上環

吉列豬扒+雞肉咖哩飯 $63
自選係列: 先選擇咖哩飯之口味, 再擇選你喜愛之配料, 有須要的還可加$10加大飯之份量, 加$10可轉珍珠飯, 烏冬或奄列蛋飯.

芝士豚肉扒奄列蛋咖嘢飯 $78
唔想諗既, 都有一些已配撘好的選擇, 這個芝士味比較濃, 愛吃芝士的一定喜歡.

地址: 干諾道上環信得中心228-230號舖

榮暉咖啡美食@澳門

這間店鋪是在坐車到酒店時接待的姐姐介紹的, 主打食天麻川芎魚頭米, 但我們搵到這店已是二點多, 伙計又說那天會收四點, 所以很多食材都沒有了, 包括接待姐姐介紹的天麻川芎魚頭米.


雞湯米
雖然食不到魚頭米, 這個雞湯米也不錯, 簡單的三個字"雞湯米", 無諗過來到的居然那麼大碗, 湯底亦唔少料, 紅棗杞子都有, 蘿蔔同雞都好食, 當然個湯都係好夠味啦, 值得一試.

雜菌米
因新鮮食材所餘無幾, 便叫了這個比較容易搵到既餸, 雜菌, 睇落去以為得菌應該好清, 點知原來個湯低都係好好味架, 兩幾蚊, 大大碗, 我最後都係食唔晒, 香港一定搵唔到啦.

楊六牛雜@澳門

意外收獲, 本想搵榮暉食魚頭湯米, 點知行行下行左入條巷仔度, 仲見到個男仔影住個伯伯, 知道一定有好嘢, 我地行到入巷仔尾, 見到格車仔, 原來係賣牛雜既, 其實唔知佢有幾出名架, 老板娘見到我地行入去即刻話好快開檔喇, 叫我地坐下, 之前都無諗過食, 既然行到黎, 又攰攰地, 又未搵到食晏, 一試無防啫, 於是坐著等佢開檔啦, 坐低左至發現原來這間都幾出名, 四周貼滿晒明星相咁, 老板娘終於過來問我地食咩,  諗住留肚食嘢, 所以叫左個細雜, 但又覺得幾個人食碗細雜唔係咁好意思, 就order埋牛肉丸試下, 個牛雜食落口其實無咩特別, 味道一般, 牛丸整得好冧, 我唔太鐘意, 我愛食一些有咬口的, 黑椒味好膿, 唔啱朋友口味, 最大問題就係唔熱, 食完之後好似有d嘢梗住個胃咁, 好唔舒服, 唔知係咪未準備好開檔所以咁差呢??

喜蓮咖啡@澳門

因住氹仔關係, 早餐便去到官也街附近搵食, 但很多鋪都未開, 最後來到這間咖啡室, 時間七點多, 沒其他遊客, 全是街坊, 睇衣著似是食完趕返工那款.

番茄牛尾湯麵
一食便知是某款罐頭牛尾湯, 可能是這關係, 一定好食.

紅豆冰
紅豆煮得唔太冧, 好大粒, 有咬口, 不過太細杯, 杯身超厚, 杯底勁高, 雖然好飲, 但唔太低.

豬扒包
第一口咬落去, 食到豬扒好香, 但食食下會比個包吸引多d, 相比之下豬下失色了.

咖哩吞拿魚包
本來係叫咖哩辣魚魚既, 算啦照食, 唔知係咪罐頭吞拿魚+咖哩醬呢, 多汁, 幾好味.

炸吞拿魚角
餡料可能都係罐頭, 個角就炸得好香脆, 熱到揸唔到上手.

炸雲吞
又係熱氣嘢, 唔咩特別...唔好食, 啱口味的, 炸嘢唔會太差.

亞馬交葡國菜@澳門

之前食左個間法蘭度, 覺得麻麻地, 心諗出名的店舖多數都唔太好食, 所以這間真的沒期望, 因為朋友預先訂左位, 唯有一試啦.
這裡似是私房菜型式經營, 樓上是廚房, 樓下只得兩幾個位, walkin的都不招呼, 六點開工, 八點半便要收爐, 一日只能做到一轉生意, 今天連埋我地幾個, 三組人已坐滿全店, 可能一爐一廚師關係, 差不多要等一組餸菜上齊, 師傅至做另一組人的order, 所以這裡比較適合一大班人來食飯聚會, 有傾有講慢慢食, 如果只為食飯而來, 便覺得等食都幾慢長架.


葡式咖哩雞
這個超好食, 連放面的雞蛋都比我們槍晒, 雞好滑, 今次只叫了半隻, 食上來真的唔夠.

砵酒煮牛尾
煮得唔夠冧, 細骨頭多, 比較難咬, 個汁雖然無砵酒味, 但調得味道啱啱好, 可撈飯.

葡式炒飯
看上去只是平平無其, 但食落口味道適中, 用葡國腸炒, 所以味道好香, 平時唔多食飯既我都引唔住要添飯.

烚菜
每餐都會叫碟菜的, 唔知係咪葡國人唔慣咁樣食, 叫親都無菜既, 佢話只得白菜, 咁唯有叫佢蒜蓉炒白菜啦,
點知碟嘢上到枱竟然係咁, 以為佢地齋烚菜啦, 又唔係喎, 真係搵到有蒜片架, 朋友仲話這個不是白菜, 唉! 算把啦, 該都係大家既飲食文化唔同啫, 晒食啦!

法蘭度餐廳@澳門

雖然去過澳門好多次, 亦都聽唔少人講過這間餐廳, 但始終次次都係少貓三兩隻過去, 所以一路都無試過這裡的乳豬, 趁今次人多, 一於過來試試先.

例牌乳豬
傳說中既乳豬, 終於食到喇, 成日聽人講乳豬要訂架, 好好食架, 真係無諗過原來係得咁少, 以為係成隻上添, 個皮算整得幾脆, 但唔係我杯茶, 因為肉質太冧, 無咩味咁, 我都係鐘情傳統起花皮的那款, 所以這次試過便算, 唔會再試.

啤酒汁牛扒
order話要七成熟, 切開後一塊應該九成, 有少少紅, 另一塊全熟, 有d難咬, 食落口又"鞋",
雖然話係啤酒煮, 可能煮完之後走哂d味, 麻麻地.

燒立倉魚
味道幾鮮甜, 皮燒得好香脆, 但入口時還有一粒粒的粗鹽, 吃到有鹽時覺得很鹹.

菜沙律
本來想叫碟炒菜食下, 點知這裡只提供一款菜, 不是太啱胃口, 見天氣有點熱, 叫了這個沙律便算.

返而無諗到d薯條整得幾好食, 鹹鹹香香咁, 埋單唔使六百, 如果啱食既就唔算貴, 但個人唔太喜愛這裡的口味.

Burger Home@灣仔

只要比麥記比d少少錢, 就食到這裡即叫即做的包包, 新鮮熱辣, 薯條鬆脆辣手, 唔想食飯既一餐, 改食包包的, 這是我不二之選.

豬柳漢堡$21

趣醬雞扒包$24

可以加$15轉做套餐, 包括薯條及飲品.

地址: 灣仔交加里51號保和大廈地下12號舖

我返來喇!

個yahoo真係麻鬼煩, 無啦啦block左我個a/c, 明明無記錯password, 但偏要我入這個Security Question既答案, 諗左好耐, 初初仲以為自己set條咁既嘢出黎, 入極個答案都唔啱, 一路都開唔返個blog, 後來才發現原來這個不是我set的.....總之, 搞左好耐, 終於還我自由喇, 希望唔會再有這類情形出現啦, 玩死!!