年初三拜年&mora生日

年初三果日約左屯門一班朋友去飲茶同拜年, 之後仲上左raymond既新屋添, 都係果句啦, 我最怕就係諗買咩比人勒, 又怕買得唔啱, 人地唔鐘意, 所以我覺得食既嘢就最好勒, 果日仲咁啱又係mora既生日, 所以一早起身整左蛋糕比佢, 又可以當手信, 又可以當生日蛋糕, 真係一舉兩得, (hehe我都幾是旦架乍), 今次人數都唔少, 所以用平時個5吋蛋糕模應該唔夠, 咪唯有整二個囉, 不過整左二個又入唔到保鮮袋, 於是將二個蛋糕用保鮮紙包住後再放入保鮮袋啦, 唔用盒就啱啱夠放囉, 但係個感覺就好似年糕咁, 都幾搞笑喎, 希望的朋友仔唔好介意啦.

芒果千層酥

 好快又一年勒, 係度祝各人身體健康, 事事如意, 心想事成啦, 年初一一早照例都要去拜年既, 但總係覺得年年去拜年最頭痛既就係唔知買咩嘢上人地屋企好, 今年終於決定唔買嘢勒, 不如自己整嘢去拜年啦, 見新正頭當然想整的好意頭嘢比人啦, 但係自己又唔係樣樣嘢都識整, 好啦, 就整芒果千層酥, 喻意係"昇昇昇"有咩昇咩, 同學仔食左成績會步步高升, 打工仔食左會升職加薪, 炒股票既就更加買邊隻升邊隻啦, 總之食左個個都好就開心啦.



焗左無幾耐, 就見到一層層好分明咁分開左勒.



再焗多陣, 就已經聞到一陣陣脆卜卜既香味飄出來.



焗好後, 放的糖霜同芒果係面就完成勒.