勁難食既午餐

一向好鐘意食餃子既我, 之前係百佳見到有呢款小籠包賣, 就買左一包黎試下勒.

初食第一粒時覺得都ok喎, 夠味, 又多汁, 但食食下, 越食越覺得好有問題, 個口除左有肉汁味外, 仲好油膩咁, 個陣油味難食到~~~~ 於是夾開個小籠包睇下啦, 嘩! 勁多肥豬肉喎, 平時好食得肥既我, 今次都頂唔順, 唯有食面既皮唔食肉啦, 但感覺都唔係咁好, 最後, 都係成粒唔要, 唔想再食勒, 下次都係咪搞我, 一定唔會再買lu.

這麼近, 那麼遠

今早一開信箱, 發現有份包裹喎, 封面還寫著from: m&m…………

m&m, 我有參加過什麼什麼抽獎遊戲嗎?? m&m, 知我鐘意食, 特地寄給我試食嗎?? 不用想得太多了, 第一時間打開便知咩事啦, 啊!韓國手信~~魚乾小食, 原來寄這包裹給我的m&m是一位剛去完旅行回來的朋友, 朋友呀朋友, 你總愛做一些出人意表的事來, 由你回來後說要交些手信給我, 未曾想過你會如此送上的, 真估不到你會郵寄過來, 太攪笑勒.

特別在此多謝咁有我心既mivan & mark, 多謝晒.

狗醫生頒獎禮2007

“狗醫生頒獎禮2007” 已於24/2荃新天地舉行, 當日我和幾位c&f成員到現場主要服務是扭氣球給來賓, 一眾人等為派氣球前作好準備, 每人都在自己頭上花了點工夫,

最利害的局長, 竟為自己扭了隻”咇咇”鳥放在頭上, 你睇佢幾咁英偉, 其他人都各展所長扭出了高飛狗, bunny兔, 羅茲威爾, 馬騮上樹等作品,

但我作為一個初學生, 什麼頭上作品都扭不出, 好在有靚女aunt教我扭這款皇冠, 這都不失為一個好作品丫.

現場所見, 人很擠迫, 排山倒海既人龍要求各義工為他們扭出自己想要的氣球來,

c&f的義工們真的很用心為人群服務, 有求必應,

但好可惜, 今次未能與他們一起服務, 因天雨關係, 我只為他們的包包服務了(幫他們把包包放到有利位置), 之後回來時發現沒有人負責看管物件, 於是我便留守大本營吧, 其間, 只是趁有人回巢時, 便出去走走, 見到大大細細的狗狗開始進場, 知道頒獎典禮差不多要開始了, 隨著頒獎典禮開始, 扭氣球的服務便要結束.

另外: 還要多謝 greeny教識我扭這款貴富狗添.

.

後話:

今次無出場扭波波既原因, 其一係因為無人看嘢所以要留守係度, 但另一個心理因素係我有少少怯場呀, 第一次出扭波波function既我, 出到去都唔知點應付好, 見到咁多人圍住自己個心好驚架, 希望下次落到場幫手啦.

仁氣居食屋@尖沙咀

早兩日有朋友仔生日, 本來已經book好左去王子推介既海鮮站食, 點知當晚朋友仔話間嘢地方太細坐得唔舒服, 要求揀過第二間, 最後行左去半島中心地下, 經過仁氣居食屋, 有位經理出來介紹個$98日式任食火鍋, 為左唔想四處再搵食咩, 見個經理又落晒咀頭咁, 咪入去試下囉.

唔入去由至可, 一入去就把幾火, 淨係聽個經理介紹個menu都要聽成15分鐘(有的朋友聽完都唔係好明添), 跟住填order紙點嘢食啦, 咩鬼都無既, 仲要限制多多咁, 又話限食2小時添.

係度等我同大家講解下佢地間嘢既收費方法先:

1) 首先要比個最機本既任食刺身及火鍋$98(上圖: line1+line2)包自己出去攞迴轉帶既壽司, 另要加$10醬汁費.

2) 無論幾多個人黎食, 開幾多個鍋都得, 但每個鍋要另加$45.

3) 當你發覺以上既嘢唔夠食(因為款式太少, 一定唔夠), 又要每人另加$45才可食到和食及鐵板燒之類既食物(上圖: line3+line4).

4)因為最機本既刺身及火鍋款式太少, 想食好的既要再加$55才可食到其他想食既款式(上圖: line5+line6).

*****請看看上圖: line1&line2 及 line5&line6明明都係刺身同火鍋料, 雖然話唔同款式唧, 咪最多又加錢食囉($98:line1,2 +$55:line5,6), 但佢地又話唔得喎, 一定要你由左至右加錢才可享用到menu內之最右面既食物(問你死未, 食一餐飯, 都要搞到咁覆習).

大佬呀, 我唔理你點計算方法丫, 作為一個食客, 我只想用一個公道既價錢去食我想食既嘢唧, 唔係想同你左計右計點食法喎, 你不如話我知$200任食好過啦.

仲有, 最把火係佢明知我地有朋友生日(因為我有整蛋糕攞去切)佢第一時間就話送個壽司蛋糕比我地, 我地一聽到即刻就話唔要, 佢係都要送上黎, 仲要咩嘢食都未到就擺佢上枱~~~~~~算點呀, 咁大舊飯, 我地幾個都鐘意食既, 咪話左唔要囉, 仲攞黎, 想我地食完舊嘢就唔駛order其他嘢食唧, 駛唔駛做到咁出面先.

唉, 總之最後埋單都要千幾蚊, 咁既價錢食咩都得啦, 駛唔駛去你度食呀, 試過今次, 一定唔會再黎食囉, 麻鬼煩.

尼間嘢簡直十萬個唔得呀:

1.   經理唔得. (係都要送個壽司蛋糕埋黎, 仲大個我整既2個round)

2.   火鍋唔得. (又問我地要咩湯低, 但個湯好齋, 無咩味, 我諗你點咩名都係比呢個湯低你)

3.   款式唔得. (每一行既款式唔多, 想食既全部都係menu最右面)

4.   價錢唔得. ($98+$10+$45+$45+$55+10%)

5.   食物水準唔得. (牛柳勁淋, 炸軟殼蝦只得炸粉, 壽司全是硬飯.............太多, 算把啦, 講極都講唔晒呀)

地址: 尖沙咀(尖東)麼地道67號半島中心地庫70號舖

電話: 31029328

黃金芝士蛋糕

一個勁鐘意食芝士味既朋友仔生日, 特別為佢整左呢款唔花考既蛋糕, 怕佢唔鐘意其他裝飾及花考嘢, 只在蛋糕面裝飾一下便算了, 最緊要係味道啱佢就ok啦.

郭富城舞林正傳演唱會延續篇2008

之前係紅館開完演唱會既郭富城, 情人節期間又在機場博覽館再開舞林正傳延續篇, 上次買唔到飛既我, 今次終於有得睇勒.

係博覽館開四面場, 比起紅館既場地仲正, 坐位超近, 城城話: 就算坐山頂位都係比個台既水平高少少乍, 尤其是今次佢個台仲升得咁高添, 升起再旋轉時仲高過山頂位架, 所以無論坐邊個角度都睇得咁正.

今次諗住帶部大機出黎影城城既, 點知叉完電後放低左出門口時唔記得左攞添, 唯有又係用部手機影下先啦.

演唱會既氣氛相當之好, 我揸住個bonbon舞足全場, 都唔識得影相勒, 去到高潮位仲企起晒身一齊跳添, 呢幾日咁凍, 沃下個身個人都暖左好多喎.

記得上次入黎睇梁詠琪演唱會時左轉車右轉車咁, 坐成個幾鐘至入到去, 覺得好鬼麻煩, 唔想再有下次添, 但今次揀左坐專為呢個演唱會而開既機場快線, 又幾舒服喎, 仲要半粒鐘就入到去添, 咁大個女都係第一次撘機鐵乍, 感覺都ok啦, 最緊要快麻.

於演唱會當日買即日來回博覽館既車飛, 只係收$42乍, 都幾底丫. save time save money麻.

由於要係中環撘機鐵, 咁順便係中環食埋晚飯至入去啦, 天氣凍凍地, 所以揀左呢間食咖哩既舖頭~峇里閣, 入到去好快咁揀左個巴東咖哩牛腩麵, 個汁好野味架, 的牛腩都好淋, 你地唔好睇錯個碟係意粉喎, 真係麵黎架, 佢地將的麵滾完攞起再撈咖哩食既, 幾好味咁架.

另外仲叫左個串燒雞肉黃薑飯, 好其待既黃薑飯真係有的失色, 個飯又凍又硬, 又無咩薑味, 無知點解叫黃薑飯呢, 好在跟飯既串燒仲算過得去, 不過我都係揀左攞人地的巴東咖哩汁去撈呢個黃薑飯食囉, 咁樣個飯就變得暖暖地無咁凍食, 的飯又有返的味咁啦. 但我個朋友話, 呢間嘢晏就食既午餐就幾好喎, 晚餐佢都覺得麻麻地, 咁下次有時間既咪再黎試下午餐有幾正囉.

峇里閣:

地址: 中環卑利街35號地下

電話: 2854 1532

情人節快樂

今年收到情人節既花束比往年大扎好多, 唔知係咪因為加多左人工, 出多左bouns既原因呢, 咩都好啦, 總之有得收我都好開心, 我真係好鐘意好鐘意的花香味架.

扎花咁香既原因好可能係的百合花發出黎既, 呢扎花入面勁多嘢喎, 11支粉紅玫瑰 + 12支大百合 +星花 + 無忘我 + 尤加利葉 ..................(聽講的尤加利葉可以放好耐都得)

同場加影: 呢兩隻唔知咩花(但我覺得佢地好靚)係我過年前買既, 連埋之前浸既水仙, 成屋都佈滿花香味, 好醒神呀.

手多多午餐

平時好少晏就開鑊煮食既我, 今日突然想起食的香口嘢, 但我又唔想落街買, 唯有係屋企搵搵有咩可以做食材啦, 入廚房望兩望, 又比我發現自己早前種落既蔥, 佢地不經不覺咁長大晒lu, 嘻~~嘻~~嘻~~咁就再整蔥油餅啦.

因為今次係整一人食既份量, 所以唔攞個磅出黎量度勒, 靠自己既感覺都ok既, 都同大家分享下我個人食譜啦.

材料: 中筋粉3湯匙, 糯米粉1湯匙, 溫水5湯匙, 鹽適量, 蔥隨意.

做法:

1. 先將蔥洗淨切粒, 備用.

2. 中筋粉, 糯米粉, 溫水拌勻, 靜置20分鐘.

3. 蔥粒, 鹽加入粉漿中拌勻.

4. 燒熱鑊, 落油, 倒入適量粉漿, 煎至定形, 反轉再煎熟, 即可.

鼠不簡單

話明送豬迎鼠麻, 點解會有隻又豬又鼠既動物出現既.

呢兩隻就似樣好多勒, 仲好sweet添.

雪花分飛迎戊子

年初四, 開工大吉, 二打六係度同大家拜個年先, 祝大家鼠年行好運, 身體健康, 心想事成, 事事順利………..

好意頭既說話大家都聽左好幾日勒, 我講住咁多先啦, 今日想同大家分享一下今個大年初所見到既“雪花分飛迎戊子”一事, 唔係, 應該係”頭皮分飛迎戊子”至啱, 話說果日我搭搭下巴士, 坐我前面個兩公婆大大聲聲咁同隔離佢的親戚嘩嘩嘈, 佢地講嘢聲嘈之餘, 坐我前面個女人仲一邊講一邊幫佢老公撥弄頭上既頭皮, (唔知佢地係咪的舊思想既人, 要等到年初七先可以洗頭呢, 佢的頭皮真係多到…….) 我坐佢地後面差唔多見到好似落雪咁既場面, 的頭皮仲飛下飛下咁, 好嘔心喎, 我已經同我個fd係後面大大聲講, 嘩! 衛生的好喎, 搞清潔, 返屋企先整啦, 佢地都唔知真聽唔到定扮晒嘢, 照撥可也, 我見話佢地唔聽, 唯有換個位坐囉, 點知走開左之後, 仲見佢地好知味咁繼續撥, 停一停又撥一撥, 足足六七次咁多添呀, 好在快得快唧, 真係睇唔過眼, 即時攞起手機影低比其他人睇下, 睇下的人幾咁無公德心啦.

(睇住隻帶著白色手套既手)

花開富貴年三十

勞碌左好幾日, 終於蒸晒要蒸既糕, 尋晚已經去到派糕既尾聲, 走左一轉北角, 送出左最後三底糕比亞文, 靚靚同TY, 最後一次的送糕活動居然有個少少驚訝既環節, 就是收到今年來第一封利是呀, 係靚挸送既, 佢話平時好少見到我喎, 趁這次機會先給我吧, 係度要再講多聲多謝晒, 真的........完全估不到會有這個suprise, 把我嚇得目瞪口呆唔識做反應添, 簡直開心到飛起呀, 是一個好兆頭啊!

另外, 仲有一件令人振奮既事, 就係今朝一起身, 竟然見到盆水仙開始有花開喎, 你地知啦, 今年真係凍左好多麻, 之前都預左開唔切花過年既, 都有的唔開心架, 不過見個個盆花都開唔切啦, 有咩辦法丫, 咁凍, 盆盆都係開唔切既, 今年仲係我第一年自己浸添, 梗係想佢開得開開心心啦, 好在, 盆花都聽聽話話, 趕得切開花, 希望這兩個好兆頭為我帶我今年既好運啦.

係度都同大家拜個早年先, 祝大家新年快樂, 身體健康, 心想事成啦, 恭喜恭喜.......

馬蹄糕 + 椰汁金魚糕

以往每年這個時候, 媽媽都忙著做這做那, 忙的是過年年糕, 她愛做的蘿蔔糕, 馬豆糕, 年糕, 一動手就數盆數盆出產, 產後再送到各方好友身邊, 今年待著在家的我, 都想來動動手吧, 但我要做的當然比媽媽那些簡單易做啦, 就這樣想起馬蹄糕及椰汁金魚糕來, 原來一開始做就真的停不了手的, 這兩個星期內, 我差不多隔天就起貨數盆, 計計下, 我都做了十盆八盆出來送給朋友仔啊, 有的都已經吃下, 說我做的比街買的淡味, 好似食得健康的喎, 還說下年要預訂來過年呢. (朋友真的好比面喎)

大盆, 細盆的馬蹄糕 x 6

大椰汁金魚糕 x 6

細椰汁金魚糕 x 36

細盆的馬蹄糕更加入兩條金魚糕一齊送給朋友仔, 一次過可試著這兩款糕

不一樣的冬天, 不一樣的我.

就像標題所寫"不一樣的冬天" ~ 今年的一月是32年以來最凍的一個月(報紙寫既), 我印象中真的未嘗過在香港渡過這樣低過十度的冬天, 把我的雪衣都拿了出來著, 以住都只會旅行時才有機會著的, 今年大派用場, 之前都是拿雪衣內膽當外套著, 依家內膽+外套才剛剛可以保溫呢.

另外標題中的"不一樣的我" ~ 就是今日所吃的午餐哦, 當男友致電問我今天又是吃什麼時(他每天都會食飯時致電給我問我食咩既, 所以機本上大約都估到我會有那些選擇的), 我已給他多次幾會, 但最終都是估不到 (我早同佢講, 一定估唔到我會食既嘢), 因為今天想食的居然是我一直認為不健康, 自己怎少吃的"杯麵", 佢一聽到我話食杯麵, 就咁話勒: 咁唔健康既嘢你都食, 點搞呀, 識我咁耐佢都未聽過我主動話想食的, 為何今天會............自己真的不太知道, 但我總是想到要吃, 便一定要吃到的, 就這樣一杯熱騰騰既杯麵就放在電腦前等著吃吧!!!!