蠱惑芝士@麥當勞

麥當勞越來越搵笨

這個魚柳包內的芝士居然.........

金甘粟

又有新嘢

辦年貨少不了的就是果仁瓜子等

今年發現多左這款[金甘粟]

其實唔知係咩黎

外面似縮細了的粟子

入面似足杏仁

外殼十分硬

包括袋內附設白色開殼工具

味道特別

啱晒我這類鐘意咬嘢既朋友仔食

**有朋友仔知道這是什麼通知我吧**

雞煲+邊爐@味皇

現在通街都做雞煲

但有幾多間係做得好丫

除左之前去過既富盈廚坊外

今次又無意中食到一間超好味既雞煲

初初睇落感得麻麻

比起之前食過的雞煲

明顯比較濕d

但食落又唔差喎

好味就在於湯底

雖不是任食

但份量十足

2人餐除以上雞煲外

還有: 肥牛, 嚮鈴, 冬菇, 生菜, 勝瓜, 粟米, 南瓜, 魚皮餃, 魚旦, 豬肉丸, 薯粉及米線

$98免加上, 好味又底食.

翡翠雲臺@ICC 101/F (encore)

上次食完

念念不忘

決定擇日再來

這次臨近新年

特別放置了桃花擺設

等我行返團先he~he~

上次卦住食

無好好欣賞這裡的裝修

這裡坐位及顧客都不算多

加上播放著柔和的音樂

感覺上去了品茶會

又有窗口位

~正~

今次天氣還比上次好

香乾馬蘭頭(用腐皮包著豆苗)

金陵鹽水鴨(比上次花雕醉雞還好食)

千層青瓜卷(酸青瓜包著子薑辣椒)

話梅鮮山藥(口感有點像雪梨)

紅油抄手(幾正宗辣油特多)

甘筍蘿蔔絲酥餅(外脆內暖一絲絲的蘿蔔絲好甜)

荷豆帶子餃(入面三粒帶子有點像三兄弟的感覺)

湖畔鮮蝦餃(比外面食的有濃厚蝦味)

瑤柱賽螃蟹(蛋白味很濃)

蝦仁老燒蛋(老蛋食落似腐皮,吸汁後很入味)

醬燒茄子(一般,唔油)

油炆鮮雜菌(菇菇新鮮)

担担麵(辣汁比較多,很辣)

文思豆腐羹(味道一般,食的是廚師的刀功)

桂圓清燉牛肉湯(用厚牛腱燉出來的湯,好牛肉味)

正宗揚洲炒飯(飯粒乾身配以鮮蝦及海參炒)

養頻棗泥糕(比預期中好味,濃香紅棗味,唔甜)

慈禧碗豆黃(綠豆蓉做,第一次食,好清新)

蓮香合桃露(自家製,特別濃味,一流)

燕液黃金球

(食不停的甜品,仕應好出奇地提醒這是甜品啊!)

原因是未食到最後已不停點叫

天氣好

望得好遠

今次連觀塘都睇到

地址: 尖沙咀柯士甸道西1號

環球貿易廣場(ICC)101樓B2號舖

翔龍拉麵小籠包@觀塘

睇完早場

食過早餐不久

下午茶又未到

想食小小嘢作午餐

諗起上次來過這間

覺得味道不錯

今次返尋味先

手撕雞拉麵

紅油抄手

小籠包

地址: 觀塘觀塘道414號One Pacific Centre 3樓

金泰苑泰國餐廳@九龍城

一想起九龍城

就諗起打邊爐同泰國菜

因為交通無唔方便

已經很久沒來了

今次真是的起心胆才走過來

總算無選錯店

雖然有不足之處

還是過得去的

蝦刺身$98

蝦肉厚

夠新鮮

有口感

西施柚沙律$72

食過不同食店的西施柚沙律

這間算是最差的一間

泰式春卷$50

看似好厚皮

但食落卜卜脆

餡料有芋絲

入口唔油

好味

咸肉炒椰菜苗$68

一般

青咖喱雞$88

因點得太多嘢食關係

叫了咖喱沒叫包/飯

味道調得唔太辣

好味到最後打包青咖喱返屋企撈飯

燒牛肋骨$98

無諗過好食到唔使點醬汁

食得濃味既我

多數有汁點汁的

但這個不同

試過唔點汁比點汁還好食

出乎意料之外

地址: 九龍城啟德道31-33號地下

鳴門日本料理@觀塘

在觀塘區

找間好點的日本料理

真的不易

往往只是一般貨色

而這間店有點不同

材料新鮮

售完限止

坐落才發現

來這裡的多是熟客

一入門口

仕應便咩咩先生咩咩小姐

今天新鮮的是什麼什麼

一一介紹

刺身併盤

鹽燒支豆

壽司

時令生蠔

花之戀

鐵板和牛

紫菜蝦卷

海胆焗牛油果

鐵板牛柳粒

油甘魚軍艦

什錦刺身

火龍卷

串燒

地址: 觀塘牛頭角道315號立成大廈地下

吉野家@觀塘APM

久不久whatsapp便傳來有關吉野家輻射米之post

雖然不知是真是假

我都好一陣子沒食了

今天來到apm睇早場

順道過來食埋早餐先

見其他店都未開

唯有選這間啦

吉野家選擇十分清簡

雞/牛/豬

米粉/飯/烏冬

我選的是這裡不同的蕃茄湯牛肉米

湯底好有蕃茄味

但不知為何

米粉吸不到蕃茄湯底

只是米粉有米粉食

湯有湯飲

應該是預先處理米粉的效果

有點失色

地址: 觀塘觀塘道418號

創紀之城五期(apm)5樓2號舖

 

Grove Sandwiches@灣仔

每個星期都會來這區耍太極的

食同一間餐廳又有d悶

剛走到這不起眼的小店門前

入來看看

見有幾個人進進出出

都是買沙律外帶的

心諗咁多人買應該唔差卦

坐低便點了意粉套餐

卡邦尼煙肉扁意粉

卡邦尼汁尚可

但扁意粉太乾太硬

令整碟口感不理想

辣肉腸磨菇意粉

辣肉腸太辣

沒用茄汁作調和辣味

結論: 兩個粉都麻麻地, 可能只有沙律好食啦. 

應該唔會再來

地址: 灣仔柯布連道28號香海大廈地下C舖