咖哩拉麵@農心

除上兩次用丸丸煮麵食外

今次再加上娃娃一齊煮

整個麵都變得豐富左好多

終於食得晒果五包麵喇

好嘢!!!

奶皇月餅

見到個個朋友仔都整緊月餅

自己都心癢癢想整

今次用左

T&P既奶皇餡

再加埋我自己整過既

鳳梨酥既皮

結合而成

將皮包上奶皇餡後

用模印上圖案

入爐焗15分鐘即成

榛子威化餅

百佳做特價

似乎幾低食

$10.9/250G

好少有榛子味既威化架

夾心層仲好厚添

可能係意大利貨

所以味道特別甜

食兩三塊就要走去飲一大杯水喇

真係無諗過D意大利人食得咁甜架.

是日晚餐: 青炒西蘭花 + 馬蹄蒸肉餅

是日晚餐:

[青炒西蘭花 + 馬蹄蒸肉餅]

[馬蹄蒸肉餅]

材料: 免治豬肉, 新鮮馬蹄

做法:

馬蹄洗水後切皮, 洗淨, 再切幼粒

免治豬肉用糖, 生抽, 生粉醃後, 加少許水, 再拌入馬蹄粒. 蒸20分鐘即成

**點解蒸完出黎既肉餅會好乾好鞋同好多水出呢**

又黎搞搞震

自從上次去Shirley屋企大顯"新"手後

心思思又再約定上去搞搞震

今次除上去整嘢食外

仲上左課小小工作坊

學整餅面裝飾公仔

又得意又靚

整完一大輪

就開始煮嘢食喇

記得上次唔熟格部

又整埋D唔多熟手既食材

所以搞足幾個鐘至有得食

今次好唔同

唔駛一個鐘就搞掂晒3個餸

可以開餐喇

[蜜糖雞翼]

雞翼係我地唔可以少既肉類之一

又易整又好食

[蒜蓉豉椒炒蜆]

因為Shirley鐘意食海鮮

所以呢味唔可以少

不過初初諗住蒸魚既

但煮事人遲遲未到

我地又唔識買魚既關係

唯有粗粗地整著炒蜆先啦

下次再補返蒸魚比你

[豆豉鯪魚炒油麥菜]

又係Shirley點食既

佢係屋主

想食咩出句聲等我地煮就得架喇

小小工作坊

多得Shirley講解

教識我地點樣做餅面裝飾公仔

真係好得意架

你睇我地兩個幾咁專心

因為要放蛋糕面既關係

所以公仔唔可以整得咁大個

真係要有一雙巧手至搞得掂

以下幾個就係我辛辛苦苦整出黎既製成品

自己最滿意就係個奶樽喇

都算做得幾平滑架

hehe......