京味居

之前睇過有雜誌介紹過里間舖頭, 知道佢地的羊搶麵好出名, 咁又有個朋友食過話好味, 今次咪專程黎試下囉. 可能我對個麵底麻麻地, 所以食落口都唔算得上頂瓜瓜, 不過的羊肉同湯就好好飲, 之後仲叫多左個鮮肉白菜餃, 冇汁點既, 個水餃又無味, 唔.....都係麻麻地唧, 可能係我地唔識點啦, 見到隔離枱既好似好食的咁, 由其是佢地叫個叉子咩咩啦(唔記得左個名添), 個賣相好好, 不過要試過至知. (但係我應該唔會再黎勒, 對我來講唔係咁方便), 我諗里度應該啱遊客多的既.



羊肉搶湯麵



鮮肉白菜水餃



地址: 中環卑利街2號地下

唔記得加發粉既檸檬蛋糕

星期日諗住整個蛋糕當做星期一既早餐, 點知又係失敗左添, 今次又哀咩, 知唔係唔記得左落發粉囉, 搞到個蛋糕好細好實, 因為發唔起, 整完之後得返一半乍, 少少地食住先啦, 不過有的硬, 但係就好有檸檬味.

今期流行 - 喇沙

有日上網睇見有人提到一間食喇沙好出名既舖頭, 之前我都食過一次(不過唔係里間)覺得幾好食咪諗住去試下囉, 發現果度的喇炒好大碗好低食, 如果我之前唔係食過一次, 我都會覺得里間嘢幾好味既(咁講即係之前個間仲好食啦, 但係我唔記得左地圵lu), 雖然佢的喇沙唔夠之前食過果間咁好味, 但係佢跟左杯凍飲就一流勒, 如果有朋友行開果面既不仿過去試下既.





地址﹕灣仔莊士敦道 211號地下 B舖

可愛蛋糕

依家出開街經過麵包蛋糕舖都鐘意入去望兩眼, 睇下有咩新款式既蛋糕出左, 今次行過東海堂比我發現左佢地最新出既立體公仔蛋糕, 好得意架, 於是第一時間就買返屋企試下啦.

個sales姐姐仲話係第一日出既, 一出就已經賣晒, 得返里一個乍.
PS. 其實佢係一個黑森林蛋糕黎既, 面果的係朱古力粉, 好好味.

再戰蛋撻 (With Recipe)

整今次既蛋撻特別比多左心機, 因為上次個賣相真係唔係咁靚, 今次想整得靚少少, 每個step都多仔細去做, 一的都無馬虎, 出黎既樣又真係靚過上次好多, 食落仲好味過上次添, 上次整左都留唔到第二日, 今次就唔同, 第二日食都未"林", 仲脆既, ok.

材料:

蛋撻皮:

牛油90克

糖粉40克

蛋1隻

低粉170克

淡奶8克

蛋漿:

蛋3隻

淡奶50克

糖80克

水210克

皮做法:

1)牛油放軟, 加入糖粉打至奶白色

2)加入蛋, 淡奶攪勻, 再加入低粉搓成球狀

3)放入雪櫃一個鐘備用

蛋漿做法:

將所有蛋漿撈勻, 再用篩篩走雜質

組合:

1)預熱焗爐200c, 取出皮放在撻模壓平

2)倒入蛋漿, 入焗以200c焗5分鐘, 再以180c焗15分鐘

3)取出後放在架上放涼



食譜來源:  泡泡茶樂園

香港廸士尼樂園

早排有個係廸士尼做既朋友last day, 約左成班人一齊入去玩, 話晒都係廸士尼喎, 梗係做足準備至入去啦. 前一日已經同部大相機叉足電, 搞店好張記憶咭, 帶齊裝備諗住一早出發既, 點知人算不如天算, 居然係出發既時侯落大雨喎, 天氣報告話仲話會間中有雷報添, 死啦, 咁點算......終於都決定左照去. 不過好唔好彩, 出發前改變裝備, 帶左部細相機出去, 去左至知部相機無電, 於是今次既行程影得唔係好多相, 真係有的失望添.

不像樣的海綿蛋糕

之前泡泡茶成日都同我講, 整海綿蛋糕係所有蛋糕既基礎, 一定要整得好先可以整到其他有特色既蛋糕, 咁我今日就試下整啦, 原來真係唔係咁易整架, 睇我整出黎個海綿蛋綿就知啦, 一的都唔海綿咁, 不過我試過個隻手指按落去, 佢識得彈返上黎架, 唔知算唔算合格呢.

椰撻 (with recipe)

的同事知道我買左焗爐後, 都經常叫我整的嘢返去比佢地食, 尤其是我老世添, 佢好鐘意食蛋撻架, 成日叫我整比佢食, 但係我覺得蛋撻隔一夜之後唔咁好食, 所以今次整左椰撻返去比佢地試下啦.

撻皮材料:

牛油              140g

糖霜              55g

蟨黃              1隻

花奶              28g

低筋麵粉     225g



餡材料:

糖                  150g

水                  115g

牛油              40g

蛋                  2隻

花奶              1湯匙

椰蓉              120g

泡打粉          1/2茶匙



撻皮製作:

1. 牛油和糖打勻, 加蛋打滑.

2. 加入花奶, 再加入麵粉, 搓成粉團.

3. 壓鋪在撻模, 待用.



餡製作:

1. 糖, 水, 牛油和椰蓉煮至糖溶, 冷卻後加入蛋, 花奶混合.

2. 再加入泡打粉拌勻, 雪一小時.

3. 將椰餡倒入撻模, 190度焗約15-30分鐘.



食譜來源: 為食貓