卜星地

平安夜後還未停得下來, 一早已約好的麻雀聚會隨之而來, 朋友早早就order了要食芝士蛋糕, 趁上次第一次做的綠茶味芝士蛋糕咁受歡迎後, 快再來一次練習吧, 等我好好的記著, 因今次不是為小朋友製作, 所以沒有用上上次那麼多花巧嘢, 只在蛋糕面上加上士多卑梨及椰果便出場了.  

隨芝士蛋糕外, 總覺得聖誕應該食一些朱古力味的小食才算應節的, 所以還特地的做了些朱古力味樽仔蛋糕來, 未開枱, 先來一樽啦, 好香, 好香的朱古力味, 滲滿著整間屋, 好有聖誕feel呀.

當中還試用了兩個北海道牛奶樽仔來做, 但效果不太理想, 只可留下來做布丁之用.

今日係2008年既最後一日, 好快佢就會離開我地喇, 唔知大家今晚會係邊度倒數呢??睇下到時見唔見到你地啦......

聖誕節 2008

繼聖誕節前多個party後, 平安夜當晚再來個bbq聚會, 今次bbq場地說遠不遠, 但話近又唔近喎, 我還是第一次去的"珀麗灣", 好彩當晚有通消車住返, 玩得夜了點都不成問題. 但去程, 我們都選擇了在中環坐船, 不需半小時已經到達.

這是一個非一般的bbq, 食物方面同平時燒開的有點不同, 但總離不開例牌的雞翅, 豬扒, 牛扒, 芝士腸, 粟米, 雜菇等, 另外還有些是我平時什小用來燒烤的飯團, 熟食的沙律等.

除以上有的食物外, 屋主還自製了一些煙肉番茄串, 燒過的番茄仔原來真的很好味啊.

這次還出動了日本和牛添, 每塊都厚厚的, 很多汁, 但比起我剛從日本吃過的, 味道還差少少呢.

8"燒大蝦, 只用了海鹽燒製, 味道鮮美, 比起和牛還要好食得多喎, 真估不到.

例牌的豬扒, 牛扒, 終於出場喇, 還加上燒花甲及圍邊的焗粟米, 焗雜菜, 好豐富呀.

最後, 屋主居然拿來他有備而來的平底鑊, 把餘下的一半花甲, 用上清酒來煮, 陣陣的清酒味隨隨而上, 單是聞就已經唔錯, 食落口仲正, 淡淡的清酒味, 花甲加清酒簡直是絕配呀. 但美中不足的, 就是那時正和朋友大談著股票之事, 講得什為投入, 大家只顧講, 一下子就給其他人吃光了那好味的花甲, 我只嘗了一隻乍, 真的太可惜喇.

下次一於叫屋主encore至得.

**************************************************************************

平安夜晚玩得太夜喇, 25/12都不想太早起床, 但我始終係一個唔餓得既人, 當肚餓時, 有幾眼瞓都好, 我都一定要起身梳洗食嘢的, 時候唔太早, 又不知食早餐還是午餐好之際, 想起25-28/12灣仔有個美食節喎, 一於走去看看吧!

諗住第一日應該唔會太多人, 點知去到全場已經迫滿人, 尤其是有飲有食部份, 好多人都好似我咁, 趁未食嘢入來找找有什麼好食的, 但現場所見跟本進不到去買食物出來的, 買了又沒什麼位子給你站著食, 我們都只能夠買些飲品作餐便算, 都沒心情繼續在內裡掙扎, 還是出來再吃吧!

薑餅人教室

家中的小b今年已經兩歲多了, 什麼都會, 什麼都懂, 聖誕節期間, 她家中要開christmas party, 小b想在party中做些薑餅人來招呼朋友, 就等我這姨姨來教下你啦.

首先, 要將牛油, 黃糖, 糖漿搞勻, 再加入粉類,

搓成粉團,

搌開, 吸模, 入焗爐.

出爐後, 薑餅人便形成.

(薑餅出爐後, 小b居然說: 我要食廁所. 廁所????點解要食廁所呀???? 啊! 原來佢想像力太豐富, 又唔識邊位係薑餅人, 所以佢叫薑餅人做廁所囉, 都幾好笑喎. )

今次只做了少量, 包裝好, 等小b分配, 每包都有待定人選架, 你地唔好亂攞喎, 小b分得好清楚架, 唔好爭喎.

成個星期去左邊 - 整嘢食

上一編已POST過上星期頭兩天去左邊喇, 跟住淨下來的, 都要待在家中, 製作一些小食, 甜點等, 19-21/12日有3個PARTY要參與, 當然少不了會動動手啦, 這幾個PARTY開得這麼密, 那有時間做呢, 唯有早些時間準備, 都製作了好幾天架.

這款焗藍莓芝士蛋糕一向最受歡迎, 開PARTY當然少不了它啦, 這還是屋主既至愛添.

多做了一個細的給另一友人帶走回家.

另一PARTY上, 因有小朋友出席, 想做些可愛款式, 尼個綠茶芝士蛋糕, 外表深受小孩歡迎, 內裡大人欣賞, 綠茶味啱啱好, 不濃亦不淡, 我自己都讚架.

(但唔係好明, 點解我"沈"糖霜係蛋糕面時, 不久會變成一灘水咁, 請指教)

除各款蛋糕外, 還做了些應節的薑餅人啊! 今次因時間太趕急, 來不切加色, 唯有出動薑餅人真身啦, 但朋友仔居然形容為薑味既C撈人喎. ~又幾似既~

新出場既芝士波波, 唔知點解, 我識既人當中, 多數都"好"芝士既, 每次見面都要芝士XX, 芝士物物咁, 第一次製作這款波波, 味道人人稱讚, 但奈何SIZE細了點, 人人都話要拿好幾次才能停手.

(無法啦, 第一次整麻, 唔知佢會唔會脹身, 所以弄細了點, 下次唔會架喇)

*************************************************************************

其中一個較大形的PARTY上, 居然人數多達二十人, 真的無諗過特如其來的這麼多人, 好在屋住有兩間過千呎既大宅, 否則, 企都無地方企啦.

嘩! 你睇, 炒飯都咁大盤呀, 真係食得晒咩????

超好味既咖哩魚蛋煲, 人人都讚.

手製薯仔餅, 比起出面食果d好食好多架,

鹵水雞翼,

庸記燒排骨,

鹵水雞蛋,

炒雜菜,

沙律,

燒火雞,

乾燒依麵等, 還有很多食物款式未能盡錄架, 唔影喇, 我要食嘢先.

不得不提的就是這個用來點薯片吃的醬汁, 是屋主自製的, 很好味, 唔記得問係點整添, 下次有機會一定要學下點整.

抽獎, 亦少不了啦, 當中你估最多人想要搶既係咩呢????

無錯, 係搶, 我地既玩法係非一般玩法黎架, 當每人抽到號碼後, NO.1的一位可先揀禮物, 隨後號碼的, 可以搶去之前開了的禮物, 或自己出面揀架, 如此類推, 所以到最後, 可能你手上既未必會係你自己想要既, 但這樣玩, 真的開心了好多時間, 我們居然用了兩個多鐘才能完成. ~都玩得幾耐架~

**************************************************************************

今日係25/12, 順道同大家講聲MERRY X'MAS啦.

成個星期去左邊?? - 周街走

近幾天, 真的沒什麼時間寫blog/睇blog, 整個星期都在忙這忙那, function啦, party啦, 做節啦, 等..等..等..等.

想回來, 上星期做的事可不少啊! 雖沒工作的我, 但事情總排得密麻麻的, 可從上星期一開始講起.

2008.12.15 東亞華星演唱會

這演唱會真的好期待, 華星~差不多是倍著我身邊每一個人成長的, 試問有邊個會唔識當中的一兩首歌先.

現在華星終給東亞買起晒所有right, 對很多歌手來說真的是一大好消息, 尤其是當期下歌手開演唱會時, 更見一班, 之前大多數歌手因版權問題, 不可以唱自己當年的舊歌, 現在有耳褔的應該是我們吧.

2008.12.16 工展會

每年我都一去的工展會, 今年比之前的都要多人得多, 唔知係咪今年太多人無工用既關係呢, 多人到簡直行都行唔到, 尤其是有試食既, 見人唔見舖架.

入到去d嘢都唔算好平, 同平時特價差唔多, 我都係買左少少嘢乍, 費事得個拎字啦, 今年貨品同往年既都差不多, 所以唔特別介紹喇, 只係搵到下圖尼兩樣係以前未見過既比大家睇下啦.

鴻星買到既罐頭粟米湯, 這款粟米湯, 好似日本街頭售賣機賣果隻, 日本賣既我就未飲過, 所以都想試下, 我覺得除左一句"方便"之外, 味道都是一般, 比起平時煲開既X寶粟米湯都係差少少.

我自己就有儲開TOMY卡通車仔既習慣既, 今次搵到尼款DISNEY扭蛋車仔, 雖然細細格咁, 但好Q架, 好得意, 好靚.

待續................

最愛自己動動手

以下相片會有點嘔心, 請有心理準備後才看..........

.

.

.

.

.

.

.

.

.

這是什麼, 我的頭髮啊!!!

睇唔出呢, 當然啦, 我是一小拙, 一小拙的剪下來架, 所以看上去有點碎濕濕咁囉.

好多朋友都唔相信, 我那直直的長髮是自己動手剪的, 說了很多次, 但他們都帶點懷疑的眼光, 最近, 因每天都要學游水, 頭髮太長不好束, 今日又要特意的剪髮了, ~看~ 那真是我剪下的頭髮, 無花無假架, 但你們真的還不相信, 無法啦.