和民@東涌

好耐無去過東涌

諗住入去outlet睇下有咩賣

嘩!d國語人多到呢

d嘢又唔平

行到我都無晒心機

食完個晏就走人

Aeon咭做左咁耐節扣

都未用過

今次特登揀和民食

反正成年未食過

東京滑蛋豬扒飯 $58

海鮮番茄拉麵 $53

鮮露筍

可能太耐無食既關係

覺得d嘢好食左好多咁喎

定係東涌個師傅整得特別好食呢??

地址: 東涌達東路20號東薈城名店倉地庫1樓B13號

老金煎餅@中環

老金煎餅於中環開舖時

已經很想試

但因為不是經常到中環既關係

所以慢慢忙記了這間舖

後來見到灣仔店開

又提醒了我要試

不過灣仔那間只得外賣

拿著又沒地方食真的很不方便

這次特意來到中環食的

 

北京填鴨煎餅

即叫即做

熱辣辣

又多汁

好味

除了有北京口味外

還有上海, 港式, 星洲等

個口都未食完

就已選定了下次要試星洲甜煎餅

地址: 中環威靈頓街83號地下及地庫

幸亭拉麵@灣仔

個個星期都要到銅鑼灣耍太極

次次都要諗下食咩

耍之前又唔可以食得太飽

咁啱行過灣仔

見到個易拉架賣緊拉麵廣告

就跟入去試下

黑蒜豚肉拉麵$86

味道方面算是一般

不過不失

但入口有點像阿信屋賣的拉麵包

唔多似師傅煑的

以八十幾蚊這個價錢

我覺得唔值得再來食囉

地址: 灣仔交加里26號地下

咖哩牛腩飯@ItaMoMo Cafe

其實意八已經食過好多好多次

但多數都係早餐或者下午茶時段過來

今次剛好來到是午餐時間

一於叫個咖哩牛腩飯至得

因為這個飯只有午市才推出

又是攞獎菜式

啱時間的一定要食啊!

香濃既咖哩味+軟淋既牛腩

perfect!!

富盈廚坊@旺角

這間舖啱啱開張

人唔太多

抱著試新嘢既心態

點知.......好有驚喜喎

任食招牌雞煲

雖然2個人食

但都叫左一隻

(初初阿姐係都要我地叫半隻先, 怕我地食唔晒喎!)

食完雞煲後

可以加湯打邊爐

以任食既肥牛質數算是唔錯

之後掛住食嘢

唔影咁多喇

限2小時任食

我地比較喜歡雞煲多d

於是同侍應講追加雞煲

唉吔!

真係唔識食

原來想食多個雞煲

係要打邊爐前再追加的

侍應話加湯後很難再做回

但阿姐見我地真係好想食

唯有盡量配合

於是叫我地滾完手上既食物後

幫我地倒左d水

再叫廚房整一碟比較熟既雞

放入煲內再煮

今次食落真的無第一輪咁好食

可能因為個煲唔夠啫啫既關係啦

個雞煲真的令我太回味喇

下次一於淨食雞煲

任食: 雞煲+打邊爐+飲品 $138+10%

地址: 旺角奶路臣街38號2樓全層

韓國屋@油塘大本型

我很喜歡食熱辣辣及脆卜卜既食物

所以石頭鍋飯就最啱我

通常都會到太古城foodrepublic內的韓國屋食

因為那裡的石頭飯整得好好味

泡菜及七味粉的份量調得剛剛好

難以找叧一間替代它

這次來到油塘大本型

見到格局有點像太古城的foodrepublic

又找到了這間韓國屋

當然點了我最愛的泡菜豬肉石頭飯啦

這裡的價錢比太古城的還要貴

肉質及飯都整得太乾喇

整個鍋都沒有水份

只是燒到燶燶的味道

入口有點焦味

應該是做飯的人手藝不同所致

下次都係返太古城食好d

地址: 油塘高超道38號大本型3樓大食代R2號舖

是日午餐: 熊本拉麵

熊本拉麵$13

於阿信屋特價時買的

試過晒不同顏色(口味)

都是這款最啱我

(在日本超市都見到這款麵賣

但價錢比阿信屋還要貴)

翔龍拉麵小籠包@觀塘

One Pacific Centre

是一座開了不久的商業大廈

樓下幾層都是食店

幾間茶樓已試過了

今次嚐一嚐上海菜吧

擔擔麵

紅油抄手&鍋貼

馬蹄桂花糕

整體味道不錯

尤其是紅油抄手

內有肉汁

辣油唔算太辣

聽說下午茶非常低食($42)

下次一定要試下

地址: 觀塘觀塘道414號One Pacific Centre 3樓

百份百餐廳@藍田

開了不久

聽聞好評如潮

特登過來試試

吉列魚柳+煎雙蛋+牛角酥+熱飲 $29

這裡的魚柳比其他的乾

還燶了點

肉質麻麻地

足料糯米雞+熱飲 $26

汁唔夠

但總算夠熱

比起魚柳餐好得多

應該不會再來

地址: 藍田安田街23號平田商場2樓203,205-208號

亞之媽韓國美食@尖沙咀

本來想去BBQ7080的

但無book位的情況下真係要等好耐

留左電話成個鐘都未覆

應該=無位

只好在附近搵間試下

來到亞之媽

等2張枱便有位

就選定這間

前菜三小碟

味道麻麻地

一d都唔似韓國前菜咁好食

煎餅

很薄但好脆

食落没口感

食完好似無食一樣

牛仔骨

味道唔錯

但價錢算貴

雞煲

味道可以但唔夠香口

配菜比雞多好多

貴錢比牛仔骨還要貴

我覺得唔太值得

應該不會再來

尤其是那服務員的態度

經常在你身邊提你食快d食快d

大佬呀黎食餐飯啫

唔使吹住吹住咁呀

要你快d食完快d走的態度

真係令我受不了囉!!

地址: 尖沙咀金巴利街金利大廈3-B號地舖

利強記北角雞蛋仔@灣仔

我係咪傻左

雖然好耐無食雞蛋仔

有d想食

但唔使一次過買兩底掛!!

地址: 灣仔柯布連道2號地下

創榮茶餐廳@藍田

經常行過見裡裡外外都坐滿晒人

真的咁好食??

五香肉丁公仔麵餐$26

炸魚柳餐$30

每到一處試食

都會點炸魚柳餐作比較

這裡的魚柳炸得算是香脆

魚柳肉質亦無霉爛

但以這份量

價錢比食開的那間貴

亦經常無位

這處最大賣點

就是出面幾張枱可以吸煙

還可跟狗狗一齊進餐

要讚的是餐飲熱華田

味道突出

香濃情度應該似加了手腳

是茶餐廳的一大特色

地址: 藍田德田邨商場地下7-9號舖