我的第一個7吋

最近, 有親戚從澳洲回港, 自少就到了澳洲生活的他, 終於學成歸來, 還取得兩個學位添, 學校更為他們提供了越洋畢業典禮, 順道見見香港一眾親友, 回來幾天, 十分多事務要處理, 所以決定聚集親友到我家聚首一番, 我家小小的地方,要容納十三個人, 真的不易哦! 中午還開了二枱麻雀, 就連行的地方都没有了. 還好, 有這麼多人, 我可以練習一下做大形少少的蛋糕, (因本人多數做的都是五吋居多), 今次準備的是一個七吋的藍苺+紅桑苺+啫哩慕絲蛋糕, 是我第一次做這麼大個的蛋糕, 真的有點擔心份量有否出錯而做得不好(我當然又係無跟食譜份量啦, 所以都有的擔心添),  但做好後, 發現還不錯呢, 總算見得人啦, 當我們打麻雀到中場時, 就拿了出來吃, 他們都不相信是我做的, 紛紛說一定是買回來, 味道這麼好, 一個七吋其實十三個人食是真的不夠喎.

因時間關係, 只許拿屋企緊有之材料來整作, 沒什麼材料可用, 唯有作簡單裝飾便算了.

切開後才發現啫哩部份太多了, 下次要減少份量.

娛樂一週

整整落左一星期雨, 閒著在家, 不如到外面走走啦, 但落雨私濕又走得去邊丫, 最受歡迎既地方, 莫過於去戲院睇戲勒, 可能個個朋友仔都係咁諗, 所以今個星期睇得特別多電影既, 一連四日總共睇左三套戲, 故唔到三套戲都有佢地特別既地方, 三套都咁好睇.



星期日 - 數碼港百老滙 : 五星級大鼠

喜歡整嘢食既我, 梗係想睇睇來自法國既味王有咩好介紹啦, 尼套戲既畫工好好, 特別係筆者畫既風景同街景咁, 還直得一提既, 就係味王由水渠跌下個幕, 簡直好似真既一樣.

星期一 - 旺角百老滙 : 不能說的秘密

尼套戲本來都無諗過會睇既, 只係為左陪朋友仔去睇, 當初只抱住睇愛情片既心態去, 點知簡直出乎意料之外.........好, 好鐘意睇到的咁有深度既戲, 就算睇完之後仲不停反復咁諗呀諗, 估唔到周生第一次做導演就有咁既成績, 還要好謝泡泡茶既好介紹, 唔係你, 我都無諗過去睇添.

星期三 - 皇室堡UA : 阿森一族大電影

打從少時已經睇過電視版simpsons既人都一定會選擇這套電影來看的, 成套戲都好有原始感覺, 線條簡單, 不花考, 內容簡潔, 但對白底死好笑, 尤其適合現今社會工作壓力大既香港人觀看, 笑足86分鐘.

中式月餅 (泡泡茶之禮物)

終於都收到泡泡茶整既中式月餅勒, 實物比相片仲靚, 仲有一樣嘢你地係唔知既, 就係個月餅真係好香好香, 係blog度一定感覺唔到既, 我本來都有問泡泡茶要唔要放在雪櫃既, 但最終, 一拎到返屋企就第一時間食晒lu, 無得留底. 好食情度可想而知啦. 我都好希望學識整尼款月餅, 等我身邊既人都感受到節日既氣氛. 由其是現今社會, 真係好無中國傳統氣氛, 只想保留少少既傳統啫.

榴槤芝士蛋糕

今晚約左泡泡茶出去睇戲, 佢仲話整左的好嘢比我添, 我梗係唔會得梳蕉咁出去啦, 前兩日食過百佳的榴槤好好味, 又見過泡泡茶曾經整過榴槤蛋糕, 自己都好想食喎, 不如今次就整尼個蛋糕比泡泡茶同我自己試下味啦 (但係我完全無食譜, 又要靠我既想像力去諗下點整先), 自己之前從未食過既榴槤蛋糕, 唔知今次整左出黎既味道同外面果的有幾大分別呢, 一定要請專家試下味再評分至得.



未整理前



加左榴槤釘後

材料:
消化餅 12塊
牛油 50g
新鮮榴槤 250g
忌廉芝士 250g
糖 60g
淡忌廉 200ml
魚膠粉 10g

做法:
1) 牛油溶液與消化餅碎混合.
2) 將淡忌廉打至七成備用.
3) 忌廉芝士打至軟身, 加入糖再打勻.
4) 將新鮮榴槤打成榴槤茸, 再加入忌廉芝士和糖之混合物內.
5) 再將淡忌廉加入4)內拌勻.
6) 將魚膠溶液加入5)內拌勻.
7) 雪凍後在蛋糕面裝飾, 完成.

心情分享

我們藉著做我們認為 [應該做] 的事限制了自己,

但藉著做我們 [喜愛做] 的事, 卻可以激發自己的潛能, 增加開開心心工作的機率.

要記著, 每個人都不是為別人工作, 而是為自己工作.



**書名:做你愛做, 而不是你該做的工作

   著作: Richard J. Leider & David A. Shapiro

芝麻蛋糕仔

又一DIY之作, 見屋企有包芝麻粉, 便靈機一觸, 應該用佢黎整蛋糕都ok喎, 試試先, 你地知啦我就最鐘意自諗食譜既, 今次都唔例外, 芝麻粉, 糖, 雞蛋, 牛油, 鮮奶, 低粉, 泡打粉等, 將所有材料加起拌勻, 放在muffin模內180度焗20分鐘, 搞掂.







非常簡單, 又出爐勒.