foodrepublic@太古城

每次去太古城 foodrepublic食飯

多數都會揀韓式既石頭鍋飯

但今次好想轉下口味

選定左台灣既鹵肉飯餐

[台式鹵肉飯餐]

包括: 鹵肉飯+酥炸雞翼+柯仔煎+例湯

[酥炸雞翼]

雖然看外表炸得好香脆

其實食落口無咩味架

看回最上一張相

有一碟類似辣醬的

原來是用來點雞翼的茄汁

但最後才發覺呢

[柯仔煎]

完全唔覺有柯仔既

只是一個煎蛋餅

[鹵肉飯]

這個主菜算是可以啦

又夠大碗

餸又唔少

其實夠兩個人食架

當中除鹵肉外

還有鹵蛋, 豬腸, 豆腐

是日晚餐: 醬汁燒雞翼 + XO醬蝦仁炒雜豆

[是日晚餐]

醬汁燒雞翼 + XO醬蝦仁炒雜豆

雞翼差唔多係我必整既餸之一

離不開都是用醬汁醃後

放入焗爐烤熟便有得食

另一味

XO醬蝦仁炒雜豆

簡單之處就是所有材料都可以在雪櫃找到

足不出戶都可煮到這味有海鮮又有疏菜既餸喇

超方便

紅棗杞子圓肉糖水

我鐘意食糖水就係人都知

雪櫃一定放有湯丸作飯後甜品的

但食得太多

人就越來越肥

為左健康又比自己有借口食糖水

最近改食了這款好食又易整既甜品

材料其實除個人喜好而落

我就用了紅棗, 杞子, 圓肉, 無花果

將全部材料放入杯中

煲滾水後倒入杯內沖泡即可

係咪真係超簡單又有益呢

小肥羊@銅鑼灣

夏日炎炎最好嘆茶嘆冷氣喇

[小肥羊下午茶]

炸兩 + 咖哩羊肉批 + 又燒腸 + 海鮮卷

鮮蝦餃

蟹子燒賣

紫薯包 + 羊肉包子

錦鹵雲吞

紅油抄手 + 小肥羊春卷

豉油鳳瓜

地址: 銅鑼灣駱克道463-483號銅鑼灣廣場二期2樓

醉紅樓@灣仔合和中心

平時多數飲下午茶既我

因茶太易令我瞓唔到既關係

都只能夠用清水代茶

今天可不一樣

因約了朋友飲早茶

今天可讓我喝過夠喇

[叉燒腸粉]

只熟一般

[潮州粉果]

雖然這間茶樓是食潮州菜的

但潮州粉果都沒有什麼特別

[流沙奶皇包]

可比美宜二樓的奶皇包

熱辣辣食一定要小心佢既流沙

[豉油鳳瓜]

個汁都幾濃

食完要飲好多水

[豆漿腐皮卷]

唔係好食到豆漿味

入面包左好多肉

個人應為麻麻地

雖然食物質數只熟一般

但勝左唔太多人

約朋友一邊飲茶一邊傾計就最啱喇

當日我同朋友都坐足全程

9:30-12:30

實在太多嘢要傾

地址: 灣仔皇后大道東183號合和中心6樓

Pancake

之前見到samwei整左呢款Pancake

自己又諗起想食果醬

基於費事落街買麵包既關係

就整左Pancake來伴果醬喇

我和samwei都是用T&P的食譜

整出來真的好像麥記早餐食的熱香餅

後來才發覺T&P這幾天都做了Pancake

但比我們整的當然不同啦

而且仲好可愛添喎

唔信你地睇下

(最衰啱啱整完至見到佢Post上來啦, 如果唔係一定跟佢整個豬樣)

好時沙爹@尖沙咀

這間店舖不是第一次來食的

記得上年生日時份

shirley介紹呢間舖D嘢都幾好食

於是就去左果樹食生日飯喇

今次黎開尖沙咀

諗唔到食咩好

想再來返食這裡的沙爹

所以點了這個

[串燒沙爹飯]

看餐牌有四串沙爹的

諗住夠食

點知來到時換入了一串燒蝦及一條腸仔

有點失望添

但沙爹依然是咁好食

配上有少少薑味又像海南雞飯的飯底

算加回少少分啦

[福建炒麵]

好奇的點了這個麵

福建炒飯就食得多喇

福建炒麵?????

真的未聽過

有冇Blog友是福建人黎架

看看是否這樣

味道比較淡

但麵底炒得幾好

加上我用辣椒醬伴著食

還可以吧

下次都係食回那幾款出名的菜式有保證

地址: 尖沙咀麼地道63號好時中心144-148號舖

(看返自己blog, 原來當時同shirley, florence去呢度食唔知係無影相定唔記得左post出來呢, 搵極都搵唔返添.)

捐贈@兒童癌病基金

收到這封會訊

提醒我又係時間捐贈喇!

不經不覺已經第八個年頭了

紅楓葉@太子

係FB度見到呢間餐廳有優惠

就係半價可以食到這個海南雞套餐

於是再次光臨

[海南雞套餐] $20

包括: 無骨海南雞, 馬來西亞荷葉飯, 冬瓜湯同一杯中式茶

覺得個荷葉飯幾正

D飯好有椰汁味

仲煮到一粒粒添

好香好好咬

上次黎食過

覺得D青咖哩幾好味

所以今次返炒青咖哩

不過改點了

[青咖哩厚切豬眼肉] $40

你睇件豬眼肉真係幾厚切架

仲睇到D豬眼肉係燒過再用咖哩煮既

青咖哩保持到水準

一流

成餐飯加埋約$70

我就覺得好低食喇

這店子味道仲唔錯添

只係位置方面差少少

地址: 太子界限街36號36酒店地下及1樓

大菜糕

係屋企最鐘意四圍搵嘢食既我

最近無去入貨

屋企D零食比我食得七七八八

突然口痕

又無嘢咬之際

諗起仲有包大菜未整喎

於是坐言起行

整埋去

快手快腳咁煮好左D大菜

諗住擺係廳度放涼後倒入膠杯內

點知一個電話講足我個半鐘

回來後發現煲大菜居然連湯匙一齊凝固左

於是咪將成個煲放入雪櫃再雪硬D

出來後再切成一粒粒食囉

依家至知原來大菜唔一定要雪至凝固添

真係唔衰過都唔知呀

鮮檸檬芝士蛋糕

好耐無食過芝士蛋糕喇

好掛住

好想食添

今次用左方形模整

切出來的szie啱啱好

車仔麵@西灣河

朋友說我愛吃另類的車仔麵

真的沒說錯

通常食車仔麵時點的都是豬皮, 蘿蔔, 魚丸.....

但我偏愛點的是一些多骨, 有咬口既餸菜

如上圖般便是我喜愛的

豬手, 鳳瓜, 齋....

地址: 西灣河太安樓地下

沙爹王@銅鑼灣

已經唔記得有幾耐無去過食喇

總之好似好一段時間啦

今次又係為左個小小著數

朋友拿著從另一朋友手上得來的十多元Coupon

便要到這裡用上它

就咁被她呃了上來

[白咖哩豬扒飯]

一路以來都喜愛這裡的白咖哩

味道依然

只是豬扒比以前少了一些

[豬軟骨沙爹湯麵]

上得來除左食白咖哩

當然要點埋這個沙爹湯底既麵啦

一樣咁出色的

地址: 銅鑼灣軒尼詩道489號銅鑼灣廣場一期9樓

椰菜焗銀雪魚柳

天氣實在太熱

唔想留於廚房太長時間

又做了一個懶人菜來

又有魚

又有菜

一次過搞掂

可以坐在廳中涼著冷氣等開飯

材料: 銀雪魚柳, 椰菜, 李錦記銀雪魚汁

做法: 先用銀雪魚汁醃魚柳1小時, 椰菜洗淨盛乾水份, 用錫紙包好椰菜及魚柳, 放焗爐200度火焗15分鐘即可.

消暑極品

天氣真的很熱

於是走到超市拓了一筒1kg的yogurt回家

慢慢享用

這是我最鐘意既藍莓味

這牌子看上去比平時食開細杯裝滑好多

而且還有一粒粒的藍莓乾在內

唔知1kg我可以食到幾耐呢