已經好多日無開過部腦勒, 又無上網, 又無寫blog, 好似有的失落感添. 今日終於回復我一向要做既嘢勒, 講開之前放假去左邊, 都係例牌果的啦.
首先去左睇梁詠琪個演唱會, 不過今次唔係紅館, 要撘車入到機場至有得睇, 鬼死咁遠.
入到博覽館睇, 其實車錢仲貴過飛錢, 下次都係咪搞我勒.
記得上次入黎果時, 咩舖頭都無, 所以今次一早就食定嘢至撘車入黎, 點解....點解今次有舖頭既, 仲有好多嘢食添, 唉吔!!
行左一陣就入場坐, 你咪睇我坐得咁遠喎, 但完場後發現, 原來坐得近既人返而話睇唔到喎, 點解.....因為坐下面果的位無高度麻, 聽的人講, 佢地個個都要左擰右擰至睇到前面個台, 有的人坐係度又唔夠人高, 仲想企起身睇添, 但我坐既位, 有斜度, 唔會比前面既人阻住你既視線, 算係ok啦.
入場每人都分到二支bonbon, 比之前收過既, 今次都算落本勒, 其中一支有燈添, 都幾靚架.
當開場時, 全場人都舉起支bonbon時, 我總覺得每人都似拿著香煙咁, 紅色燈燈就好似煙頭既火光一樣. 睇完全場, 覺得無預期中咁差, 氣氛仲好好添, 幾好靚丫.
假期中, 仲去左香港冬季購物節, 特別鳴謝mivan果2張飛.
好可惜, 入到去至發覺無咩嘢睇, 唔係咁好行, 好在的飛唔使比錢唧.
另外, 都去埋工展會, 多人到死, 今次有好多嘢想買, 但因為太多人, 無咩心機睇, 都係留返下次啦.