涼拌粉皮@龍口

[涼拌粉皮]

材料:

龍口粉皮一包

沙律油

做法:

滾水放入粉皮煮軟

過冷河 (我過凍滾水)

隔水盛起

加入沙律油拌勻

食時再拌入自家醃製青瓜

又搞掂一餐晏就喇

辣白菜拉麵@農心

我好鐘意食辛辣麵架

佢每出一款

我都會買黎試下啱唔啱自己既口味

今次見到尼款辣白菜拉麵

我諗應該同我食開既差唔多

只不過係加多左辣白菜乾啫　

加多幾隻餃子

又成了我的午餐

尼個辣麵看似一樣

但原來比平時食開的辣好多架

唔知係咪人大了

無以前咁食得辣呢

鮮蝦雲吞麵@灣仔碼頭

又黎真嘗試

今次搵黎係我最鐘意既灣仔碼頭新出品

[鮮蝦雲吞麵]

一包入面有齊晒

麵, 餸, 湯料

都幾方便

包麵仲指明係非油炸銀絲麵黎架

話就話係一人份量

唔知係我細食定真係咁大包呢

我覺得有1.5人既份量係度

雲吞入面D蝦又咁大粒

我就真係食唔晒一碗喇

臘腸蒸銀魚仔

[臘腸蒸銀魚仔]

材料: 銀魚仔, 臘腸

做法:

銀魚仔要略浸水, 盛起.

用鹽, 油拌勻. 

臘腸斜刀切開一片片

放銀魚仔面

大滾水蒸7分鐘即可

泰國小食@西貢

西貢區要食泰國菜真係有唔少選擇

這店子最出名的就是這個

[泰式海南雞飯]

海南雞?????

成日都以為係海南島特有的

原來不是

馬來西亞/星加坡都有

但泰式的真是第一次食到

看賣相真的有點亂來

雞完全無擺放好就拿出來給客人

證明著這店子的食品味道應該唔差

無須靠賣相吸引食客

雞既味道只屬一般

但點上店裡的秘制薑茸醬簡直一流

我自己就覺得飯比雞還要好吃

[串燒沙爹]

從廚房拿出來已經聞到陣陣香味

一串串脹卜卜的串燒

加上特有的沙爹醬汁

好美味

串燒表面香脆

但內裡燒得不太乾

肉身比其他舖食到的嫩一些

新竹源越南餐廳@上環

上次無意中來到這店子

發覺下午茶餐相當低食

因上次無緣吃到

今次特意來嘗試的

[越式炒粉]

因是下午茶時段關係

多數都為湯粉餐

只有這款炒粉類

便選了這個

味道不過不失啦

諗住一分錢一分貨既精神

還可以既

[越式粉卷]

這個很有驚喜

之前食的都沒太大好感

只熟一般而言

但粉卷真的整得好好味

加上面頭有些我愛吃的卜卜脆

更吊出香味來

天文公園

可能細個屋企係山上面

間房又對住一大個天空

(依家D樓起到咁高, 好少屋企會望到天)

打從小時便鐘意觀星

讀書時更常常跟著童軍隊伍上山露營

看星.......絕對難唔到我

好開心香港第一個天文公園終於出現喇

夜晚係度睇星一定好正啦

外形好似太空館既涼亭原來別有用途

走近一看

原來半球形中央放置著一部投射器

白天很難看得清楚

但夜晚入內頭往上看

便覺得自己身處太空

滿天都是星星

整個場地都圍繞著很多用天象來看

時間/日子/季節等設施

下圖便是其一

[人體日晷]

原理是利用人體身影來觀察出時間

只要雙腳踏上該月份

看看陽光投射身影落在那個數字上

便知當時是什麼時間

[渾儀]

這個運作很複雜

要轉動著裡裡外外的圈

使其調較出一致之數據

得出每夥星的正確位置

再記錄下來

其餘還有

[月晷]

[星晷]

[正方案]

[地平日晷]

[立竿見影]

[赤道式日晷]

及這個除了可觀看出時間外

還可以看到日食之外貌

場地上還設有多個給觀星者特別而設之觀星凳

日後觀星唔使通山瞓啦

這裡還設置了長鏡給遊人觀看

天氣好可用來觀察太陽的

更少不了這款望遠鏡

這些都是無須入錢便可觀看的

記得2002年那次流星雨

要跑到人多擠迫的大坳門上看

真令我一世難忘

依家又多個咁好既場地

唔知幾時再有一次咁具可觀性既流星雨睇呢

皇之家大姊小籠包@佐敦

朋友仔說要食上海菜

便在網上找來這間店子一試

因看錯了時間關係

早了半小時到

一個人坐係度無咩好做

先來看看MENU

好像樣樣嘢都想食喎

都唔知揀咩好

都係等壽生女揀她喜愛食的

[雞絲粉皮]

只試了少少

味道無咩特別

應該只屬普通

[小籠包]

內裡之肉汁很鮮甜

即叫即蒸

食得出師傅好有水準

雖然做到皮薄餡靚

但夾起來都唔會穿底架

[酸辣湯]

超低飲

味道適中唔算太辣

[蔥油餅]

面頭做得好酥脆

但這個我唔算太有興建

只食了少許

不過不失

[生煎牛肉包]

賣相已經覺得唔錯

的確煎得脆卜卜

餡料唔算少

味道食落比九龍城出名果間還要好吃

但肉汁無果間咁多

我覺得都算OK

起碼唔駛好似果間咁排長龍

表面平平無其既

[四川擔擔麵]

食落唔會有好重既花生味

但湯汁亦調較得相當好

感覺好creamy

我連湯都飲埋

比起翡翠還要好食

[乾煸四季豆]

平時唔太鐘意食四季豆既我

今次真係讚不絕口

四季豆炒得好入味

又夠乾身

唯獨是肉碎鹹左少少

唯有放棄肉碎啦

[糟溜魚片]

我經常在家整糖醋魚塊

所以今次揀來糟溜味

原來都係酸酸地

魚塊我唔食咁多喇

留返比朋友仔食好D啦

我就退而求其次咁揀再淨底既雲耳食

吸晒D汁都好好味架

最後當然唔少得Shirley整既甜品

[玫瑰花櫻桃慕絲]

同我整既

[奶皇水晶包]

地址: 佐敦吳松街122-124號利際商業大廈地下

潮人食堂@坑口

好耐都未試過齊人飲下午茶喇

今次約好一行六人

又去試新嘢

[潮人食堂]

門口見一大班人等位

但多數都是2人

我們等的是大檯

差唔多一去到就有位

一入到黎感覺好新鮮

很摩登的裝潢

時尚的擺設

用的是透明茶壺

加上一個小火爐煲著的熱水

真的做到水滾茶靚

用來盛著點心的器具

公公正正

絶非一般貨色

撈起

從點心紙看到

只以為是一碟小小點心

誰知拿到檯面時發覺有點像小菜

其實是將一些芋絲炸脆後撈上秘製醬汁

看似簡單

但我最愛這款

脆口嘢又點可以只得一款呢

要讚的就是每款炸物低都舖上吸油紙

食落口真係無咁油膩架

鹹水角都做得唔錯

個皮整得好好食

即蒸點心個盒仔好骨子

淨睇都夠吸引啦

生煎包好有肉汁

用個煲熱住上檯

唔會覺得冰冷的感覺

最後點了個炒麵來飽肚

炒出來很有鑊氣

但味道太淡

想要個辣椒醬來伴食

但只得辣椒油

又唔太啱我

好彩最後才來這麵

真覺得有點失色

很喜歡這個晶瑩剔透既茶壼

其他茶樓都係咁就吸引唔少客人啦