豆腐扒

[豆腐扒]

又一簡易餸菜

板豆腐買回來後

略洗水

用布吸乾水份

平放於乾布上

上鹽, 糊椒粉醃1小時

熱鑊下油

煎豆腐至兩邊金黃色即可

干燒伊麵

[干燒伊麵]

材料: 伊麵餅, 豬肉碎, 冬菇絲, 韭黃, 蔥段

煲滾水放伊麵餅煮淋, 隔水, 盛起備用.

豬肉碎用生抽, 糖, 生粉先醃, 熱鑊炒熟, 盛起備用.

放水於鑊中, 用鹽,糖,蠔油調味後放入冬菇絲,豬肉碎將水煮滾.

當汁煮滾後加入已煮淋之伊麵, 兜勻至收乾水份.

見水份收乾時, 加入韭黃略炒.

臨熄火前加入蔥段, 兜一兜即可上碟.

簡易早餐: 南瓜黑麥片

之前睇雜誌

介紹過一些健康早餐

好似幾吸引咁

我都好想試下

今次選擇左二記既[南瓜黑麥片]

一盒八包

比起我平時食開的麥片

質地滑好多

內含南瓜碎片, 燕麥, 黑麥, 黑芝麻

我自己還加入肧芽

十足既營養早餐啦

醉豬手

朋友仔知我成日會到吉之島買醉豬手食

常說自己整總比出面買的好吃得多

於是傳授做法給我

等我做定放在家中

隨時有得拿出來食

[醉豬手]

材料: 豬手2磅, 醉雞汁1支

煲滾水後放豬手煮45分鐘

熄火後再浸水30分鐘

拿出後放入冰塊使豬手降溫

再浸入凍冰水中沖洗

30分鐘後拿出盛起隔乾水分

浸入原支醉雞汁內

放入雪櫃

3小時後可拿出食用

鮮藍莓芝士蛋糕

諗諗下真係好耐無食藍莓芝士蛋糕喇

呢幾日見的藍莓咁平

於是買左三盒返屋企

一次過整左二個芝士蛋糕

一個自己食既

另一個當然送比朋友仔一同分享啦

放左好多原粒既藍莓入去

所以啖啖都係藍莓肉

味噌三文魚

[味噌三文魚]

今次買既三文魚相當靚

用味噌取代鹽製作的三文魚比較健康

食得太多三文魚剌身

聽人說有點不好

生三文魚比較多細菌

一向對熟食的三文魚不感興趣

除了這款

因用低溫焗製

魚肉比較軟滑

熟三文魚食法真的別無他選

雞翼蒜茸包下午茶餐@大家樂

食過上次既迷你版豬扒包

今次再去當然揀第款食啦

[雞翼+蒜茸包+熱飲] $15.-

呢個總算食得過

味道ok咁啦

蒜茸包仲熱

所以好香

十幾蚊貨仔

係咁上下啦

是日晚餐: 豬肉丸炒娃娃菜 + 免炸生炒骨

[豬肉丸炒娃娃菜]

[免炸生炒骨]

豬肉排12兩

用豉油, 紅糖, 麻油, 鹽, 胡椒粉醃過1小時

熱鑊下油

將肉排兩面煎至金黃色

放入預先調好之醬汁

(茄汁, 白醋, 豉油, 紅糖, 水)

煮至醬汁收乾

即可上碟

***後記***

今次調味料同上次唔同

改用白醋代替鎮江醋

食落口味道欠少少酸

亦沒有生炒骨原有味道

覺得應該用回鎮江醋煮比較啱味

報告完筆

燒米餅@旺旺

前陣子經常聽到有關亞視股權問題

當中三位主角

查懋聲, 蔡衍明, 王征

都相繼出鏡電視為自己解話

最令我有深刻印象的莫過於蔡衍明說的

"吃人夠夠"

看亞視多了

發現亞視廣告多以旺旺食品居多

咁啱走過超市

見到旺旺燒米餅

即時又諗起此廣告來

當中好記得火辣旺旺燒米餅既廣告

食得全家滿面通紅

喜愛辣的我

一於買來試試有幾辣先

看樣貌

橙橙紅紅的

還以為真的很辣

原來食落口

一點兒都不辣

真想過如果買原味回來

味道有多淡口

脫水士多啤梨朱古力@六花亭

[脫水士多啤梨朱古力]

外形有點像花盤的小禮物是朋友仔送的

內裡放著一球球的白朱古力

咬下才知白朱古力包著的

原來是原粒士多啤梨

食落口脫水的士多啤梨有點暖暖的

幾得意

當然亦相當好味啦

炸魚皮小食

薯片就真係食得多

炸魚皮都當小食就真係第一次見

食落都幾好味既

但真係太脆口既關係

食完即刻喉嚨痛添

點.算.好.呀

豆豉鯪魚炒油麥菜

[豆豉鯪魚炒油麥菜]

煲滾水落少少油, 放入油麥菜冚蓋灼一灼, 瀝乾水份, 盛起.

燒熱油鑊加入豆豉鯪魚煎香, 落蠔油, 鹽, 糖調味, 隨即加入灼過之油麥菜, 炒乾水後即可上碟.

泡菜脆脆圈@韓國小食

睇個樣好似好辣既泡菜脆脆圈

食落先甜後辣

幾有層次感既味道喎

原先諗住會好辣

開左之後同朋友仔share

點知食到最後覺得唔夠喉添

下次見到要再買多包至得