飲食二打六: 3月 2008

2008年3月30日星期日

咩父母, 就有咩仔女. 小心!!!

較早前既一天, 去了太空館睇天象電影”探索黑洞”, 進場時懷著一份熱切的心情觀看, 但點知睇睇下受到隔離2位男仕既極度滋擾, 攪到我咩心情都無晒, 特別想到這裡同各位為人父母分享現今的家教有幾咁害人.

頭號人物B: 死衰仔 (年齡10歲左右)

疑似父親F: 好似好鍚個仔咁 (年齡30幾至40幾左右)

受害人C: 我

開場後不足10分鐘, 原先坐我隔2個位的B要求和F掉位, 於是B就正正坐我隔離勒, 事情就咁開始:

B: (坐係度無時停, 周不時舉高雙手, 一係又橫放隻手過黎我果面)

C: (心諗: 都係小朋友一個啫, 算啦………)

B: (繼續無時定, 今次仲企埋起身攪下張凳咁)

C: (大佬呀想點呀~~~~~~)

B: (故意用手肘踫我手起碼三次以上)

C: (已經咁多次嘞, 我應該要開口至得) 喂! 你坐好的得唔得呀.

B: (只係停左一會, 隔無幾耐又再三係度攪攪震, 繼續踫我隻手)

C: 喂! 你坐定的得唔得架, 唔想睇咪走出去囉. (說話講到一半之時)

B: (佢隻手申過黎開我放在大腿上的手袋)

C: 喂! 你仲咩開我個袋呀.

最精彩既部份黎嘞:

F: (佢聽到我話佢個仔, 出於關心個仔既佢就講) 咩事先, 開你個袋~~要唔要報警呀. (當然係用的唔好既態度講啦)

C: (好在我地隔離無人, 於是我同個FD講) 坐過2個位丫. (起身行2格)

F: (佢仲大大聲咁繼續講) 鬼唔望你無仔生呀.

C: (我聽到只係暗笑左一下, 因為識得我既都知我唔想生架啦, 佢點咀咒我都無用既, 哈哈哈, 我唔想嘈著其他人繼續睇戲, 所以無同佢鬧, 只係講左一句回應佢) 我睇你個仔第時大個變個咩人? 點對你? 我睇你點死?

直至完場, 因為我坐近走廊位, 所以睇完即時就起身行人, 點知又聽到佢個衰老豆講嘢:

F: 記著喎, 出到去記著報警喎. (用的得意洋洋既語氣講)

後記:

回想這兩父子, 總覺得個小朋友既行為唔係一朝一夕學到依家咁, 一定係的家長唔知點教佢, 攪到個細路變成咁都唔覺得係有問題, 個衰仔既行為雖然係唔啱, 但佢始終係個細路黎, 你點教, 佢就點學, 好似以上既例了咁, 明明係佢個仔唔啱, 個衰老豆唔即時話佢不突至, 仲係個仔面前鬧返人轉頭添, 你諗下個仔當時會學到佢的咩丫? 呢的咪叫身教囉, 現今既人, 個個話想生就生, 其實有冇諗清楚生佢事少, 教佢事大先, 生左出黎又唔教好佢, 十八年後想佢做個好漢都幾難啦, 我自問真係唔識點教細路, 所以好多年前已經諗清楚唔會生, 唔想做一個不負責任既媽媽, 唔想生左佢出黎之後由得佢自生自滅咁.

2008年3月14日星期五

APM復活節汽球藝術世界show

自從學扭波波之後, 開始留意多左有關汽球的消息及相片, 今天更無意中給我看到這個大形show, 入面擺放了很多大形編織而成的展品, 幾位外國人一邊織一邊擺放, 四週更圍著大班觀看者, 不時聽到他們說: 嘩!好利害喎, 係的鬼佬至識整的咁既嘢. 聽吧, 真想對他們說: 請看看我們的odie sir跟局長啦, 他們都真的有一手架.

說回這個”APM復活節汽球藝術世界”show, 幾個來自美國汽球藝術家用大大小小不同形式的汽球編織展品出來, 主題圍繞著復活節及奧運會等, 當中更可看到香港著名的珊珊與風帆及金宝與單車等, 展品位於東九龍APM商場擺放. 為期時間: 17/3-24/3 12:00pm-12:00am.

另外當然少不了復活兔及復活蛋啦.

更有時裝展.

和一些估不到的作品及人形展品.

回家後, 心血來潮的拿了汽球及泵出來, 參照了靚女aunt送給我的傻豹自諗扭出來的, 唔知有冇扭錯架, 不過外形都有幾分似既.

2008年3月11日星期二

菊花雞蛋仔

"菊花雞蛋仔"是我給它的名字, 因為外形有點像, 整作出來的口感又跟方間的雞蛋仔差不多而起其名的.

烤出來後, 可以搽些花生醬, 牛油, 牛奶一齊吃, 好好味架.

這個就是整作"菊花雞蛋仔"的用具, 多年前朋友送的, 如今可以拿出來經常製作我的午餐了.

材料: 麵粉60g, 生粉15g, 發粉1/2茶匙, 蛋1隻, 砂糖50g, 淡奶60ml

做法:

1. 先將所有粉類過篩備用.

2. 蛋打散後加砂糖拌勻.

3. 淡奶加入蛋液中再次拌勻, 再加到已過篩之粉中拌至沒有粉粒為止.

4. 放入用具焗3分鐘即可.

ps: 以上材料及做法只熟個人之試驗版, 應該會有改良.

芝士朱古力蛋糕

之前天氣比較凍, 唔想洗嘢, 唔想整嘢, 所以好耐都無蛋糕落肚了. 天氣回暖, 第一時間整的甜品製下個五狀廟先, 芝士一定會係首選啦, 咁~~~仲有咩呢?

有, 再加埋我一樣咁鐘意既朱古力啦.

呢個就係剛整好既芝士朱古力蛋糕勒, 個樣好似唔多靚咁添.

唯有外面加的功夫啦, 再加人見人愛既朱古力係面, 一於由內到外都咁朱啦.

2008年3月7日星期五

重見天日之再行(完結篇) ~ 香港動植物公園

今個周未可真豐富啊, 食呀~食, 行呀~行, 離開香港大學及食完餃子後, 由堅道再往東走, 終於來到最後一站”香港動植物公園”, 真的….好耐好耐無來過這裡, 回想上次到來, 都想不起是什麼時候了.

因為從後門小路進入, 門口只有這小小花園, 但內裡的一些泥做公仔十分可愛.

經過長長的小路, 第一個景點就是這條正想晒太陽的鱷魚, 它是來自中國長江的, 又稱揚子鱷.

在小鱷魚對面一齊生活的是一條粗粗的緬甸蠎蛇, 它的身體比樹支還要粗啊.

離開爬蟲區一直行, 應該會去到最授歡迎的馬騮區(我自己給那裡的稱呼), 行經兩個區途中, 又給我發現這裡特別多盛開的花花, 企定.....影呀~影, 其中自己覺得最靚的是這款粉紅色小花.

來到馬騮區, 即時聽見好多小朋友不停嚷著:熊貓呀, 熊貓呀, 好得意喎.

熊貓~~~~~~~唔係得海洋公園至有咩, 幾時動植物公園有我都唔知既, 走近一看, 啊! 原來是領狐猴, 這款來自馬逹加斯加的猴子, 身上長滿的都是和熊貓一樣只有黑和白色的毛, 遠睇又真的有幾分像喎.

鄰近還有這款獅狨猴, 全身都是金色的, 長有長長的尾巴, 一雙一雙的爬來爬去, 給吸了不少小朋友過來觀看.

再過, 還有很多很多種類的猿和猴, 看得太多, 開始有點記不清楚他們的名字了, 只好post一些比較影得清楚的給大家看看吧. 睇下你們又識得幾多品種啦.

侏狨

環尾狐猴

婆羅洲猩猩

白面僧面猿

合趾猿 – 我最愛這款猿猴, 他喜愛把自己的頸部鼓起, 變成一個大大的泡泡來, 還會發出響亮的聲音, 兩隻一齊叫囂, 還好像合唱團似的.

隨後走到鳥類區.

鳥類區中, 最大群的莫過於這班美洲紅鶴了.

還有巴拉望孔雀

...................................

...........................影了一整天, 手機的電池終於乾塘, 餘下的影像, 唯有記在心中.

~ 完 ~

2008年3月6日星期四

京香餃@中環

上過香港大學後, 經月明泉旁之小徑離開, 路線將由列堤頓道往東走, 途中會經過城西公園, 聖士提反女子中學等, 再走到大路分岔口, 往上行便是續上山頂之路, 但今次還未想住山頂走, 所以選擇了橫行堅道一段往灣仔方向, 其間, 行過堅道102號, 發覺這間店子門口好見熟, 真的不知在那裡看過介紹的, 但印象中告訴我這間店之餃子真不錯, 既然咁啱行過, 於是入去試試吧.

進入舖後, 想找個位子真不易啊, 滿店坐得密麻麻的, 唯有店員叫客人左閃閃右避避的藤出空位來才有機會坐下嘗一嘗.

吓~~京~~菜, 吓~~又是羊搶麵, 真的忙記了剛吃過的京味居添, 再來又是…….京菜!!!!

這樣唯有點些之前未試過的菜式啦, 這款炸醬麵, 麵質比剛試過的京味居好吃, 炸醬甜甜地, 撈起來很有肉醬香, 加上配有青瓜絲, 一的都唔覺食肉那麼溜, 青青爽爽的, 超正喎.

另外一款當然要點這裡出名的餃子啦, menu中勁多款式的餃子供選擇, 今次揀了這個山東白菜鮮肉餃(正確名字可能有少許出入), 一碗十隻, 隻隻都咁大, 午餐時吃上一碗, 多滿足哦.

餃子內裡肉汁豐富, 加上配撘了白菜, 更覺爽口, 真的稱得上皮薄餡靚, 一口咬落去, 好有北京風味.

最可惜今次不能吃得太多款式, 下次一定會再來, 試埋其他特別之餃子.

食完餃子後, 繼續行程, 但起步無耐, 發現附近原來為孫中山紀念館, 今天偶遇真的多喎, 之前無諗過會食到的京香餃, 無意中被發現, 還有這個紀念館, 之前都未想過會到來的, 更不知所到地, 今次全級發現了, 但基於時間關係, 沒有進去, 留待下次再入內參觀吧.

京香餃地址: 半山堅道102號地下

待續……….