京味居@中環

太陽伯伯好耐都無出來, 一個和暖既周未, 好想上山走走, 出發前想先到中環出名食蕃茄通的大排檔食個蕃茄通及豬扒包, 但未行到檔口就見長長的人龍排著, 唔想擔晤時間, 唯有找其他食市, 陽光充沛的中環區, 估不到這麼多人, 行了好幾間舖都找不到坐位來, 只好再回一次京味居啦, 記得上一次到來吃過出名的羊搶麵, 因麵質不太啱我, 所以覺得唔想食, 但朋友就回味那羊肉湯底, 於是我回來了.

今次的羊搶麵比上次的好吃好多, 湯汁好夠羊肉味, 但自己始終唔係太鐘意食這款麵, 所以只嘗了一口便算了.

驚喜的反而是這個炒拉麵喎, 經上次食過這店之後, 印象中這店的食物不太啱我口味, 但吃過這回鍋肉炒拉麵後真的令我改觀了不少, 原來這裡的炒嘢比湯麵好吃咁多, 餸同麵既比例比出面舖頭多, 用來炒麵的醬汁好好味, 的麵唔乾身有汁, 味道啱啱好, 咁大碟我都一個人食晒就知有幾好味啦.

另點了小籠包亦唔差喎, 內裡肉汁鮮味, 沒有太多肥豬肉, 入口好香湯汁味, 都算得上幾正宗的京式小籠包.

三款食物加起剛好$100, 唔收茶錢, 唔收加一, 中環區算是低食既京式舖頭啦.

京味居地址: 中環卑利街2號地下

待續……………