飲食二打六: 2月 2009

2009年2月27日星期五

白糖糕

小時很愛吃這簡單的甜點, 但當人大了之後, 舊式的小食慢慢都不見了, 有時只可上茶樓才能看到還賣著的白糖糕來, 妹妹總覺得茶樓做的不太好食, 只有甜, 沒有酸味, 我實在聽得太多了, 今次終於的起心肝, 自己做, 看看味道是否可做回那小時候的回憶.

材料: 粘米粉150g, 水300g, 砂糖150g, 酵母3g, 泡打粉2g

做法:

1. 粘米粉+水, 用蛋拂拌勻至無粒狀.

2. 加糖拌勻後才開火煮1-2分鐘.

3. 粉糊放涼後加入酵母及泡打粉拌勻.

4. 蓋上保鮮紙待發酵8小時.

5. 將發酵後之粉糊倒入蒸盤內.

6. 隔水大火蒸25分鐘, 即成.

食後感:

今次做出來的白糖糕, 聞上來真的有種酸酸味的感覺, 但食落口甜度適中, 反而吃不到那酸味, 效果出來算是理想, 自己都覺得好好味呀.

2009年2月25日星期三

簡易午餐: 菠菜麵

最近, 有幾位朋友仔都不約而同咁去捐血 (可能見我捐開, 佢地都想幫下人卦), 其後大家食飯時坐低閒談中, 得知不只要食什麼東東來補血, 女性還要適量的補充鐵質, 居然大家一至的推薦含豐富鐵質的菠菜, 原來很受這班朋友歡迎的, 但聽後才發現當中只得我一個不太喜歡菠菜的, 朋友仔知我平時都會煮些麵, 粉等作午餐的, 於是見意我買些菠菜麵回家, 閒時煮煮, 都有助吸收鐵質的, 我完全收到, 即時便走到已有80年歷史的新廣利粉麵廠來, 買下$28/斤的菠菜麵, 回家可慢慢享用吧!

2009年2月24日星期二

咕嚕雞比菇

早前於朋友家作客, 知我鐘意食咕嚕肉, 特意整來這碟自煮醬汁的咕嚕肉,

即時食到我limlim利呀.

朋友知我係屋企少開油鑊, 故教我做了另一款 ~咕嚕雞比菇~ 來

材料: 青椒, 菠蘿, 雞比菇適量

咕嚕汁: 山楂餅4筒, 糖1湯匙, 醋1茶匙, 茄汁1湯匙, 水100ml

做法:

1.將所有材料洗淨, 切角備用.

2. 咕嚕汁料放入煲內同煮溶, 不需煮滾.

3. 雞比菇先下鑊炒至乾身, 放入咕嚕汁煮滾.

4. 加人其餘材料 (青椒, 菠蘿)

5. 用粟粉1湯匙+3湯匙水開糊收汁即可.

ps: 糖及醋之分量可於煮咕嚕汁時隨個人喜好加減.

2009年2月20日星期五

鳳梨酥 (製作過程)

新春團拜@2009.02.15

這次到朋友家團拜, 打麻雀, 夜晚又book了大榮華食飯, 知道大家都顧住打麻雀, 不想左切餅, 右切cake咁, 時間緊迫, 那有時間慢慢坐下來享用美點, 於是只好整些鳳梨酥來作打麻雀時小茶點.

鳳梨餡: 罐頭菠蘿1罐(無糖水), 冰糖40g, 玉桂粉2g

做法:

先將罐頭菠蘿隔水, 切一絲絲狀, 再搾去多餘水份, 放入煲內, 與所有材料同用小火炒至乾身, 放涼.

鳳梨皮料: 牛油74g, 糖霜22g, 雞蛋48g, 低粉120g, 奶粉10g, 吉士粉10g

做法:

牛油及糖霜打至發白

蛋分2次加入

粉類過篩後分幾次加入, 搓成粉團.

將粉團及鳳梨餡平均分為等份

再將粉團好似包湯圓咁, 放入pooh模內.

吸出pooh樣, 入焗爐160度焗15分鐘即可.

2009年2月19日星期四

鹹柑桔

我一向都是熱飲愛好者, 所有什麼東東凍飲, 汽水一蓋與我無緣, 屋企經常擺放著好幾款可沖製飲品, 當中一款令我最為欣賞的, 莫過於鹹柑桔蜜糖水喇.

浸了三年多的鹹柑桔, 所餘無幾, 只淨下一小樽仔, 入面柑桔十隻手指都數得晒.

又係時候要浸過新的了, 今次特地用了三款不同的鹽, 看看出來的味道會否唔同.

左: 包裝粗鹽, 中: 包裝粗粒鹽, 右: 散裝粗鹽

醃浸咸柑桔，四季桔循環再用，化身潤喉極品咸柑桔

材料：
* 柑桔/四季桔數粒
* 密封瓶一個
* 粗鹽適量

醃制方法：
1. 把柑桔放入瓶排一層，"椗"向上
2. 放粗鹽入瓶，再加入一層柑桔入瓶，一層粗鹽一層柑桔入瓶，再加鹽入瓶直至滿
3. 把密封瓶關好
4. 封密瓶蓋並加上日期標籤．放置於陰涼位置，儲存半年以上至鹽全化為水
5. 鹽經長久時間會變水，如水蓋不過桔而冒頂，即要加鹽，任何時間桔都不能外露於鹽水外，否則很易發霉。

** 日子越久其功效越好，十年以上功效顯著
** 飲用時，取適量咸柑桔置杯中，稍搗爛，以暖開水沖勻飲食。

香港中醫師公會會長關之義話，飲鹹柑桔水係有除痰潤肺、清熱下氣效果，特別係對醫喉嚨痛、燥熱等病症有效，「但本身體虛或者有風寒，就唔好飲咁多。」

【柑桔的屬性】

柑桔維生素A含量豐富，可預防色素沉澱、增進皮膚光澤與彈性、減緩老化、避免肌膚鬆弛生皺。也可預防文明病，如血管病變及癌症，更能理氣止咳、健胃、化痰、預防哮喘及支氣管炎。它更具有消食、解酒的功效，可幫助改善胸悶鬱結、心悸亢進、風寒咳嗽、痰多久咳、食積脹滿、酒傷乾渴。

*柑桔也含維生素P，是維護血管健康的重要營養素，能強化微血管彈性，可作為高血壓、血管硬化、心臟疾病之輔助調養食物

*柑桔80％的維生素C都存於果皮中，果皮對肝臟之解毒功能、眼睛的養護、免疫系統之保健皆頗具功效，而且柑桔的果皮比果肉甜。

【咸柑桔的功效】

化痰止咳：龍利葉、枇杷葉各五錢，加咸柑桔三個，三碗水煎成一碗飲。

喉痛：一個柑桔加一湯匙蜂蜜，掏爛，用水吞服。

聲啞：三個咸柑桔掏爛加溫水，先飲蜂蜜後飲柑桔水。

醃過的鹹柑桔可用溫水及蜂蜜沖飲，也可加入七喜或雪碧等汽水之中，讓小朋友飲用

以上資料來自 AA BLOG

2009年2月17日星期二

朋友! 不是只得你一個的....

一個沒情人的情人節@2009.2.14

朋友早前失戀, 今個情人節沒情人了, 幸好的是2.14星期六, 不用上班, 作為朋友的我, 當然不想她待在家中發悶啦, 所以一早已為佢安排好出外走走, 週未麻, 街上一定好多人, 我地要比其他人走遠一點, 才不會給她看到一雙一對的情侶們, 拿著那一束束的鮮花, 一幕幕觸景傷情溫馨的情景, 我們於一早便出到上環, 食了個番茄通及檸檬脆脆後就即時撘車入濕地公園.

入到濕地公園相信最多人會做的應該都是拿相機出來不停的影, 我們老遠咁走到入黎, 當然都不例外啦, 但攝影, 我始終是一個門外漢, 只好拿幾張出來給你們作個批評吧!!!

應承了朋友要陪足她一整天的, 所以離開了濕地公園後, 還有下一站,

龍鼓灘bbq

當我們坐車入來時, 都是一片灰灰的天, 但下車後即見到如些醉心的日落,

越看越大的鹹蛋黃, 好美, 好美,

情人節麻, 有情人又好, 無情人都好, 總唔會看什麼都灰灰一片的, 可用心去看看, 陽光一定會為你已出.

希望所有有情人或未有情人的都會看到你心中的太陽啊!!!

PS: 是日本來陰陰天的,但黃昏時出現如此美之夕陽,正所謂夕陽無限好,珍惜眼前人啊!

2009年2月15日星期日

一年一度

新十五都已經過左好幾日喇, 拜年時亦慢慢完結, 想回來, 今年最令我驚訝既, 就是拜年其間玩的釣魚遊戲, 我相信, 好多人到朋友家拜年, 都會拿這個來玩樂的, 年年都不例外, 我們這次都和大家玩開的一樣, 每次只拿$1.00出來看看自己的運氣, 但看, 圖下真的儲足成千蚊來, 真的好嚇人啊! 越想拿這筆大錢, 就越會踫釘, 界外不特止, 還要踫柱來一個double呢, 慘......

要來一個返身可不易哦!!

2009年2月12日星期四

蓮子圓肉紅棗茶

之前真的吃下好多好多的賀年糕, 有些飽飽脹脹的感覺, 記得睇過呀蘇教整既清潤除熱氣既蓮子元肉紅棗糖水, 雖然唔知有冇幫助, 但愛吃糖水的我, 一試亦無防.

材料: 紅棗, 蓮子, 龍眼肉 (份量可隨個人喜好),

製作簡單又容易, 水滾後, 將所有材料先用大火煲15分鐘, 後轉細火再煲45分鐘, 即可.

(煲糖水其間, 聞到陣陣既紅棗香氣, i like it)

2009年2月11日星期三

捐血

自從學游水之後, 身體真的好了不少, 繼上次久違了的約會後, 今次再同紅十字會有個約會,

仲轉戰去左銅鑼灣, 這個捐血站算是最多人"幫襯"既, 所以用上比上次多一倍的時間,

今次個針孔又深又大, 平時好少見到個傷口咁深色架, 但總算唔係好痛.

ps: 係捐血既同時, 見到有另外兩位男性捐血者, 要女友坐隔離陪伴左右, 但以我所見, 捐血者坐椅旁雖然另有椅子, 不過這張椅子不是給陪伴者坐的, 這兩位男士有冇看到自己這樣做, 會阻礙姑娘做嘢呢, 試問捐血要幾耐時間丫, 分開下10分鐘啫, 有咩問題先, 見佢地全程阻住晒人地做嘢, 真係有d睇唔過眼.