黑龍@灣仔

本來想食貓眼咖哩飯既

上次未有人發現

所以唔使等位

現在可能有雜誌介紹過

開始多人

一行到來見到要排隊

當然掉頭走啦

因我係一個唔鐘意排隊等食既人

見隔離開左間拉麵店

暫時都未有咁多人幫襯

走入去食個拉麵算喇

一開門

個姐姐已經開口係講日文

(唔知佢真定假係日本人)

間舖細細間

坐位唔多

枱位好似有點迫

索性坐吧枱位

拉麵店細細

所以都無咩選擇

只得三款拉麵可選

(黑龍豚骨拉麵$88/炭燒牛筋拉麵$98/牛筋Black沾麵$98)

同其他拉麵店一樣

Click紙仔落order的

有麵硬度, 辣度, 蔥, 洋蔥等選擇項 

黑龍豚骨拉麵

叫得黑龍(即店名)

當然是招牌麵啦

湯底好濃香

加上厚度適中又軟冧既豚肉

面上放了少少辣醬

值回票價啦

牛筋Black沾麵

黑麻油味好濃厚

湯內好像加有木魚碎

令整個湯變得很豐富

今次點選的是熱麵

沾上湯汁後好像有點冧的感覺

下次都係點凍麵可能會爽口D

地址: 灣仔汕頭街29號地下

Das Gute@觀塘

識我既人都知

我係唔只在生日才愛食蛋糕

成日都在這裡買麵包

不如趁今日試下佢D蛋糕啦

看店內介紹

這款是冠軍得獎蛋糕

真係要試下有幾冠軍至得

檸檬榛子蛋糕 $320

看到佢內心世界就知

師傅真的很用心

分了很多層次

介紹話會食到十三種不同的餡料味

雖然我無咁勁食得出十三種

但真的食到好幾種不同層次的檸檬味

估唔到檸檬味都可以分得咁仔細

雖則是檸檬味

其實食落口唔係很酸

反而有種好清新既感覺

怪唔知得佢攞獎啦

地址: 觀塘APM一田超級市場KT-001號舖

Oppa Chicken@西環

自從西港島線通車後

第一次搭地鐵過來

雖說是大學站

但其一出口是西環大樓旁

附近店舖跟以前都不一樣

很多外來舖搬了進來

連最受歡迎的韓式炸雞都有

家鄉炸雞套餐$39

(雞翼5隻, 薯條, 醃蘿蔔)

諗著第一次試

揀家鄉可能會有正宗味道卦

點知

雞翼似無醃過味

只是將普通雞翼過油炸

或者食的就是廚藝啦

雖不是心中所想

仍入口覺得美味

韓式芝士雞蛋卷$58

見枱枱人都有點

當然跟風啦

原來真的唔錯

蛋卷做得軟滑唔老

入面全是芝士

每件拿起都有一絲絲芝士絲黏著

再加上醬汁

甜甜酸酸

就算唔係芝士客

都應該愛死了

地址: 西環皇后大道西 419 號地下M 號舖

增煇藝廚@深水埗

通常都係經過附近大排檔

坐低就食

難得今次生日飯揀這間

行過都未試過既中菜店

居然有意外驚喜喎

炸大腸

上: 咕嚕肉

下: 鬼馬炸油條 (釀墨魚滑)

脆皮西施豆腐

名符其實皮好脆

豆腐好滑

真的做到外脆內軟

食飽飽後encore左多碟添

乳豬 (要預先訂$488)

雖然唔知係咪即叫即燒

但皮脆

肉唔鹹

只係細隻左D

唔夠食

胡椒豬肚湯

完全無胡椒味既赌肚湯

是日最失色一味

蝦多士

香口鬆脆

總括來講

這間小菜館炸嘢有一定水準

地址: 九龍深水埗石硤尾街31-33號

Full House@深水埗

雖然經常來深水埗

但好少行去西九龍中心

之前聽朋友講

Food Court內的韓國菜都幾好食

所以特登行上來

全層有幾間食韓國嘢既

例如石頭鍋飯等

不過這次到來的時間不太配合

唯有找些小食便算

紫菜飯卷+炸雞沙律套餐$35

紫菜飯卷

雖然無韓國整得咁好食

但味道都唔錯

包得又幾實淨

每樣材料都好分明

唔會整到一pet pet咁

炸雞沙律

雞件可能不是炸的

一點油都沒有

所以出來比較乾及硬

我就覺得麻麻地

下面鋪著的是椰菜絲

切得好大條

入口有點困難

但算是新鮮

加入醋汁

令疏菜比雞更為好食

地址; 深水埗欽州街37K西九龍中心8樓32號舖

台灣北投溫泉之旅-手信編

手信方面

唔係買得好多

因為真很無手攞

阿默蛋糕店 

(台北火車站前地下街)

左: 達克瓦茲騎士 (有點像馬卡龍, 但比馬卡龍好食, 不太甜)

中: 荷蘭貴族手工蛋糕 (好香奶味, 跟sogo下面的年輪蛋糕有得揮)

右: 瑪麗皇后 (看似夾心餅, 原來是黑白朱古力, 入口很甜)

真的很像年輪蛋糕

記得一定要切薄片

試過厚切及薄切

薄切食落口感比較Q

可一半厚一半薄切試試

口感不一樣的

黑金磚三款不同味道黑糖 NT200/包

寒天海燕窩/薑母茶/四物飲

(淡水老街)

奶油牛軋糖 NT225

(機場免稅店)

黑金剛花生 NT500

(黃金瀑布旁之車仔檔)

於檔前試食過好味才買

黑花生食起來比較甜口

重花生味

阿婆鐵蛋/鵪鶉蛋 NT100/包

(淡水老街)

第一次在台灣買鐵蛋

選了最出名的

沒其他比較下

覺得不是太過出眾啫

但其他價錢只是NT40-60

出名的比較貴了點

有機會的話

試買其他

看看是否有分別

台灣北投溫泉之遊-玩具編

這次遊行買得好開心

未試過一次過買到咁多心頭好

先黎三大盒底買高達

HGUC MG MS-06R-1A 

Zaku II

這款香港未見過既渣沽

襯上白色

I like it

HGUC MRX-009 

Psycho Gundam

這款香港已絕跡

見到必買啦

HGUC NZ-666

Kshatriya Repaired Neo Zeon

這款香港仍然有貨

只是覺得賣得極平

唔出手唔得

香港賣四百左右

除高達外

買了很多小金

小金索繩背囊

(漁人碼頭小店)

大號TsumTsum小金

(台北火車站前地下街)

雖然已買齊了大中細三款

但這集是台灣版

比香港的大碼還要大隻

左: 小金電話座 (台北火車站前地下街)

右: 小金紙巾套 (淡水老街)

Disney卡通防滑船襪

(台北火車站前地下街)

第一日買了2對

即時開了橙色之高飛狗著上

覺得非常舒服軟熟防滑

離開前回台北再買

香港真的很少小金鎖匙扣

台灣比較多

在不同地方買了這幾款

左1: 小金伸縮鎖匙圈 (台北火車站前地下街)

左2:小金頭鎖匙套 (台北火車站前地下街)

左3: 小金鐵牌鎖匙扣 (淡水老街)

左4: 小金閃石鎖匙扣 (台北火車站前地下街)

左5: 小金磁石貼 (淡水老街)

台灣制防水斜袋

(台北火車站前地下街)

探佢細細個

帶佢出街夠方便

台灣北投溫泉之旅-Day4

終於都玩到最尾1日喇

有D唔捨得添

雖然坐的是傍晚機

但都預左會早少少去到機場

所以得半天觀光

想行下這個溫泉區

一向早起身既我

大約6點便睡醒

不過話晒都係旅行

一於賴床到七點啦

起身梳洗完

最頭痛既事出現喇

就是Pack行李既問題

之前幾天買得太多太大件既物件

又沒多帶一個摺得的行李袋來

這次拿行李有點麻煩

唯有一袋二袋咁拎啦

食完早餐

交房前

將行李放在房間裡

到附近行行後再回來取

這裡話晒都是溫泉區

除浸溫泉外

還有很多景點

一出酒店門口

對面便是北投圖書館

入面好大好靚架

行左一陣

見成班小學生來參觀

不想阻礙他們

快快看過便走人

隔離還有一個

北投溫泉博物館

但因那天是例假

沒有開放

沿著光明路一直往山上走

慢慢感受到身旁有股熱力

行得不遠

便來到溫泉路

溫泉路圍著的大水坑

正是溫泉水流經之處

不過別以為行過見到有溫泉水

就手快快咁放手入水中沖洗

其實這裡的泉水並不乾淨

以我途經幾間溫泉酒店外牆所見

溫泉區內的酒店

多數是將真正的溫泉水引入店內後

另駁上一條小管

把客人用過的泉水回流到這條大水坑中

但因有部份始終都是真正的溫泉水關係

所以經過時都感受到泉水之熱力

途經的水都酒店

門外很有氣派

因這是第一次來

選了間比較近便算

下次一於試下這間

雖是遠了點

但距離捷運站應該不到二十分鐘

行上山上的目的

就是想到地熱谷感受下那90度高溫下之蒸氣

到來前沒諗過這裡會有閘口

以為像之前行過的大水坑一樣

來到就看到

點知.....

又是例假的一天

所以入不了去

不能感受那蒸熱氣

有點失望

想看的看不到

唯有失望的下山吧

在另一邊下山方向

途經一處很多人排隊的地方

不意為意下

原來這就是很有名的千禧湯

千禧湯是一個露天溫泉大浴池

入場非常平易

全票只不過是NT40

難怪排隊的全是上了年紀的公公婆婆

但也看到一些很年輕的

應該是旅行過來

試試大湯的感覺

行了一個早上

是時候回酒店退房了

拿著行李

沒坐新北投小火車

反方向走

去北投捷運站那方向

中途會經過北投市場

想在那裡吃個午餐才到台北火車站

最後一天

還是心思思的想著台灣麵

在街頭坐下

點了踪合焿麵NT45及大腸麵線NT45

好有台灣味道

上次是入夜後來到北投站的

這次白天來到

另有一番景象

搭捷運到達台北火車站後

還有一點點時間

決定放下行李

繼續睇嘢及買手信

火車站四處都有locker

只要NT60便可攞放3小時

不算貴呀

從台北火車站搭國光巴士回機場

可能未到放工時間

半小時左右便來到

比預期的早了很多

走到航空公司櫃枱前問問

工作人員說未到check-in時間

正想著要到那裡行行

另一櫃枱前人員問我搭幾點機

6:10pm呀

原來這班是Hello Kitty機

他說這機不須等夠鐘

隨時可自助check-in的

這便是自助check-in專櫃

雖然我唔係Kitty迷

但見到都覺得好靚喎

真的有點意外

因訂票時沒刻意揀選Kitty機的

看~連機票都印有大貓個樣架

又幾可愛既

入閘後

繼續Hello Kitty

長榮真的有計

相信唔少人係因為這才訂長榮機的

無處不在的Kitty

看到有的膩了

雖然有點膩

但另一角度諗

到處都可影影影

等機時亦唔會悶啦

終於睇夠了

換上別的公仔

我連郵筒都影得餐

最後行到要上機之閘口

旁邊便是食店

坐食店總比坐候機位好啦

坐下後

被這裡的湯咖哩牛肉鳥冬吸引著

區區機場內的一間小店

居然有這很濃香馬來西亞口味之咖哩

不止這個烏冬

左上角的那杯不知名跟餐茶

甜甜地好好味架

坐在這裡

可回味到十分之天燈影像

終於都上機喇

這就是我坐的Hello Kitty機

於機上

到處都是大頭貓之模樣

連坐位前之電視及安全指示

都用了佢既樣

看看洗手間

全部都係

上機後才發現

很多乘客都訂了兒童餐

因整個餐是用了貓貓樣之盒載著

看表面就覺好靚

唔知入面食咩呢

因沒留意下訂了這班機

沒訂特別餐

唯有食普通餐便算

不過

就算是普通餐

都可看到餐具及一些用品都印著Kitty的

當然每個乘客都會留著作記念之用

我也不例外的