喜來稀肉@銅鑼灣

尖沙咀果間去過幾次都等唔到位

今次來到銅鑼灣

終於食到佢喇

上: 牛肉眼150g/$150

右: 五花肉配特製醬汁 $120

下: 護心肉200g/$150

食過好幾間的韓式燒烤

這間的蛋醬加了少許泡菜

最好食的一間

肉類亦覺新鮮

好食之處在於配上自家制的泡菜

雖然辣了點

但真的好味

喜來烤肉 $130

石鍋拌飯 $78

水冷麵 $70

這個水冷麵做得相當唔錯

夠酸少辣

味道很friendly

湯汁夠多

麵亦不算太吸湯

只微微掛上湯汁

涼涼快快酸酸辣辣

這才是好吃之水冷麵

地址: 銅鑼灣謝斐道477-481號3樓

CoCo壱番屋@觀塘

期間限定

當然想試下啦

點知......

跟餐的沙律

醋少了點

炸免治扒咖哩飯 $55

看餐牌的炸免治扒

沒有這賣相咁濕

免治扒入口好淋好淋

淋到有點鬆散的感覺

口感難食

像是一堆爛蓉蓉的.....

真講唔出是肉的感覺

總之食完後

全身都感覺到悶悶不樂

有點不對勁

地址: 觀塘開源道79號鱷魚恤中心1樓8號舖

韓韓館@中環

韓式食物在香港已開到無處不在

咁啱今期韓食又是我的最愛

行過中環自動電梯旁

見到開左間韓韓館

大賣的是部隊鍋

其實在韓時我都沒食過

這次四人到來

應該可以消滅佢既

紫菜飯卷 $48

同韓國食的有點不同

沒有那些麻油味

入口只是平平沒其的飯卷

韓韓部隊鍋 $128

這個是韓韓館推介的

相信應該不錯

材料充足

味道全是泡菜味湯底

食落當然唔差

但無咩特色

(不知韓國食的是否都是這樣, 因為知道部隊鍋本身就是那些不健康但又好味之食材, 怎樣做都應該不太難食.)

芝士辣汁排骨 $138

估唔到這排骨比部隊鍋仲貴

但味道真的好食好多

尤其是那拉絲的芝士捲在排骨上

食落有仲甜甜辣辣

再加埋芝士黏黏的口感

不錯!

水冷麵 $68

麵質比較硬

放了一會湯已被全部吸晒

還要問店員追加一碗湯

最後都被吸乾

可能上這碗麵是跟有一樽醋上的

所以味道唔夠酸

但自己調味又未必調得啱

味道都是一般

餃子 $35

又是平平無其的餃子

像是在超市買回家自己煎的那款

我買的還比他好食

地址; 中環閣麟街32-34號美輪大廈地下C號舖

夏鉻記麵家@油麻地

到電影中心走趟後

剛巧午善時間

便走到隔離的夏鉻記坐下

全店坐得密麻麻

食客多數點的都是魚片麵

我想應該是這裡的大熱了

但今天我點的

是出面麵館很多都己消失了的炸醬麵

炸醬撈麵 $36

炸醬佔了半碟

可不少啊

味道雖與之前食過的有點不同

但味道都唔錯

最啱我的

就是這裡的炸醬比較酸一點

入口好醒胃的感覺

地址: 油麻地新填地街151號駿發花園A舖

飽魚麵

早前買了個安記福袋

裡面有這款飽魚麵

假日當午餐都唔錯喎

又易煮

又好味

濃濃既飽魚汁

真係好好味架

CookedDeli by Citysuper@觀塘

到過APM咁耐

都未試過food court食嘢

因為真的很多人

要自助搵位的我都不太喜歡

但未試過又唔心熄

趁唔咁多人就坐低試下

買完票比錢後

會給你這部機仔

食物做好後便會著燈通知

咖哩豬扒飯$56+蟹餅$16

個飯睇落唔錯

一起筷就覺得不似預期

首先

我喜愛將這款蛋之蛋黃

用筷子直插落到飯低的

但首要條件是飯一定要熱

這個飯不但唔熱

仲有點硬

咖哩汁味道又淡

點會啱我這個濃味王丫

食食下終於放棄了

食完個比較香口既蟹餅就走人

唔想再返黎試

地址: 觀塘道418號APM food court

腸粉皇@灣仔

這鋪頭仔其實食左好幾年了

連老闆娘都認得我

知我每個星期都會來幫親

當然幾年來都每星期幫親喎

一定有佢好食之處

燒賣$9/5粒

腸粉$10/4條

地址: 克街7-11號地下

甘味讚岐手打烏冬@觀塘

這間店我經常會來的

但每次都會點我最愛的二十縠米飯

今次破例

滑蛋豬扒撈讚岐手打烏冬 $55

滑蛋撈日本飯就試得多

第一次食滑蛋撈烏冬

完全唔似撈飯一樣蛋質比較濕

而且撈烏冬因沒有湯關係

容易凍

其實不是我杯茶

下次都係食返熱辣辣鍋飯啱我多D

地址: 觀塘道418號創紀之城五期(apm)6樓2號舖

橫浜屋@上環

上次無意間來到這小店

嘗過一碗好味既拉麵

令我念念不忘

咁啱見到有團購

即時買下食券

低食好多

團購價$55包括

普通拉麵

小食

汽水

很多團購試食店

都將價就貨

雖然價錢平了

但給客人的就少了一半

這間可不是

拉麵分量跟我上次正價食無分別

赤月拉麵 ($83)

這款麵不包括團購價內

所以須加$8

湯底有少少辣

因加入了店舖自家制之櫻花蝦辣油

令整碗湯底變得好香

雖是團購貨

但水準依然

黑蒜油拉麵 ($78)

這款亦須加$8

黑蒜油同樣地話自家制的

當然我就食不出啦

但一樣煮得咁好食

除左湯低外

這店的麵做得唔錯

試食第二次後之感覺

還是這間最好的

題外話

我有次在登龍街某拉麵店食的黑蒜油拉麵

睇住佢攞支現成樽裝醬倒落去就算

這些不自家制的

未免有點厄食客喎

小食有三款可選擇

(炸雞/餃子/章魚燒)

上次已食過炸雞及餃子

但感覺餃子一般

今次選了炸雞及章魚燒

睇賣相已唔錯

地址: 上環永樂街148號南和行地下2號舖

蝦球撈麵@一粥麵

唔明點解唔用碗盛

D蝦籽已經唔係多啦

一路夾麵仲一路就跌返落隻碟度

味道又比較淡

差唔多四十蚊喎

我覺得唔太低食

令願食返雲吞湯麵就算

麵匠@西環

麵匠主打的五款拉麵套餐 @68

(餐牌還有其他拉麵/冷麵/沾麵/烏冬等)

跟餐的沙律及前菜

左邊的是蘿蔔牛腩

但這個是凍食的

從未試過

有意想不到的味道

右邊的是普通的蕃茄沙律

白匠

豬骨湯底

口味普通

不過不失

黃匠

南瓜湯底

味道有點甜

鐘意南瓜的

一定很愛

露荀豬肉卷 $42

這個是單點小食

味道是意料之內

只熟一般

地址: 西環皇后大道西602號地下

李家@灣仔

自從韓國回來

對韓國菜念念不忙

早前經過尖沙咀

見李家門前排著長長的人龍

知道一定好嘢

今次經過灣仔

見佢開左分店

又唔使等位

當然要食啦

無極添加前菜

只得酸蘿蔔同爺菜沙律

燒五花腩肉 $190

齋睇賣相已覺唔錯

放到枱上即時聞到陣陣燒肉味

很吸引

五層肉很分明

但入口一D得唔肥

應該係燒走了很多肥油出來

蔥炸雞 $180

點這雞時無諗過蔥既份量有咁多

好彩我鐘意食

多多都殺晒

雞炸得香脆

很乾身

真的有點像韓國食到的味道

炸得乾身又唔鞋既雞

韓國人真係做得好出色

地址: 灣仔駱克道405-419華發大廈地下C舖

上海婆婆336@尖沙咀

估唔到isquare都有咁好坐既地方喎

這裡靜靜地傾下計都唔錯

336上海小籠包 $38

冰鎮醉黃油雞 $78

黃金四季豆 $68

紅燒豆腐 $65

香蕉高力豆沙 $48

地址: 尖沙咀彌敦道63號iSQUARE國際廣場6樓605-606號舖

自助山@灣仔

自助山

一聽到個名就好想試

因為好多朋友都同我講

你咁鐘意食自助餐既

一定要試架

價廉物美

(當時餐廳還在澳門)

但每次我到澳門

都不想花太多時間坐低食嘢

所以咁耐以黎

什麼金沙...觀光塔頂...有幾好食

我都無在澳門食過

今次得知自助山過了香港

當然唔想錯過啦

但真的太多人知道這間店非常好食

真的難以book位

我都用了三個月時間只book到午餐時段

午餐時段:12:00-14:30 $248+10%

這餐廳是有自助葡萄酒機的

如飲得之人

可一嘗這裡多達六十款之葡萄酒

須向服務員購買充值酒卡的

燒物

經常排長龍

但只熟一般

天婦羅

炸嘢當然無得輸啦

尤其是炸蝦

南瓜湯

好飲到我飲左兩碗

另一款是蟹肉燕窩湯

雖看似上品

但我偏愛平凡

熱葷

對於我來講又是一般

不是唔好食

只不是我杯茶

肉類

通常我都好小buffut時食肉

這裡例外

因他們用的是上品

入口當然唔同啦

冷葷

壽命方面居然是卷物勝出

睇落平平無奇

令我一再回味

沙律方面

不同款式菇類+菜類

但最令食客搶先的

就是大蝦及帶子

中式點心

一試無防

其實行了好多次

為的是想拿小龍包

每次一出便給搶奪一空

唯有是旦攞D嘢囉

甜品

正是我的心頭好

朱古力&蛋糕

最愛都是芝士蛋糕

另外還有長腳蟹/翡翠螺.........值回票價

地址: 灣仔皇后大道東183號合和中心62樓

Yamm@尖沙咀

這間自助餐開業時已經好想試

終於到了今時今日至有時間來

聽聞好似無當初咁好食

不過都係自己來一次試過至心息既

周末自助午餐(12:00-14:30)

$368 另加一

雖然係晏就

但都幾多嘢食架

龍蝦, 生蠔, 雪蟹, 蟹粥, 燒牛肉等都有

生蠔咁有好多款

即開即食的那款就最好味

除以上海鮮及熟食外

當然唔少得我最愛既甜品啦

手快有手慢無架

所以一次過將佢地帶晒埋位先

地址: 尖沙咀彌敦道118號The Mira Hong Kong酒店地下大堂

橫浜屋@上環

豚骨拉麵$68

除左湯底夠濃外

叉燒都夠淋

就這樣是不夠的

最出色就是那半生熟蛋

食得出唔係普普通通既蛋

好有蛋香

還食到有甜味

這蛋出乎意料之外

是我食過最好味既蛋

地址: 上環永樂街148號南和行地下2號舖

牛牛蛋糕@美心西餅

每次經過地鐵站既美心

都算行過去睇下有咩蛋糕啱食

次次都堆滿人

這次終於行到入去

見到這款蛋糕

黑白色

牛牛樣

外形很吸引哦

現金價$168

食落好白奶味

但又唔太甜

層次感豐富

底層脆脆地幾好咬

蛋糕做得好軟

中間有兩層白色cream狀

底層少少既好似係奶凍

面頭個層就應該係忌廉

兩層都好香

唔甜

食完都唔會有罪惡感