又黎白熊咖哩
咁你知有幾好食啦
上次從澳門返來
一到步就肚餓
揀選左這間有驚喜既店舖
今次特登過來返叮佢既
今次唔諗喇
試個焗芝士海鮮飯
以為要好耐啦
點知十分鐘都唔使就到
仲好鬼熱辣添
食極都唔涼咁
但有種感覺似唔係焗
係叮出黎咁
至於味道算唔錯
海鮮亦好足料
另一款係套餐黎
包小食同飲品
話就係蛋包飯
但一d都無包過架
只係放係飯面再淋d咖哩汁
個飯似係自選係列個d
但跟餐就得個幾款比你
無太大選擇
總括來講都係個肉汁比較好食所至
小食就選左凍茄子
不過不失咁啦
要贊的是個木魚
一上枱就聞到好香木魚味
這算是靚貨還是新鮮呢???
我真的不知道
地址: 干諾道上環信得中心228-230號舖
無敵家
個名就聽左好耐
仲知道佢係日本都算幾出名
早前想食拉麵又食唔到
今次行經尖沙咀
見到佢個大廣告牌
上去試下啦
環境其實算唔錯
又有露台
天氣唔太熱
坐出去都幾舒服架
但講到碗麵既質數
唔知係口味唔啱我丫
定真係有d失色呢
食落口無咩味道
係我食得重口味??
還是因為這裡沒味精
沒鹽既關係呢??
真係要等其他食家來品評一下喇
餐入面包括小食既
我地order左好穏陣既凍番茄同蝦餅
用穏陣黎形容真係好好
因為今餐除左碟番茄係好食之外
連個蝦餅都唔得
又係無味既
加上環境咁黑
真係有諗過自己係咪玩緊估食咩既遊戲
我諗我得分應該好差
睇住都唔知自己食咩!!
地址: 尖沙咀海防道38-40號中達中心4樓
平時多數來這裡都是食早餐
第一次下午茶時段來食
見到有個名好特別
"漁夫之堡"
應該似係d魚柳包之類啦
原來估錯左添
唔係魚柳做既
用新鮮既鯪魚肉煎成厚厚既魚餅
包入面仲放左好多菜
見到都好似好健康咁
不防多d黎食這個餐先
銅鑼灣區自從開左一蘭拉麵之後
附近既拉麵店真係好似做唔位咁
又唔想同其他人一齊花時間排隊
又想食
即時諗起之前食過既
水準唔錯架
味道又好啱我
諗住去再食一趟啦
點知..........執左喇
咁快既!!
附近都搵唔到拉麵食
唯有搵間差唔多嘢食住先啦
行行下見到有譚仔雲南米線
快快取取食左就算啦
唔知係咪人大左就真係無咩記性
譚仔之前都食過
應該唔係我杯茶黎既
入到去完全唔諗起
等個麵一入口
係呀係呀
這味道唔太啱我
我喜歡比較酸辣的那一種
好彩這間味道調得比較淡
完全唔似酸辣米線
當普通湯米食完就算喇
希望下次再見到譚仔米線
記得唔係自己杯茶
咪再走入去啦
