御家迴轉壽司@旺角

每次出旺角都唔知食咩好, 太多選擇嗱, 行左行右, 最終都係揀返我至愛食既日本嘢勒, 之前未試過尼間, 見附近間間舖都要等位, 自己又不太願意size時間等位, 咁就行左入去坐低左勒, 入面無咩人, 得三枱客, 可能晏就無咩人食啦, 點幾兩點鐘, 多數人都會揀飲下午茶既, 今次時間唔許可, 是是旦旦咁食住尼間先啦, 反正的set lunch又唔太貴, 都係試試唧.

前菜: 雜菜沙律 (的菜都幾新鮮架, 平時少食熟菜既我, 尼個就最啱我食勒.)

套餐8: 和風牛肉石鍋飯 ($36), 包味噌湯, 前菜及凍飲一杯, 算係低食啦, 個鍋真係熱辣辣既, 的飯起焦, 牛肉又夠肉汁, 我自己一個都食得晒咁大個鍋飯, 你就知有幾好味啦, 不過, 我覺得尼個係咪唔係日本嘢黎架, 似韓國飯多的喎, 你地話呢.

另一款套餐: 日式咖喱豬扒飯 ($25), 都係包味噌湯, 前菜同凍飲一杯, 飲品仲係凍茉莉綠茶或檸蜜添, 係出面飲尼兩杯嘢, 閑閑地都要十元八塊啦, 成個餐都係收$25.簡直超低, 個豬扒飯既級數同citysuper差唔多啦, ok既.

除左跟餐既凍飲外, 仲可以任飲佢地既麥茶, 每枱都有架, 鐘意點飲都得. 佢地仲注明左飲麥茶既好處, 唔知寫既嘢真定假呢??

食完飯都唔夠, 想試下的壽司o唔ok, 點左款特價芝士燒, 唔記得幾錢lu, 不過都唔係好貴乍, 又係平食黎既.

今次食住咁多先啦, 下次會再黎試埋晚飯時段正唔正先, 到時再話比大家知啦.

地址: 九龍旺角彌敦道628號瓊華中心10樓