手多多午餐

平時好少晏就開鑊煮食既我, 今日突然想起食的香口嘢, 但我又唔想落街買, 唯有係屋企搵搵有咩可以做食材啦, 入廚房望兩望, 又比我發現自己早前種落既蔥, 佢地不經不覺咁長大晒lu, 嘻~~嘻~~嘻~~咁就再整蔥油餅啦.

因為今次係整一人食既份量, 所以唔攞個磅出黎量度勒, 靠自己既感覺都ok既, 都同大家分享下我個人食譜啦.

材料: 中筋粉3湯匙, 糯米粉1湯匙, 溫水5湯匙, 鹽適量, 蔥隨意.

做法:

1. 先將蔥洗淨切粒, 備用.

2. 中筋粉, 糯米粉, 溫水拌勻, 靜置20分鐘.

3. 蔥粒, 鹽加入粉漿中拌勻.

4. 燒熱鑊, 落油, 倒入適量粉漿, 煎至定形, 反轉再煎熟, 即可.