係博覽館開四面場, 比起紅館既場地仲正, 坐位超近, 城城話: 就算坐山頂位都係比個台既水平高少少乍, 尤其是今次佢個台仲升得咁高添, 升起再旋轉時仲高過山頂位架, 所以無論坐邊個角度都睇得咁正.
今次諗住帶部大機出黎影城城既, 點知叉完電後放低左出門口時唔記得左攞添, 唯有又係用部手機影下先啦.
演唱會既氣氛相當之好, 我揸住個bonbon舞足全場, 都唔識得影相勒, 去到高潮位仲企起晒身一齊跳添, 呢幾日咁凍, 沃下個身個人都暖左好多喎.
記得上次入黎睇梁詠琪演唱會時左轉車右轉車咁, 坐成個幾鐘至入到去, 覺得好鬼麻煩, 唔想再有下次添, 但今次揀左坐專為呢個演唱會而開既機場快線, 又幾舒服喎, 仲要半粒鐘就入到去添, 咁大個女都係第一次撘機鐵乍, 感覺都ok啦, 最緊要快麻.
於演唱會當日買即日來回博覽館既車飛, 只係收$42乍, 都幾底丫. save time save money麻.
由於要係中環撘機鐵, 咁順便係中環食埋晚飯至入去啦, 天氣凍凍地, 所以揀左呢間食咖哩既舖頭~峇里閣, 入到去好快咁揀左個巴東咖哩牛腩麵, 個汁好野味架, 的牛腩都好淋, 你地唔好睇錯個碟係意粉喎, 真係麵黎架, 佢地將的麵滾完攞起再撈咖哩食既, 幾好味咁架.
另外仲叫左個串燒雞肉黃薑飯, 好其待既黃薑飯真係有的失色, 個飯又凍又硬, 又無咩薑味, 無知點解叫黃薑飯呢, 好在跟飯既串燒仲算過得去, 不過我都係揀左攞人地的巴東咖哩汁去撈呢個黃薑飯食囉, 咁樣個飯就變得暖暖地無咁凍食, 的飯又有返的味咁啦. 但我個朋友話, 呢間嘢晏就食既午餐就幾好喎, 晚餐佢都覺得麻麻地, 咁下次有時間既咪再黎試下午餐有幾正囉.
峇里閣:
地址: 中環卑利街35號地下
電話: 2854 1532
電車校服派對
回覆刪除[版主回覆02/20/2008 15:19:00](Empty)
(Empty)
回覆刪除我上次有去紅館睇城城呀....真係好正家~~我最鍾意佢第一幕搽晒金粉跳舞,每跳一個動作d 金粉就徐徐咁曬出黎...個畫面真係好靚!
回覆刪除[版主回覆02/19/2008 12:47:00]我都係鐘意一出場個part呀, 你一定坐得好前勒, 睇得咁清楚.
不過睇相個黃薑飯好似好正咁﹗
回覆刪除[版主回覆02/19/2008 12:46:00]我都係睇佢地的相order既, 咁咪比的相呃左囉.
郭富城跳舞真的好專業
回覆刪除我也相信他的表演一定好精彩
Shirley
[版主回覆02/21/2008 12:39:00]超好睇+好玩添喎, 有九成都係唱快歌, 全場都玩得好high呀.
我都有去睇呀~真係好精4,成個show氣氛都好好, 不知不覺3個鐘好快就完左,有d唔捨得呢!
回覆刪除[版主回覆02/26/2008 12:59:00]我都係呀, 佢年年都開演唱會就好勒.