2010年7月31日 星期六
超級打蛋器
呢個超級打蛋器唔知用黎仲咩架呢?
2010年7月30日 星期五
搵笨下午茶餐@八喜
媽媽話這間担担麵好食
特地帶我來試
一坐低
仕應便問我地點咩茶
媽媽第一時間就說明我們是來吃餐的
她已是熟客
知道這裡的台式下午茶餐是包括飲品的
但仕應說這是公司新制度
凡入來坐低都要開茶收茶錢
美心唔知搞咩
感覺上好像趕客走
??????????????
[四川担担拉麵] $28
媽媽愛吃這個担担麵
味道真的不錯
見她連湯都飲埋
[台式飲品]
左: 椰香咖啡, 中: 薄荷朱古力, 右: 香片茶 $5/人
真奇怪
明明餐內已經包飲品
為何一定又要我們開這個中式茶呢
分明搵笨啦
咁多嘢飲得邊樣至得架
明屈人地茶錢
今次試過之後我下次一定唔黎呀
[餈飯 + 南瓜鮮肉煎包] $24
諗都無諗過個餈飯會何其細
只係大過匙少少乍
咁樣就要收我$24
本來都OK既
但除左$24仲要收多個中式茶錢喎
真係唔係好低食
咪再搞我
地址: 藍田啟田商場2樓206號舖
2010年7月29日 星期四
Pizza@芝脆雞
Pizza Hut 已經深入民心
每次想起食Pizza都會想起佢
隨著另一間 Pizza Box既興起
又多了一個選擇
但Pizza Box的位置未必人人都啱
最近又多了一間外買Pizza店可供選擇
芝脆雞
就咁睇個名仲以為佢只是食雞的
原來佢都主力Pizza既
今次就點了這個1+2組合 $148
包括: 小食拼盤 (右上) + 香草烤雞焗飯 (左下) + 雞髓 (右下)
另加$20/8隻辣味雞翼 (左上)
[環遊世界Pizza大批]一個
餡料比PH多好多
但味道比較淡
沒PH咁重芝士味
[小食拼盤]
包括: 春卷 + 咖哩角 + 咖哩雞翼
全部只熟一般
炸物比較淋, 唔脆
咖哩雞翼淡味, 唔太熟, 仲見血水滲出
[香草烤雞焗飯]
這個比較理想
米飯食落乾身
粒粒分明
[辣味雞翼]
最好食既一個
味道比PH的還要辣
雞翼始終都係用焗既方法比煮既香口好食
2010年7月28日 星期三
芒果糯米糍
我的最愛
始終是這款芒果糯米糍
食極都咁好味
但最重要的還是揀到一個香甜的芒果
到現在我都不知選那些才是甜美的
請各位可否教教我呢
2010年7月27日 星期二
咖哩拉麵@農心
雖然
上次
食過覺得唔好味
但不竟一買就五包麵都要食埋去架
得上次既經驗
今次落少左水去煮
發覺又無之前食咁差喎
真係食得出咖哩味
唔通上次係我搞錯所以煮得唔好食!!!
2010年7月26日 星期一
厚切吉列黑豚扒@大快活
大快活新出既厚切吉列黑豚扒餐 $32
睇相就覺得幾OK喇
真係是試試至知
今日午餐唔知食咩好
就揀左佢黎試
面層既麵包糠炸得好香脆喎
加上個好似有柚子味既酸醋汁
好醒胃
舊黑豚扒好瘦
一D肥肉都無
我覺得似吉列叉燒多D
2010年7月23日 星期五
是日晚餐: 沙薑雞翼 + 姬菇炒西蘭花
[是日晚餐]
沙薑雞翼 + 姬菇炒西蘭花
雞翼, 必定是懶人之選
今次只是買包李錦記沙薑醬料醃一晚
便成了這個方便餸
現成既即食姬菇
跟菜配撘
簡直一流
註: 點解我煮左咁多次西蘭花, 都係煮得麻麻地, 唔太好食.
(請各方好友指點下點煮西蘭花至好食呢)
2010年7月22日 星期四
芒果大蝦米紙卷
天氣一天一天的熱下去
唔係好想食熱嘢
但總要給自己食糧的
唯有諗些冷盤來令自己胃口增加
芒果是夏天無時無該會想著的香味
拿來作伴一定好美味喇
材料: 北海道即食凍蝦, 芒果, 紫蘇, 蛋黃醬, 米紙
做法: 先將米紙濕透, 放大蝦及芒果於米紙邊位, 唧蛋黃醬於面部, 再放上紫蘇葉在蛋黃醬面, 將米紙對摺後捲起即可.
2010年7月21日 星期三
黑白奶
平時多數係茶餐廳見到d伙計用黑白淡奶沖奶茶咖啡既
今次係超市見到有黑白鮮奶賣
第一時間買黎試下好唔好味先
比較同價錢既鮮奶黎講
真係奶味香濃好多喎
第時食早餐又多款奶類選擇喇
2010年7月20日 星期二
初試軟糖
早前睇到
開心媽咪
整左好多好靚既軟糖
心諗
好想整D比較健康既糖糖給小B食
於是今日終於的起心肝
做些來給大朋友先試味
但在全無準備下
只做了益力多味的軟糖來
為左想外形無咁單調
固做了三個不同款式出來
材料
:
益力多
1
支
,
水飴
40g
,
魚膠粉
60g
,
檸檬汁
10g
,
糖
80g
,
水
100g
.
做法
:
只要將以上材料用熱水座溶
,
放入模內雪
1
小時即可
.
2010年7月19日 星期一
渣華軒@北角
食到谷鬼氣, 把幾火既一餐好友生日飯
從未試過用足三個多小時黎等上菜
依家去飲都可以九點入席十一時走得人啦
呢間嘢都唔知攪咩鬼
每一度菜都要用成半個鐘至上到枱
食到我地無晒癮
眼見餐廳內只得六圍枱
枱枱都要等
都唔知入面係咪只得一個爐煮嘢
既然煮唔切咁多枱客既
咁就好似私房菜做2圍就算啦
真係試過一次都唔夠胆再黎喇
[渣華軒]
[古法滋補桑拿蝦]
無咩蝦味
只係食到龍眼杞子同酒味
[碧綠蝦子鮮菇鮑汁螺片]
冬菇好厚身
有冬菇味
其餘只熟一般
清菜一碟
[回疆熱石火焰羊鞍]
上枱時仲點著中間火盤
暖著D羊鞍
呢個食落幾有驚喜
而且仲係最好食既一碟添
羊鞍燒到表面好脆
但入面又唔乾喎
有好香羊味但無羶
回疆........唔知係咩
不過好野味
[薑蔥麻香貴妃雞]
好鹹
似鹽水雞多D
只係好重薑味
[磯燒元貝釀蟹蓋芝士燴伊麵]
睇上圖都見到D蟹蓋超細隻
用左D無味豬肉釀左入個蟹蓋度
個餡就無咩味
但勝到炸得好香脆
至於芝士燴伊麵就差喇
唔知係我食得太重味定真係全部嘢都無味呢
D伊麵重淡又無芝士味
真係麻麻地
[海底椰杏汁白肺湯]
睇件豬肺好似幾OK咁
但放左落口連自己食緊咩都唔知
好淋又無豬肺味
呢個唔應該叫湯
叫白肺水就啱
[清蒸台灣青斑]
條魚係我面前開左後
順時針由右手面先夾
來到我時已經七七八八只有背部少許碎肉
先夾的前半人都話條魚蒸得好鞋
但後半人(包括我)就覺得OK喎
咁可能係前半人夾的一面時間蒸得太耐
另一面就剛好所至啦
不過大家就一至咁覺得個蒸魚豉油就煮得麻麻地
我媽仲煮得好食過佢
一D都唔似廚房師父作品既
[黃金裹蒸粽]
(家傳菜冠軍)
呢個一上枱時就覺得有點怪
大家都以為蒸番薯添
之前大家都估緊係一人一粽
定一大隻粽SHARE
定係.........
點知攞到黎原來係咁
食落口同端午節食既粽無分別
只係將隻粽橫切左之後煎一煎佢咁啫
咁就話攞獎
係咪得佢一個參加架
[椰汁官燕大團圓湯圓]
又係椰汁
見個樣同之前個湯咁似既
不過味道就唔一樣
感覺就有少少似用椰漿開水咁囉
飲落去係水
但聞到有椰香味咁
個粒所謂大團圓真係好大粒
同埋個湯圓皮好厚好硬
買包四川都好食過佢
最後當然來個合時美果啦
雪到好凍
所以唔啱我食
但聽其他朋友講都覺得麻麻地
生果一D都唔甜
佢地仲話樓下就係街市
好心買D甜少少比得人食既生果人啦
食到最後
個廚師仲自動走左出黎同咁多枱人影相
都唔理人地鐘唔鐘意佢
只係覺得佢出黎好hard sale自己咁
如果D嘢整得好食既
你唔出黎都有人搵你影相啦
駛唔駛搞到咁呀
地址: 北角渣華道99號渣華道體育館5樓
2010年7月17日 星期六
南瓜蒸排骨
[南瓜蒸排骨]
材料: 南瓜, 排骨
做法: 排骨用豉油, 糖, 生粉醃約半小時
南瓜用滾刀法切件放碟底
排骨放於南瓜面
隔水蒸約20分鐘即可
2010年7月16日 星期五
燒烤豬柳堡餐@Burger King
之前食過好多次
Mos Burger
唔錯
今次咁啱經過銅鑼灣
天氣又熱熱地唔想食其他嘢
去左Burger King買個餐食就算
[燒烤豬柳堡餐] $25.5
包括: 燒烤豬柳堡
質數同Mos Burger差唔多喎
不過勝在價錢平過佢
脆薯條
睇見都靚過麥記果D啦
無人地咁乾
食落入面仲軟淋淋架
跟餐加$6可以多2件雞柳同洋蔥圈
唔知係咪太耐無食過洋蔥圈呢
好似特別好味咁
好有鮮味喎
唔通係D洋蔥鮮味
雞柳都唔差
比起雞堡又係無咁乾
食落唔咁鞋口
總括黎講質數好過麥記好多
同Mos Burger又差唔多
但以價錢論
應該佢至低食
地址: 銅鑼灣
2010年7月15日 星期四
懶人雞翼
想隨時食到好味既雞翼
[懶人雞翼]
一定啱晒你
只要預先將雞翼用喜愛既醬料醃好
放入保鮮袋內
隨時想食都可以從雪櫃拿出來
舖在焗盤上
用180C每面焗15分鐘即可
想幾時食
食幾多
適隨尊便啦
2010年7月14日 星期三
越棧越式湯粉專門店@太古城
這間越式茶餐廳之前都食過幾次
價錢唔貴之餘
味道仲唔差添
平時入坐時都睇到佢地餐牌上既早餐
好似幾低又想試下
[豬扒包餐] $19
依家食個早餐
閒閒地都要$21蚊以上
呢度$19蚊就有交易
仲要係豬扒包添
低食架
雖然塊豬扒一般
算係一分錢一分貨啦
十幾蚊想食D咩先
但夾著豬扒包的仲有2片番茄出面多收無既
加上入面既醬汁都唔錯
又有沙律又有嘢飲
OK啦
地址: 鰂魚涌康山道一號康怡廣場(北座)地下G1舖
2010年7月13日 星期二
桂花炒魚肚
[桂花炒魚肚]
材料: 魚肚, 銀芽, 雞蛋
做法: 魚肚先用清水浸軟, 薑蔥汆水備用.
銀芽切段, 白鑊炒至出水, 贊酒 盛起.
熱鑊下油, 推蛋成花, 放銀芽回鑊炒, 大火下魚肚炒至乾身即可.
2010年7月12日 星期一
新竹源越南餐廳@上環
某日去開上環永安攞嘢
便順道約朋友係上環食飯
於四維搵緊食咩之際
見到永安對面馬路有間食越南菜既餐廳
呢個算係我飛弗黎架
咪行過去睇睇囉
原來佢地有做下午茶時段架
最勁既係做到7:00都仲有
比佢個下午茶吸引左入去
其實我地去到時已經七點幾架喇
不過都無所謂啦
今次食左無下午茶既餐先囉
[豬肉撈檬]
味道OK無咩特別好食同唔好食既地方
只係覺得用黎撈檬既汁唔夠酸
好似結志街果間好食D
[香芧豬扒飯]
這個就一D都唔好食
又無咩汁
個豬扒又好重鬆肉粉未
飯質仲好硬
有D似隔夜飯咁
*另外餐飲order左一凍一熱既柑桔蜜, 極之難飲, 我飲既係熱果杯, 佢地唔知點解沖到杯嘢好苦, 而我朋友果杯, 佢都話唔好飲, 味道好淡, 只得冰水味.
地址: 上環德輔道中262號一洲大廈地下及1樓
較新的文章
較舊的文章
首頁
訂閱:
文章 (Atom)