泰式沙律

[泰式沙律]

材料: 青瓜, 甘荀, 蟹柳, 芝麻, 泰式沙律醬

做法:

青瓜, 甘荀切絲後與蟹柳一同汆水

隨即浸入冰水降溫

隔水盛起

拌入泰式沙律醬後

放芝麻於沙律面便可

一鍋館@銅鑼灣

天氣涼涼地

個個都四周維打邊爐

我當然都不例外啦

除左鐘意在家打邊爐外

這裡都是一個不錯的地方

最喜歡的就是這裡全是一人一鍋

要咩湯底都得

[醉雞鍋底]

無諗過打完邊爐既醉雞都仲咁滑架

[馬來沙嗲鍋底]

好濃好杰好夠味

鐘意食沙嗲既一定鐘意

火鍋配料包括

娃娃菜, 秀珍菇, 海帶, 車厘茄, 粟米, 南瓜, 甘荀, 金菇, 青口, 龍蝦丸, 蝦, 駝鳥肉, 福袋, 芝士腸, 魚皮餃, 魚片, 豬皮, 炸魚蛋, 拉麵

意外驚喜

近期人氣急升既少年食神節目

我諗好多人都有睇

唔知你地仲記唔記得有一集介紹中環既豬扒飯呢

某日特意到中環想食那讚不絕口的豬扒

一到食店門口

見到大排長龍

仲要唔係拎票果款

真的排起隊來

我一見狀當然即時走人啦

但肚仔又餓

唯有行多兩步見到有嘢食就入去

剛好看到一間豪不起眼的興記茶餐廳

入來四處張望

只見一些普普通通的粉麵餐

我便求其咁點了一個雪菜肉絲麵

原來出其的好食

初以為只是平平無其的米粉

所以連相都無影便隨隨的把米粉爬入口

其實可以形容為食過咁多雪菜肉絲米最好食的一碗

食完米粉後諗住涼茶店買杯庶汁飲下既

但在途中給一陣香草味吸引著

香味就來自這間簡陋店子

香的便是這碗綠豆沙

即時又改變行程

庶水都唔飲喇

坐低慢慢品嚐這糖水

有時隨心行都會搵到意想不到的食店

這種不刻意帶來的驚喜

更會令我覺得歡欣

人.....可以就咁簡單既事便得到快樂