香港仔珍寶海鮮舫-龍軒

記得多年前, 有朋友經常帶我到珍寶海鮮舫飲下午茶, 強調那裡的蝦餃特別好味, 我食過一次後就經常嚷著要去, 但當時飲下午茶當然要請假至可以去啦,  現在既然不用上班, 一於再到此一遊吧!

到珍寶海鮮舫必須要坐街渡過河, 乘船大約十分鐘.



沿途見到一些船家停泊著自己之住家船在這裡, 除住家船外, 還有一些捕魚船, 只因現為休魚期所以通通都停在這裡.



船程去到半路時, 遠望更見到深灣遊艇會及香港少有之船隻修理場.



大約八分鐘後便到達珍寶海鮮舫, 正門設有九龍吐珠, 都幾壯觀架.



落船後, 我們選定了二樓之"龍軒"飲茶, 還選擇了一些別致的點心試試.



首先來一個鎮江水晶肴肉, 味道一流, 又夠凍, 最啱咁熱既天氣食.



再來當然係超正既龍軒蝦餃皇啦, 一的肥肉都無, 入面的蝦仲好爽脆, 正!



有蝦餃自不然就有燒賣啦, 今次叫既係法國鵝肝魚翅燒賣, 你睇的魚翅真係一梳梳咁係件燒賣上面架.



跟住黎多個鮮蝦煙鴨酥, 平時多數都係食的咩咩叉燒酥咁, 今次要食個特別的既煙鴨, 整得好好味, 好酥, 入面的鴨整得夠味但唔好汁, 仲係即叫即做添, 夠新鮮, 熱辣辣咁, oisii.



諗住試下尼度的炒嘢好唔好味啦, 就叫在個帶子海鮮炒紅米飯, 尼碟嘢超大碟, 食完碟飯都食唔到其他點心添.



死心不消之下再叫多個甜品便算勒, 又係即叫即做既燕窩蛋白蛋撻, 實在太好味勒, 不過就等得耐左的, 差唔好等左二十分鐘, 之前食的嘢都消化晒LU.

香蕉oreo芝士蛋糕

我好鐘意食蛋糕架, 平時行過的餅舖都想買蛋糕食既, 但係入到去見的人多數都係為左朋友生日至買, 好少因為突然想食而入去買既, 可能係心理因數關係啦, 想食都唔會入去買既 (我都只係有親戚朋友生日至會去買), 無法啦, 又想食又唔想買, 唯有自己整啦, 搵左幾個芝士蛋糕既食譜, 都係覺得香蕉, oreo, 芝士最啱我, 咁啱之後又約左朋友喎, 不過早少少整完可以同佢一齊食啦.

今次個蛋糕其實都唔難整, 只係我懶左少少, 無將的香蕉攪爛, 整完出黎之後個蛋糕入面有的蕉粒, 好似好怪咁.





餅底材料:
oreo餅乾碎 60g
無鹽牛油溶液 30g

蛋糕材料:
忌廉芝士 145g
砂糖 55g
淡忌廉 145g
牛奶 45g
oreo餅乾碎 40g
香蕉茸 130g
魚膠片 3片



做法:

1. 將淡忌廉打至七成企身, 再將忌廉芝士打至軟身, 然後分數次加入砂糖, 繼續打勻.
2. 加入牛奶, 以慢速打勻.
3. 用攪拌機把香蕉攪爛成香蕉茸, 然後倒入芝士混合物中, 輕輕拌勻.
4. 加入oreo餅乾碎, 再拌入在打起之淡忌廉中.
5. 預備魚膠溶液, 把它加入混物拌勻.
6. 將混合物倒入餅模內, 放入雪櫃冷凍1.5小時, 即可.

迷迭香杏仁片鬆餅

再接再厲, 今次又試下跟足食譜整鬆餅先, 但經過今次之後, 我更加覺得好多食譜同我要整既份量真係好有出入喎, 就好似今次咁, 我全部份量都跟足晒, 但係食譜話明可做6個2"x2"鬆餅既, 點解出黎只得4個乍, 都唔係好明, 有冇人可以解答我既問題呢, 另外, 仲有一個問題, 點解個個朋友都係食到薑味而唔係rosemary味既.





材料:

無鹽牛油 70g

黃糖 50g

鹽 1/8茶匙

牛奶 40g

雞蛋 100g

全麥粉 100g

麵粉 40g

泡打粉 1茶匙

迷迭香 2茶匙

杏仁片 40g



整法:

1. 先用拂蛋器拂打蛋黃

2. 分次慢慢加入黃糖攪勻

3. 然後加入無鹽牛油溶液攪勻

4. 加入牛奶攪勻

5. 篩入全麥粉, 麵粉, 泡打粉, 然後用膠刮拌勻

6. 加入迷迭香及杏仁片, 然後拌勻

7. 用小匙羹把混合物放入紙杯內, 以180度焗25分鐘, 完成.

天氣真的很熱哦!

星期日=休息日, 當每個人都覺得星期日要休息時, 我總愛在這天做這做那, 天氣這麼的炎熱, 又不想出外走動, 不如留在家中整一些小吃吧. 到廚房去找找, 唉! 什麼食材都没有, 怎辦呢?

看看食譜, 發現法式焦糖燉蛋都未整過喎, 材料又簡單, 就試試這個啦.



材料: 

蛋黃 50g

牛奶 60g

糖 20g

淡忌廉 125g

雲尼拿油 少許



做法:

1) 用打蛋器拂打蛋黃, 分2-3次慢慢加入砂糖, 打至淺黃色.

2) 把牛奶煮熱, 倒入1)中然後攪勻.

3) 把混合物加熱至82-85度, 期間不停攪拌, 避免黏底.

4) 將淡忌廉及雲尼拿油加入3)中拌勻, 隔走面層泡沫.

5) 將混合物倒入杯內, 以160度座水焗30分鐘.

6) 出爐放涼後, 在表面撒上砂糖, 用火槍把表面燒至微焦, 即可.    

回歸記念日的一天 (許誠毅教畫史力加)

"回歸記念日"....對於好多人黎講都係一個值得記念既日子, 但對於我身邊既朋友, 這幾天只不過為佢地增加多幾日假期可離開香港出去旅遊既日子, 前幾天已有朋友仔出發了, 有的去日本, 韓國, 台灣, 大陸都有. 而我呢....邊度都無去, 不過, 眼見佢地個個都去晒坐飛機, 雖然我無得坐, 都要去機場走一趟至得. 7月1日一早就起身出發勒, 到外面食過早餐後隨即乘機場巴士前往機場去, 途經青馬大橋時, 又看到一片汪洋既大海, 見到一艘艘既船我就諗返起以前這裡只是一個細小既魚港, 現已大不同了.



經過大約半個多鐘既路程, 好快就入到機場區勒. 之前去到外國既機場多數都會望多兩眼, 看看人地個機場有幾特別, 有幾豪華, 但自己用過好幾次既香港機場呢, 到現在都未曾仔細咁望多一眼, 每次都是匆匆忙忙咁趕來, 今次正好給我一次機會真真正正咁睇清楚熟於我們的香港國際機場. 就等我變成一個遊香港既旅客啦.



今次入來既目的其實是想看看這個國際機場內之翔天廊, 入來至發現香港好多人都好似我咁, 趁這個7.1入來走走, 沿途都見到一家大細的家庭有說有笑的步行著. 好warm哦.



從一號客運大樓行過來, 經過四周看到這裡的環境, 覺得給人耳目一新既感覺, 好有藝術感.

另外, 入面都有我地平時熟悉既商舖, 但當然比出面的大一點, 靚一點啦.



今次入來另一個目的就是想試試這裡一個4D大銀幕既戲院, 聽講話係全亞洲最大添喎.



咁啱間戲院上映緊史力加3, 我又鐘意睇, 好.....一於買飛睇啦.



買完飛仲發現史力加會出巡添, 緊係唔好走開, 同佢影影相啦.



影完相就可以入場勒, 場館仲派發禮物包添.



入場坐定定先, 睇黎個銀幕真係好大喎, 的人話有5層樓咁高架, 你地睇, 有冇呢?

左上: 銀幕前放左張枱, 係史力加既導演許誠毅會出黎教大家畫史力加

右上: 史力加見導演咁耐未到, 出黎搞下氣氛先

左下: 許導演教緊的小朋友畫畫

右下: 這張就是許導演即場畫既作品



你地都試下畫唔畫到丫, 好易畫架.




睇完史力加之後都有的肚餓勒, 去食的嘢至得, 唔....食咩好呢? 楝呀楝, 都係楝我最鐘意食既日本嘢啦, 去左一間宝大郎既買左兩個飯, 一個係吉列酥炸生蠔咖哩飯(甜), 另一個係吉列炸蝦咖哩飯(辣), 兩個都咁好味架.



食完飯, 行左一陣, 見橫豎都入到黎, 不如睇埋套4D戲至走, 因之前睇完史力加, 用史力加飛尾可優惠價$25(原價$50)睇4D戲, 今次做既係白馬奇緣.



嘩! 簡直係超正呀, 44呎闊, 64呎高既大銀幕, 又有4D特效感覺, 從未睇過咁立體既電影既, 直得一睇再睇, 下次有機會上映第二套戲, 我都會再入黎睇過.

睇晒兩套戲後, 覺得仲有的地方未行晒, 咁就繼續我地要行既行程勒, 其間見到好多舖頭都鐘意放的得意既公仔出黎吸引的遊客, 既然我當日都係遊客之一, 一於咩都影, 影影下, 仲見到有間舖頭賣甜品既, 咪影低埋佢囉.

最後, 我地仲去埋亞洲國際博覽館添, 不過去到至發現果度咩都無架, 白行一趟添.