芝脆雞

平時多數食PIZZA都會ORDER PIZZA HUT或PIZZA BOX既

今次想轉下味

所以選了這間

[芝脆雞]

但單看大批賣相

真的沒其他兩間咁正喎

批身好軟

唔脆

辣味雞翼

算是唔錯

但總比PIZZA HUT的還有很遠距離

小食拼盤

都只熟一般

但雞翼比辣味的好

香草烤雞焗飯

飯類通常都唔啱我

所以無食

看似好味過PIZZA

下次都係ORDER返其餘兩間有保證D

麵軒@灣仔

這店子什少來幫襯

但咁啱行經這裡

便入來坐坐

還點了2個下午茶來試

估唔到又唔大差喎

雪菜肉絲米 + 小食拼盤 + 飲品

小食拼盤只是D煎炸嘢無咩特別

至於雪菜肉絲米比想像中好

湯底好夠味

以價錢計都算食得過既

豬扒飯 + 飲品

豬扒當然用上雪藏豬啦

但整得算唔錯

加上個肉澡汁

好有台式風味

地址: 灣仔軒尼詩道302-308號集成中心地下G3號

八喜@藍田

酒樓於新春期間多數都係食D意頭嘢

尼間都唔例外

[芥苿香芒大蝦]

芥苿同芒果味原來好夾架

雖然都係用上雪藏蝦

但加上尼個醬汁

又幾好食喎

[鮑魚閔雞煲]

初初以為係鮑魚菇添

原來係鮮鮑魚黎既

煮得好淋

唔難咬

D雞仲好夠味添

[擔擔麵]

黎到當然少不了擔擔麵啦

唔記得左上次食已經差左好多

今次應該唔好點

都係果句

無左以前食開既花生醬味

失色

[南瓜鮮肉煎包]

睇過賣相就好靚喇

食落口其實都唔差既

只係南瓜同豬肉既比例可以再做好D囉

但勝在個芯好夠熱

包面又煎得唔錯

都OK啦

其實仲有個黃金炒飯同搖柱金菇抓時茶既

都係卦住食所以無影到囉

開飯

地址: 藍田啟田商場2樓206號舖

自家紅豆沙

之前買左少少綠豆返屋企煲綠豆沙

E+再黎煲返個紅豆沙至得

今次煲得幾好

每粒紅豆都煲到開晒口

材料: 紅豆半碗, 乾百合10片, 果皮1塊, 水6碗, 冰糖少許

做法:

1) 紅豆備先用水浸一晚.

2) 乾百合及果皮先浸水, 果皮除後用鐵匙刮去內部白色物.

3) 煲水, 待水滾後, 放入紅豆及果皮, 大火煲約15分鐘.

4) 加入浸過之乾百合, 轉慢火煲至紅豆淋身, 落冰糖, 即可.

Pluto@天后

情人節

Table for 2

晚餐

[頭盤]

肉桂萍果吉士酥皮燒帶子沙律

帶子燒得好軟淋

加上吉士醬既酥皮餅仔

估唔到咁好味

[餐湯]

忌廉南瓜湯

[主菜]

加拿大穀飼厚豬扒

豬扒燒得外脆內軟

好豐厚既穀飼味

紐西蘭鱸魚柳

肉質尚可

有魚鮮味

敗筆之處在於魚塊表面有鱗有骨

[甜品]

花生慕絲脆焦糖榛子

原本可以加$30轉心太軟

但基於我只愛吃朱古力而非朱古力蛋糕

所以沒有轉

吃入口才發現這個甜品比心太軟還適合我

唯獨是脆焦糖做的榛子唔啱我口味

整體來講都算滿意

地址: 天后水星街28號耀星華庭G1鋪

木耳炒牛筋丸

又一簡易餸菜

[木耳炒牛筋丸]

四海這款牛筋丸都幾好味

趁特價買定放雪櫃

足不出戶都可煮到一二個餸架

只要將木耳用熱水浸軟

牛筋丸沖凍水解凍, 切花

白鑊爆乾木耳後加入牛筋丸

用蠔油開水埋汁即可

越廚@筲箕灣

有日行開東大街

見有間新舖開左

入面一D人都無

試新嘢係我既本性

當然入去試下啦

~ 越式2人晚餐 ($98)~

包括

越式炸蝦餅

越式美拖雞

香茅炸豬扒

越式春卷撈檬

飲品2杯

舖仔細細

侍應又唔抽唔睬咁

諗住好差啦

但點知又唔係喎

食物仲好有水準添

真係估佢唔到

地址: 筲箕灣東大街55號地下

鳳梨酥

每年新年都會收到這款鳳梨酥

聽聞唔係即買即有

要新年前訂定的

朋友真的很有心

知我特別愛吃這些零食

雖然自己識整

但朋友送的

特別好食

番茄濃湯蟹柳蛋縲絲粉

經常出街到茶餐廳

都會點番茄濃湯牛肉通粉既

今次決定自己動手做

雖然沒有肥牛

但加入了我至愛既煎蛋及蟹柳

一樣咁好味

金水壽司@銅鑼灣

聽人講金水壽司好食

但今次都係第一次黎乍

質數都算唔差

火炙鰻魚壽司, 火炙三文魚腩壽司, 火炙魚背壽司 .

希靈魚壽司, 天使蝦壽司, 劍魚腩壽司, 三文魚壽司.

海膽軍艦壽司, 辣味三文魚軍艦壽司.

炸軟殼蟹天婦羅

地址: 銅鑼灣謝斐道440號駱克大廈A座地下H&I舖

100%自家製果汁橡皮糖

新春期間

當然要做D啱小朋友食既軟糖啦

自製既果汁橡皮糖就最啱

做左3款唔同既做型

材料: 100%純芒果汁一支, 水飴54g, 魚膠粉75g, 檸檬汁2湯匙, 糖60g

做法: 將所有材料座於熱水溶解, 入模, 放入雪櫃半小時後取出即可.

香港人的德行

話說年初二那天

一心諗住到紅館附近睇煙花

隨後便可順道睇埋溫拿演唱會

點知紅館當天原來早有安排

於放煙花其間封閉紅館附近場地

那麼手持演唱會票的便像包場睇煙花一樣

初以為很多人會到這邊

所以一早便來到

行了一會找到一個有利位置

企到第一行

應該無人阻擋到我的視線啦

誰知有些不首規則的人

本來已經企我隔離

都是第一行的

居然踩踏著小草

企在石臼上

我即時對他們說:

這樣後面的人點睇呀

他們都沒有聽著

只是坐下來便覺得擋不到便行

最後我還說到

你們這樣怎能教育下一代呀

話口未完

那些三五七歲的便學著他們跑上來了

真是.......

香港人的德育是否真的那麼缺乏呢

看看以下這幾位欠缺德育的香港人吧

臨放煙花前

有場館職員走過來叫那班缺德的香港人走下來

到最後

本來已經企第一行的

走下來後已容不了身

要企到後面去

我即時拍晒手掌啦

終於可順順利利睇煙花喇

煙花過後

便到紅館睇溫拿演唱會

我見六七十歲的公公

睇得相當high

睇到雙手舉褀

手舞足蹈

新年快樂

大家好 ! 恭喜發財 !

兔年進步 ! 兔氣揚威!

身體健康 ! 越揾越有 !

心想事成 ! 萬事勝意 !

招財進寶 ! 財源滾滾 !