喜蓮咖啡@澳門

因住氹仔關係, 早餐便去到官也街附近搵食, 但很多鋪都未開, 最後來到這間咖啡室, 時間七點多, 沒其他遊客, 全是街坊, 睇衣著似是食完趕返工那款.

番茄牛尾湯麵
一食便知是某款罐頭牛尾湯, 可能是這關係, 一定好食.

紅豆冰
紅豆煮得唔太冧, 好大粒, 有咬口, 不過太細杯, 杯身超厚, 杯底勁高, 雖然好飲, 但唔太低.

豬扒包
第一口咬落去, 食到豬扒好香, 但食食下會比個包吸引多d, 相比之下豬下失色了.

咖哩吞拿魚包
本來係叫咖哩辣魚魚既, 算啦照食, 唔知係咪罐頭吞拿魚+咖哩醬呢, 多汁, 幾好味.

炸吞拿魚角
餡料可能都係罐頭, 個角就炸得好香脆, 熱到揸唔到上手.

炸雲吞
又係熱氣嘢, 唔咩特別...唔好食, 啱口味的, 炸嘢唔會太差.