HaagenDazs $79 任食

把握最後機會, 趁這聖誕前, 與友人sweet sweet一下啦.

超抵食架!!!!!

$79任食一個鐘, 可以任食雪糕球同埋一款堂食的雪糕甜品!!!!

要訂位, 26/11 - 18/12,  3:00 - 10:00PM,
(Pacific Centre Shop, Tel: 2724 6868)

我返黎喇!!

好耐無返黎喇, 再次入黎, 發現原來停左blog個幾月架喇, 真係唔覺唔覺添, 唔知睇開我blog既人走晒未呢? 仲會唔會返黎探下我架? 係咪唔記得左我? 有有掛住我咁呢?

前陣子, 真係忙過不停, 好唔捨得低下, 唯有忍痛放棄一段時間, 依家全部嘢都搞掂晒, 可以返黎同大家繼續分享喇.

近日開始得閒少少, 又想整整嘢食添, 不過唔講你地真係唔知, 之前因要大量製作曲奇既關係, 居然連電動打蛋器都比我整壞埋, 依家要出去睇睇有咩打蛋器啱用, 快快趣趣買返個返黎, 至可以整到我最愛既甜品,小食. 你地耐心等下啦, 我買好晒所有物資, 再開始我既甜品生涯架喇.

see u.

久違了的約會 - 捐血

最近好少上網, 好多嘢要做, 好多嘢要搞, 無咩時間, 你地上到黎係咪見唔到我update好想走呢, 千期唔好呀, 比小小時間我丫, 不日後我會多d時間返黎架喇.

之前, 係屋企花左好多時間去休息, 養身, 直到今日, 身體真係好左好多, 覺得自己又係時候幫下人喇, 就的起心肝, 走左去捐血, 好好彩, 去度仲唔駛等添, 成個過程好快就搞掂, 在我捐完休息期間, 無咩好做, 攞左部相機出黎影下相, 但點知比中心既人發現, 原來入面唔影得相架, 話會影響儀器喎, 只係影左一張即時就收手喇, 其實仲想影下d佈置架, 因為臨近萬聖節, 有好多節日既佈置, 好有氣氛架, 你地有時間既, 不防去望一望丫, 當然順便要做返d有意義既事啦.

ps: 下次捐血日子為10-2-2009, 希望到時記得啦, 唔記得既, 你地提一提我喎, 唔該.