星期五既下就, 啱啱食飽飯正想開工既時候, 公司發生左件好可怕既事, 果日公司入面其中一個女婿老世同另一個細仔老世因為少少誤會而大打出手, 更恐怖既係, 女婿老世居然攞住兩把刀出黎指嚇另一位老世, 在場同事見得心驚胆振, 場面就好似拍戲咁, 但坐係中場既我, 心情就有的唔同勒, 你知啦刀槍無眼, 我坐既位置又處於公司既最中間, 又近pantry, 佢地攞刀啦, 打鬥啦, 全部係我身邊發生, 其他人只是隔岸觀火梗係無咩所謂啦, 好在最後都無發生到血案, 但係過左好一陣子隻手都仲係不停咁振, 成個下就都驚到不能正常工作. (同亞媽講, 佢叫我快的食返的珍珠未添, 佢真係當我仲係細佬仔定勒)
經過尼一次既經歷, 又同屋企人商量過, 一於做到出雙糧後唔再繼續做勒, 搵過份安全的既工好的, 其實當時我入尼間公司時, 都有朋友叫過我唔好做一的家族性既公司, 但係當時我唔知咩原因, 依家一路做就一路發覺真係有好多不為人知既麻煩事, 都係早的抽身出來為妙.
沒有留言:
張貼留言