太平館

尋日咁啱睇左兩本雜誌都不約而同咁介紹左太平館既歷史, 又咁啱早前又去過果度食嘢, 更加加深再果度既記憶, 果日原先唔係諗住去果間度食既, 點知經過門口, 有朋友話覺得個門口同條長樓梯好有feel所以咪入去睇下囉, 其實之前我都試過尖沙咀果間既, 但今次黎到中環果間又碓實幾有特色喎.

記得上次去尖沙咀食果次, 仲未有瑞士汁既菜色, 只有招牌菜瑞士雞翼, 所以今次就試下太平館瑞士汁炒牛河, 出黎既顏色就唔多靚, 但係食落又真係幾好味喎, 甜甜地咁, 都幾啱我口味既.





而我朋友就係第一次黎食既, 佢當然會叫尼度既招牌瑞士雞翼飯($73), 佢都話幾好食架, 佢係出面都試過其他地方既瑞士雞翼, 佢話尼度果的真係唔同譜通雞翼果的咪, 出面食果的就同"老水"雞翼無咩分別, 真係尼度既最好食喎. 不過佢問我瑞士雞翼係咪瑞士傳過黎喎, 我都唔知架, 但係睇完雜誌介紹就明白晒勒, 原來初初推出尼款雞翼果陣個名係叫sweet wing, 但係有的人睇錯左以為swiss wing喎, 於是咪叫左瑞士雞翼囉.