再戰芒果慕絲蛋糕 (with recipe)

今次整既慕絲蛋糕比起之前既靚左好多, 不過我仲係覺得外面未夠平滑, 想再做好的.









食譜來源: 為食貓

意大利脆條(with recipe)

上次開左包酵母粉, 驚佢放得耐會變壞, 於是快快手咁整多幾次啦, 今次個recipe之前已經搵左既, 放左好耐都未有時間整, 終於都輪到佢啦. 不過係我整既時候好唔專心, 一路整麵糰, 一路煮飯, 搞到發酵時間同個recipe有的出入, 唔知係咪咁, 整左出黎既脆脆條好似好硬咁. 食到依家都仲未"林", 都算係咁啦, 如果邊個知到點解我會整都咁硬既, 可以通知聲我嗎:(





材料:

A) 高筋粉 250g

     酵母粉 2茶匙

B) 鹽 1 1/4茶匙

     糖 1茶匙

C) 冷水 150ml

D) 酥油 35g



做法:

1. 將(A)拌勻, 然後加入(B)混合攪拌至均勻.

2. 注入(C)攪成麵糰.

3. 加入(D)攪拌成光滑麵糰.

4. 將麵糰放入碗裡蓋上保鮮紙, 静置發酵45分鐘. (我就發酵左個半鐘)

5. 拿出麵糰, 將它搓圓, 再發酵15分鐘. (我再發多一個鐘)

6. 將麵糰擀薄成長方形(12cm x 50cm)後, 再切成長條形(1cm x 12cm).

7. 先將手掌微弄濕才搓揉麵糰, 將條狀麵糰再稍微拉長, 搓至每條18cm長, 並沾上黑櫻米.

8. 將麵條静置10分鐘, 以220度焗15分鐘即成.

牛油包 (WITH RECIPE)

今日終於的起心肝整左尼款麵包, 係我既第一次, 所以個樣好似有的怪怪咁, 好在食落口都無咩大問題, 都食得下既, 希望下次再整得好D啦.

材料:

(A) 高筋粉 600克

      酵母粉 2茶匙

      糖 70克

      鹽 1/2湯匙

      奶粉 1/2湯匙

(B) 雞蛋1個

      牛奶 180毫升

      冷水 110毫 升

(C) 牛油60克



做法:

1) 先將(A)攪拌均勻.

2) 注入(B)攪拌成團.

3) 加入(C)拌成光滑麵團.

4) 讓麵團發酵15分鐘.

5) 把麵團分成每個約40克, 並將小麵團搓圓.

6) 放入冰箱, 冷藏30分鐘.

7) 將它搓成圓錐形.

8) 將麵團壓扁, 然後卷起.

9) 再讓麵團發酵50分鐘.

10) 最後, 塗上蛋液, 以190度焗10分鐘即可.

          

悠長假期

正式踏入我既悠長假期勒, 之前績押左好多嘢未完成既, 都想係尼個時間做左去, 不過剛啱至開始放假姐, 仲有時間做既, 所以決定攞左的時間出黎陪下亞媽先啦, 知亞媽鐘意飲茶, 今日特登柬間佢平時少去既時代廣場10樓鴻星海鮮酒家飲下午茶, 咁啱我哥哥又唔使返工, 我地三個就一齊上去食啦, 一上到去發現好多人排隊, 不過唔係我地想去果間喎, 係對面鐘菜, 佢地要排隊攞飛再等位既, 我之前同朋友都食過尼間, 的嘢就無咩特別, 朥到價錢平, 無加一. 今次過黎係諗住同亞媽食的特別嘢既, 當然無柬尼間啦. 鴻星價錢就貴少少, 不過下午茶都算低食架, 大小點同價, 一律12.8都ok啦, 入左去之後開完茶亞媽第一時間睇下有咩食啦, 佢見到個餐牌的相已經覺得好靚, 樣樣都想食咁, 即刻諗都唔諗就點左幾味靱.



市橋白賣 (睇名都唔知係咩, 所以點黎睇下囉)



芝士蝦長春卷, 香芋千絲糕 (我就最鐘意的香口嘢勒)



左圖: 白兔餃      上圖: 流沙包      右圖: 南極企鵝餃



流沙包真係做得好好, 熱騰騰既流沙仲好好味添.



初初以為白兔餃同企鵝企入面會係一樣添, 點知食落都有的唔同喎, 個樣仲好靚仔添.



鳳爪 (唔知點解每次去飲茶都會點既食物)



首輪點心都食得七七八八勒, 但係仲有的特別嘢未食到, 於是要再繼續點呀....點呀...........................



上圖: 五柳炸雲吞    中圖: 蛋煎糯米雞      下圖:蓮蓉皮蛋酥



平時好少係茶樓食皮蛋酥既, 不過見人地點左又好似幾正咁, 咪點黎試下囉, ok喎又唔"流"又唔係好甜, 啱啱好.

蛋黃千層糕 (之前都食過鴻星的蛋黃做得好好, 於是繼續蛋黃囉)

鳳凰燒賣 (食左咁耐都忽略左我亞哥添, 全部都係我同亞媽鐘意食既, 都係時間比佢柬返樣勒, 不過佢都係鐘情燒賣多的, 佢又係去到邊都要點尼個點心既)



PS: 食左十二個點心 + 茶芥 + 加一, 埋單都唔使二百蚊, 低食.



地址: 銅鑼灣時代廣場食通天10樓1005號舖

電話: 2628 0886