北海拉麵屋@銅鑼灣

經常行sogo既我, 通常都會行完晒sogo至出外面搵嘢食既, 但今晚又想食拉麵, 又想多d時間行街, 唯有落sogo樓下果間北海拉麵屋食囉 (銅鑼灣區其他拉麵店等位要好耐架), 之前都食過一次, 覺得都幾好食, 今次係返炒既, 上次黎已經見好多日本人黎食, 應該都有保證既, 唔會太差.

粟米拉麵:

雖則個名係粟米拉麵至喎, 但成碗麵入面唔止得粟米咁單調架, 有好多配菜, 但你地睇下, 所謂配菜, 連豬肉, 魚旦, 紫菜都有架, 係咪好似低d呢, 另外, 仲有要一提既係, 正宗日本拉麵, 除左order粟米拉麵外, 其餘拉麵都唔會另加粟米比你架, 如果你係出面食xx拉麵, 又見佢有加埋粟米比你, 咁其實果間已經唔係食正宗拉麵既麵屋黎架.

叉燒拉麵:

好多人都鐘意食日本既叉燒既, 舊叉燒又夠香, 又好淋, 好好味架, 不過配菜就少好多喇, 等你專心欣賞佢地整既叉燒, 尼個麵係豬骨湯底既, 所以餸少d都唔緊要, 成個麵配上個湯, 唔駛食餸都覺得好好味架.

ps: 你地有無發覺, 兩碗麵其實都有豬肉架, 但兩碗嘢既豬肉又唔一樣喎, 我試過晒兩款, 其實都咁好食喎, 但食落既口感又真係唔一樣既, 唔知有咩分別架呢