龍皇海鮮酒家@旺角

這酒樓的來頭可不少

背後人物正是經常出鏡的黃永幟

聽說食物一流

想來這裡試好耐

終於約齊人馬

點多幾款點心一試

[鮑汁鳳爪]

真係好好味架

鮑汁仲好濃好香

不過茶樓冷氣太大

食慢D個鮑汁都會杰晒

[梅菜肉餅飯]

聽名字實在很普通

但算試這裡進介

點了一個

原來SIZE細得只供一人食用

唯有每一人匙試下啦

梅菜份量亦不多

估食落無味特別/味道

[香芹牛肉球]

我見無咩特別

反正又唔夠分

所以無食到

但聽朋友仔講粉多過肉

唔係咁好食

[古法馬拉糕]

出乎意料的好食

放入口就聞到一陣好香既"唔知咩"味

[柚皮蒸鳳爪]

可能食過鮑汁鳳瓜

尼個完全無驚喜

味道一般

只是比出面吃的

沒有咁多味精味

[蠔皇叉燒包]

又係好似有D鮑汁味

唔太鹹

無咩肥肉

多汁

[安蝦咸水角]

個皮好酥脆架

食落有少少似叉燒包入面既料

但唔明點解叫做安蝦咸水角

因為我完全食唔到蝦

[麻香蔥花蝦米腸粉]

埋枱時完全唔知係咩

點睇都唔似腸粉

仲以為類似蘿蔔糕既物體

點知夾上口食

覺得一流喎

粉皮煎得好脆好金香

[家鄉炒米]

米粉特幼

炒得好乾身

加埋用左好香既XO醬炒

十分嘢味

[沙巴海蝦餃]

見唔見到最上角既蝦餃呀

再卦記影影影

我就無得食架喇

好彩有心人留返比我

唔知係咪沙巴海蝦特別爽呢

隻蝦餃真係又大又爽

幾正架