泡泡茶生日

泡泡茶咁鐘意整甜品, 梗係同佢去的有甜品食既餐廳啦, 今次我地去左旺角家樂商場地下果間Strewberry Forever. 哩間嘢的蛋糕一向都幾好食既, 不過今次最意外既唔係蛋糕, 係其中一度主菜pizza, 脆卜卜, 好好食, 如果你地未試過既一定要去試下勒.

我地叫左個二人餐, 有餐湯, 前菜, 兩個主菜, 甜品, 餐飲, 仲加多左二件蛋糕添.





先講下個前菜係沙津卷, 脆卜卜, 我就至鐘意食哩的嘢架靱, 主菜我地揀左牛扒泡菜石頭飯同豬頸肉pizza, 兩個我都覺得幾好食, 個飯就辣辣地既, 個pizza就好特別, 個底係用酥皮做既, 唔係一般食開果的餅底. 至於跟餐甜品, 係士多啤梨梳孚厘, 窩夫同香蕉班戟, 的份量多到暈呀, 因為跟餐的甜品麻麻地, 最後當然要同場加碼既蛋糕啦, 叫左兩件, 就係士多啤梨同美式芝士蛋糕, 我自己就覺得美式芝士果個好味的勒, 泡泡茶仲犀利, 佢一食就食得出個蛋糕用左酸忌廉黎整既, 我就係鐘意哩隻味勒. 最終都係食到好飽好飽.