西貢釣墨魚

釣墨魚

尼個活動唔係個個人都喜歡

有人怕暈船浪

有人覺得只係手沃沃咁無咩好玩

我都玩左好幾年喇

還在繼續這活動

因每次把墨魚釣上來的一刻

真的好有成功感

再者

一大班人坐著企著的說說笑笑

氣氛多熱鬧

因時間尚早既關係

特意走來這邊望望不同款式的海上鮮先

品種很多

看到最多人買的

都是一些大大條的海魚

貴妃螃及足足十寸長的班馬賴尿蝦等

船家還好有心機咁清洗乾淨

才一條條的幫它打鱗

返到屋企係咁意處理下就ok

近紅色小巴站的一面

建了一個小水池

很多人喜歡在這邊玩玩水

影下相咁

差不多係時候出海喇

聽聞同一時間差不多有四十隻船出發

今次人數不多

只book了條小船便可以

~看~

船家幾咁聚精會神咁駕駛著

趁船家開緊船

有朋友仔走到船頭位看海

(沈思咁樣喎)

我就趁機會走過來船長位

近距離咁看下這款大大個既指南針

船家一聲令下

隨即各人立刻放絲

哈~哈~

釣咁多次都未失過手既我

又係第一個釣到喇

本來都好鬼開心架

但.............

釣上來既居然唔係墨魚黎

只係一隻脹卜卜既雞泡魚乍

跟著

大家都不停的釣到雞泡魚上來

釣其他魚都有餐食丫

雞泡魚...........

只能放回海中

但維數真的太多喇

釣上來的全給船家掉到垃圾桶裡

釣咁多次墨魚

今次真的好奇怪

雞泡魚的數目足足比墨魚的數目多出一陪

最後都有少許收成

還炒到一墨魚兩味出來添

當船家炒緊第二味出來時

頭一碟已經差不多都掃清了

新鮮炒出來的

當然好食啦

但份量太少喇

唯有寄望下年啦