萬聖節2007

尋日同泡泡茶去左睇eason演唱會, 嘩......簡直做足120分呀, 點解, 100分係比eason既演出, 睇佢既表演至知咩叫演唱會, 現出一流, 超水準, good show, 另外20分bouns係比encore時出場既劉德華既, 真係無諗過會見到華仔, 佢一出場, 全場即時起哄, 場面熱鬧非常.

今次出黎除左有得睇, 居然仲有得食添, 泡泡茶特意為我做左尼個蛋糕, 平時佢好少做尼個款架, 佢話我鐘意食至整比我食乍.

我當然都唔會兩手空空咁出去啦, 平時少整嘢食比佢試既我, 一有機會出黎就硬係要帶的小點比佢評下分啦, 唔知今次會有幾多分呢??

最後, 仲有一個意外既驚喜, 就係尼個小天使勒, 記得之前佢講過尼個小天使代表住佢對每個人既祝福, 我都唔例外, 係尼個鬼節入面得到佢既祝福, 多謝晒.

ps. 個天使真係越睇越靚呀