木瓜花生雞腳湯

我好鐘意食雞腳架, 但次次都要等亞媽煲至有得飲, 佢又次次都講講下又煲左第二樣嘢, 諗諗下, 我自己都可以學煲唧, 反正依家係屋企咁得閑, 最想就係學下煮嘢食, 今次就睇我表現啦.

除左自己走去買左的雞腳別, 其餘材料都係屋內搵既, 搵到咩就落咩啦.

材料: 雞腳10隻, 木瓜2個, 花生2兩, 蜜棗3粒, 紅棗6粒, 蓮子1兩, 果皮1片, 薑隨意, 水8碗.

做法:

1. 將雞腳放入滾水煮透, 斬去爪尖, 洗淨備用.

2. 花生, 蜜棗, 紅棗, 蓮子, 果皮洗淨, 加滾水浸2小時.

3. 放所有材料放煲內(木瓜除外)大火煮15分鐘後轉小火煲1小時.

4. 1小時後加入木瓜, 用小火再煲多1小時, 食前放少許鹽即可.

同場加影: 炒菜心同雞軟骨.