簡易晚餐: 亂打燒雞翼 + 午餐肉炒娃娃菜

落左咁多日雨, 搞到個人都無咩心機添, 覺得有d悶悶地, 又係時候想整d嘢黎食下喇, 好耐無去bbq, 好掛住d燒雞翼既味道添, 唯有自己動手做做啦.

這個亂來的燒~~~~唔係應該係~焗~雞翼都算幾滿意, 味道仲好好添, 甜甜地, 又有燒既風味, 無諗過亂來都有咁既成績喎, 食多兩舊先, hehe~~

另外還做了個簡單炒菜, 你地一睇就已經知有幾簡單啦.

亂來燒雞翼做法如下:

1) 雞翼先用鹽水浸洗, 後抹乾水備用.

2) 迷迭香, 鹽, 糖, 蜜糖, 生粉, 老抽適量加入抹乾之雞翼, 室溫放1小時.

3) 先預熱焗爐, 用220度火焗10-15分鐘, 其間可有淨下來的汁料加少許蜜糖掃於雞翼表面回爐繼續焗, 可反轉重覆多次掃上, 待雞翼轉至金黃色, 即可.