太平山頂

星期日雖然天氣好凍, 但趁天氣好決定上山走走, 去左蘭芳園食完個豬扒包, 就沿中環行過金鐘撘纜車上太平山喇,

每次撘纜車, 我都唔鐘意坐定定既, 次次都要企係後排, 覺得自己好似玩緊機動遊戲咁,

不一會就上到黎喇, 經過小販當口都要行去睇下有咩大師作品,

望左一陣覺得le幅灣仔街景畫得最靚,

一邊行, 一邊都鐘意影下相既, 但我無咩攝影工具架, 只係用部手機周圍影..影..影..

影到le度, 你地睇係咪好有外國feel呢, 好似d過山火車路咁,

用手機都影到le張山頂相, 我收貨架喇, 算係咁啦, 下次要攞部大機上黎影至得,

太耐無上黎喇, 觀景台下面安左個大電視係度, 坐係廣場, 晒住大陽, 睇下電視, 爽呀,

咁凍, 仲有咁靚既太陽花既, 係咪好靚呢, 我好鐘意le種花架, 總係有種好開心既感覺.