海味芋頭糕@囍宴

仲有兩日就過年喇, 我地屋企年年都擺放住唔少既糕, 自家整既又有, 朋友送來既xx年糕, xx蘿蔔糕又有, 今年最意外既係收到尼盒由 Jacky Yu 親自主理既芋頭糕, 平時係電視睇佢講飲講食就多, 唔知佢既手勢係咪真係掂呢?

首先, 論包裝都算幾靚, 傳傳統統咁, 又紅又雙囍字, 中國人過年麻, 係咁至似樣既,

論份量一樣唔弱喎, 成份入面仲包括埋我鐘意食既蠔鼓添, 以往食開其他芋頭糕無架, 多手既我就去秤一秤佢, 嘩! 一個8"糕居然差唔多2斤重, 應該都真材實料既, 好期待試食果一刻添.