臘腸蝦米肉腸炒椰菜

今次用上冬天最常用的材料

炒出這款菜式

[臘腸蝦米肉腸炒椰菜]

材料:

臘腸

蝦米

辣肉腸

椰菜

做法:

蝦米用熱水浸軟

白鑊放入臘腸片炒至出油

再放入蝦米炒至乾身, 盛起備用

熱鑊下油, 放入薑, 蒜片炒香

落椰菜炒至淋身後加入臘腸蝦米及辣肉腸

再用生粉水收乾水份即可

花生米通

多年前在灣仔工作

經常要出入灣仔街市

市中心有兩檔專賣零食既舖頭無人不知

這次來到

又搵到我既至愛之一

[花生米通]

好有咬口

但唔清楚入面其實有幾多種粒粒係度

好像有脫水既黃豆

花生, 米通

還有其他不知名的粒粒

總之好味啦

 

炒粒粒

[炒粒粒]

雖然唔難整

但總係好花時間去將所有材料切粒

材料:

甘筍

大豆芽菜

肉碎

薑粒

蒜茸

辣椒

做法:

先將所有材料切粒備用

白鑊炒香大豆芽菜粒, 盛起備用

熱鑊下油, 放入肉碎炒至八成熟盛起

再下適量油煮熱, 放入薑粒, 蒜茸, 辣椒炒至出味後

加入甘筍粒, 肉碎, 大豆芽菜粒炒至乾身即可

欖菜蓮藕炒蜜糖豆

[欖菜蓮藕炒蜜糖豆]

材料:

蜜糖豆半包

蓮藕適量

欖菜適量

做法:

蓮藕切片備用

蜜糖豆先用糖, 鹽汆水

熱鑊下油, 放入蓮藕片快炒

再加入瀝乾水之蜜糖豆炒勻

放入欖菜炒至乾身即可

海帶綠豆沙

濕熱底既我

中醫師都叫我吃些去濕食品

睇書知道綠豆沙都算去濕糖水

所以我差唔多每星期都會食

但糖水舖既賣的起碼要十三四蚊

如果買幾蚊綠豆自己煲

平易好多架

[海帶綠豆沙]

材料:

綠豆半碗

海帶適量

陳皮適量

冰糖適量

水份量為綠豆之2倍

做法:

先將綠豆及海帶浸軟

水煲滾後加入浸軟之綠豆及海帶

大火煲半小時後轉用小火再煲2個鐘

臨煲好前下冰糖調味即可

自家叉燒飯@再興

平時好少食燒臘飯既我

今日特別想食豉油叉燒飯添

但係出面食個叉燒飯要三十幾四十蚊

好似唔係好低

於是我去左再興買左二十蚊肥叉燒

再加多條燒排骨

都係五十蚊乍

反屋企煲返煲飯

好味既叉燒飯出來喇

雖然買左五十蚊

但D餸多到食唔晒

尤其是條排骨

好大條架

蝦子麵@壽桃牌

唔想成日都食即食麵

於是買左這包蝦子麵來試

看麵身真的好多蝦子喎

但其實煮完之後咩都唔見晒架

加左幾隻雞翼尖等碗麵無咁dry

試過這牌子之蝦子麵後

發覺街市賣的蝦子麵好食過佢

好大陣鹼水味

唔太啱我

麻麻地

酸齋, 咖哩齋

好多人都鐘意到齋舖買酸齋雜齋食

有冇諗過自己整呢

其實好易好簡單架乍

材料:

麵根1斤

做法:

將買回來之麵根汆一汆水, 瀝乾, 盛起備用

熱鑊, 放入咖哩汁/酸甜汁, 待煮滾後加入己汆水之麵根, 煮至收汁即可.

咳!!!

咳到我CC下

有咩可以幫到我呢

已經食過咳糖

潤口糖

陳皮

川貝雪梨水

羅漢果水

薑醋

全部都唔得

蝦米蒸水蛋

每次蒸水蛋都蒸到凹凹凸凸咁

今次終於比我整得佢靚靚仔仔喇

就同大家分享下個小tips啦

[滑滑蒸水蛋]

材料;

蝦米仔適量

糖, 鹽少許

雞蛋2只

水份量為雞蛋之1.5倍

做法:

蝦米仔浸熱水, 待軟身後瀝乾水, 盛起,

糖, 鹽, 水於煲內煮滾,

慢慢加入打散之蛋液中,

放蝦米仔及蛋水於高身碟,

去泡後用錫紙蓋面,

大火蒸七分鐘後熄火,

再焗十分鐘即可.

科記咖啡餐室@上環

上次特登走來上環

尋找少年食神介紹既豬扒飯

今次無咁多人又唔駛等位

可以坐底慢慢食

[番茄豬扒飯]

比單叫豬扒飯貴好多

豬扒好淋軟

但不算太特別

好食之處到於番茄味濃厚

[豬扒包]

又是食落無咩特別

只是食到豬扒無其他店舖的咁多味精

最出色之處都是在於番茄

這裡的番茄好像特別新鮮香甜

通常電視介紹的都是不外如事啫