扭波波

尋日又去上扭波波堂, 一開始odie就要我地扭返之前學過果幾款比佢睇下的比例啱唔啱, 要扭返既包括: 小狗, 兔仔, 臘腸狗, 猴子等, 其實要我再扭返出黎都唔係難, 我係屋企都練左好多次應該無問題, 但今次我又唔知發咩神經, 一揸起個波個心就諗住扭兔仔既, 但點知隻手居然不由自主咁扭左臘腸狗去黎, oh no點解會咁架, 搞到隻臘腸狗出黎既比例怪怪咁, 唯有再扭過啦. 我已經比其他人扭得慢, 又扭得唔靚, 一聲令下, 又要學今堂要學既幾款, 唉吔!!! 我個腦呀, 真係唔知記得邊樣嘢至好勒.

今堂首先學既就係尼朵花花勒, 咪睇佢個樣咁普通, 原來好難扭架, 又要隻手夠大, 又要隻手夠力至可以應付到, 扭完尼個花花, 我都已經將之前食飯既力都比晒佢勒.

好在跟住再學既係比較容易既蘋果, 今次唔用260改用321, 個汽球細過好多啦, 你地睇係咪好似呢, 今次唯一攞返屋企既就係佢勒.

另外, 用左一個321加一個260織左一隻蜜蜂出黎, 都好似架, odie仲話將蜜蜂個身返轉扭就係一隻蚊勒, 但因為我無買321波, 所以只係堂上扭左尼一個乍, 無得返屋企練習添.

仲有尼個其實係第二堂學既鸚鵡, 我上次無返, 今次再叫odie教過我囉, 又要記多一款添, 個腦真係有的裝唔晒勒.