樓上cafe@旺角

上星期約左二個真係好耐好耐好耐無見既朋友仔出黎食飯, 講開佢二個, 係好機緣巧恰下至同佢地做左fd既, 其中一個本應只係同佢從電話中認識的, 後來因為公司重組, 佢被派到我公司來, 仲咁啱坐埋係我隔離行添, 而另一位仲傳奇, 之前係因為佢既美貌而吸引到我注意佢既 (我地雖然同一間公司, 但無工作上既接觸, 又唔同一層樓工作, 所以大家都唔識對方), 後來因為公司搬遷, 佢被派到坐我隔離, 咁我地三個就開始熟絡, 仲幫其中一人做過結婚既姊妹添. 時間過得好快, 今日仲見證埋佢大肚有小朋友, 真係幫佢開心勒, 希望快的可以見到佢小朋友出世啦.

咁耐無見, 當然要坐低慢慢長談啦, 今次佢地就帶我去食樓上café, 係我咁大個女既第一次, 佢地話樓上café勝在可以坐好耐, 無人趕你走, 慢慢點講都得啦.

尼間cafe煮既嘢好香, 好好味, 比起出面既西餐廳仲要有水準添, 上圖三款主菜加三杯飲品埋單都唔使$250, 好底食喎, 其中最出色既應該係大蝦配金菇牛肉卷, 見我朋友一低頭二話不說就將佢一一掃清, 就知有幾好味, 我食果個都唔差喎, 七成熟既肉眼扒, 比起我之前出面食過既整得當當夠熟, 好軟, 好香牛味.



地址: 旺角豉油街56號3樓.



ps: 現今沒有忙碌工作的我, 歡迎好久不見既朋友仔約我出來聚一聚, 雖然我比較被動, 但你地約到, 我一定會出來的, 比個電話我或msn, email都得. c u.