輕乳酪蛋糕

上星期去左花墟買水仙頭, 經過一間餅店, 聞到好看既蛋糕味, 停低左望望先, 原來係一盤盤芝士蛋糕出焗, 個樣好鬆軟喎, 見到仲好想食添, 但一雙手又揸住太多嘢, 都係無買到, 唯有返屋企自己整啦, 在我記憶中好似無整過尼款鬆軟既芝士蛋糕 (好似日式蛋糕咁架), 點知整左出黎.............

點解中間有條腰既, 有咩出錯, 材料, 個模, 焗既時間, 放涼既方法, 究竟發生左咩事呀, 有冇人話到比我知點解會咁架?

我用左可拆圓形模(左面)無腰, 但用慕絲ring(右面)果面就中間凹陷左.

仲有, 點解整唔到鬆軟既效果呢, 實實咁, 感覺就好似平時整開果的焗芝士蛋糕咁, 究竟又係咪做法唔啱呢?????

材料:

芝士200g, 低粉18g, 玉米粉24g, 牛奶24g, 蛋黃2個, 牛油24g, 砂糖一24g, 蛋白2個, 砂糖二60g

做法:

1. 先打軟芝士後加蛋黃打勻.

2. 牛油坐溶後加入1)慢慢攪拌.

3. 砂糖一加入2)內用打蛋器攪至完全融合為止.

4. 粉類過篩後加入3)內攪至完全不見粉狀, 再將煲熱之牛奶倒入, 拌成麵糊.

5.  蛋白+砂糖二打成發泡狀加入麵糊內.

6. 麵糊放於模內加水入焗盤, 用150度焗1小時後, 取出放涼.