聖誕新年 - 食左咩

車仔麵之家 - 之前食過已經覺得幾好, 但有朋友話我知 原來果度的辣醬係至正既, 一路都心思思想再去食過, 假期中經過灣仔, 特登再去食, 今次要多辣醬添, 真係好正喎, 朋友無介紹錯.

太古城美食廣場 - 好耐無去過果度食嘢勒, 今次去好有新鮮感, 叫左個石頭鍋飯, 唔錯, 的飯好乾身, 但有雞汁滲落飯, 好香好好味, 另外既小籠包套餐就麻麻地, 份量又少, 唔係好底食.

八八八拉麵 - 之前睇過的食評好似話幾好, 但我果次去食就覺得麻麻地勒, 試過一次都唔想再返去食, 的麵無咩味, 好清淡, 唔係咁啱我囉.

綠林甜品 - 深水埗區好多人都鐘意到松記食糖水, 但我次次去到經過都係無位既, 於是行多兩步去綠林食, 果度比較舊式的, 不過的糖水都算ok架, 又平的呢. 今次叫左個杏仁糊同粟子粒露, 入面真係有好多粟子粒架.