海洋公園魔幻聖誕

海洋公園白色聖誕節已經搞左好多年

今年既主題係

[魔幻聖誕]

從未入去感受過聖誕氣氛既我

今年趁天氣凍凍地

入去感受一下至得

每次入門口都見到呢個大氣球

因天氣凍既關係

入場時見唔係太多人

終於有機會坐上去喇

另外仲有海洋列車都係未坐過既

嘩! 話晒都係假期喎

點解真係咁少人既

入到去點影都得

車箱內黑忟忟架

只有頭頂見到好似海底既情況

仲以為可以坐好耐

原來大約3分鐘就上到山喇

平時好少睇呢part既

咁啱見d海獅不停表演咁

目的係問d訓練員攞嘢食

又幾得意喎

停低睇兩眼先

今次主力要去既地方

係平時唔多到又或者特別for聖誕節既地方喇

景點1: 聖誕老人奇幻屋

入面好多立體圖案架

入口處會派支棒棒比你

入到去可以庶住隻眼黎玩既

其實入面只不過好似科學館見到既玩意啫

無咩特別

唯一最好玩既就係果條

旋轉隧道

我真係玩到企都企唔穩架

入面仲有工作人員幫你同聖誕老人影相架

佢會幫你影一張 (出口揀相要比錢果隻)

但另外都會幫你用自己相機影既 (唔會唔比你自己影咁衰, 算佢啦)

呢隻熊仔好靚好得意喎

唔知係咪同聖誕老人一齊出去派禮物架呢

其他地方都佈置到好有聖誕氣氛喎

仲不時有漂雪漂落黎添

(終於感受到海洋公園既白色聖誕節喇)

景點2: 極速冰雪滑道

居然無人玩喎

咁就要快手快腳上去先

ho..ho..hooooo

景點3: 魔幻冰上匯演

一大班高手表演花式溜冰

仲一路溜冰

一路玩魔術添喎

d魔術都幾好靚架

連我都睇到拍晒手掌

入夜後見到海洋公園著晒燈既摩天輪

好靚呀

(不過手機影得唔好)

景點4: 閃亮亮聖誕花園

聖誕樹前仲有小型魔術睇

臨走前不防坐低睇埋啦

經過熊貓館

再入去探下佢地

點知見隻隻嘢都瞓晒覺

仲瞓到咁鬼樣衰添