一向鐘意食蠔既我
但自己都覺得完全唔掂
後來請教過高人如月
隨即去吉之島買左包廣島蠔返黎
今次可以學以致用喇
本來想買3L既
但無特價
返正都係試啫
買往2L返黎先啦
雖然同如月買既包裝一樣
但睇上黎無佢果包咁大隻
做法:
先將廣島蠔浸水解凍, 軟身後用生粉醃一醃, 沖水,
煲滾薑蔥水後, 將蠔汆水, 隔水盛起.
熱鑊下油, 放薑, 乾蔥起鑊,
加入蠔兜一兜, 再加入麵豉醬, 糖, 鹽, 酒調味,
盍蓋收汁, 開蓋後加入蔥段即成.
整得好靚呀，我索乾水都無汆水架!唔汆水大火爆都ok架啦!
回覆刪除[版主回覆12/28/2009 13:30:00]吓, 原來唔駛汆水架, 我成日都怕整得唔熟, 所以咪汆一汆水囉, 下次再試.
好好味。
回覆刪除[版主回覆12/28/2009 13:32:00]還要跟你學嘢啦.
簡直令人回味
回覆刪除一定好鮮味呢
Shirley
[版主回覆12/29/2009 00:09:00]生蠔仲好味呀, 但依家實在太少食lu, 怕唔衛生麻.