南瓜豬肉餃

之前係SOGO買左個南瓜, 放左好耐至諗到點整, 但食極都好似食唔晒咁, 上次用左三分一南瓜黎整南瓜餅, 分開左2次黎食, 見日日開住個雪櫃都仲見到佢, 就即刻又再諗下仲可以整d咩先, 有朋友知我鐘意食餃子, 就提議我不如整南瓜餃啦, 都好喎, 凡未試過整既嘢我都有興趣, 一於就整佢啦.

~南瓜豬肉餃~

材料:

半肥瘦豬肉 (我買左$10, 約有6兩),  咁南瓜份量我都用埋6兩試做, 水餃皮半斤.

做法:

豬肉買回來後洗淨, 先切條再切粒, 然後慢慢小心刴碎.

南瓜一半隔水蒸軟壓成蓉, 另一半刨絲.

豬肉刴好後用鹽, 糖, 豉油, 胡椒粉, 油及少計水撈一撈, 再加入已蒸軟之南瓜醃約2小時.

臨包餃子前放入刨左絲之南瓜.

將餡料放於水餃皮中央, 四周沾水, 中間對摺, 兩邊再向中間拉近, 做成兩邊都像魚尾形般, 再把兩條魚尾之同一方向前摺.

做成以下形狀. (餃子之正面)

(餃子之背面)

以上份量包到28隻餃子.

其中這十隻就成了我的午餐.

煲一大煲滾水放入鹽和油 (這樣才明顯見到餃子浮起), 當水大滾時, 放入已包好之餃子.

當餃子慢慢浮晒上來時, 即代表餃子已熟.

隨即加入韭黃, 試味後調較啱自己之味道.

這個就是我的午餐, 還第一時間拿出辣椒醬來伴食.

但原來南瓜水餃係好甜味架, 唔係咁啱配辣椒醬, 唯有淨食水餃啦, 不過都好好味喎, 水餃中既南瓜味好香而且個日本南瓜味道真係好甜.