蘋果海底椰糖水

聖誕節過後, 唔知係咪party後遺症呢?

可能食得太多零碎食物喇, 尤其是每個party上都有既煎炸嘢咁, 喉嚨即時唔太舒服, 仲有幾聲咳添, 要煲返d糖水飲下至得.

材料: 蘋果, 雪梨乾, 海底椰, 無花果, 蜜棗, 南杏, 北杏.

做法: 煲滾水, 將所有材料全部放入煲, 用大火滾十五分鐘後, 轉細火再煲2小時即可.

蘋果: 含有果膠, 可消積, 降低膽固醇, 並益氣氣血, 通便, 滋養強身, 促進發育, 對消不良也有幫助。

海底椰: 有潤肺,止咳,化痰作用.

無花果: 性平味甘, 百消腫解毒, 潤肺通乳, 清腸胃熱, 健胃, 助消化.

杏仁: 性甘平, 入肺大腸經, 潤肺, 平喘, 和胃潤肺止咳.